Lukas 7:16 - Buku Masero Pa'dandi Bakaru

¹⁶ Marea' asammi inde mai taue anna umpakasalle Puang Allata'alla nakua: “Mesa nabi kamai kendek illalan alla'-alla'ta! Saemi Puang Allata'alla umpasalama' petauanna!”

Mamasa

¹⁶ Marea' asammi inde mai taue anna umpakasalle Puang Allata'alla nakua: “Mesa nabi kamai kendek illalan alla'-alla'ta! Saemi Puang Allata'alla umpasalama' petauanna!”

Lukas 7:16 ပူးပေါင်းရင်းမြစ်များ

Matius 15:31

Mangnga-mangnga asammi tau buda ummita oma' naissan mantula', to kempo' malapu', to balimbingan naissan menono', anna to buta mala paita. Napolalan umpakasalle Puang Allata'alla Dewatanna to Israel.

Matius 21:11

Natimba' tau buda to unturu' Puang Yesus nakua: “Iamo te disanga Yesus-e, mesa nabi lu dio mai Nazaret lembangna Galilea.”

Matius 28:8

Mengkalao siami inde baine umpellei lokko'e, sikondongan sirau marea' anna dore' illalan penawanna lao umpaissanni passikolana Puang Yesus.

Matius 9:8

Marea' asammi to ummita inde kara-karae napolalan umpakasalle Puang Allata'alla to umbeen inde kakuasaan susi lako ma' rupa taue.

Lukas 1:65

Marea' asammi sabanuanna. Silelemi kareba diona inde kara-karae dio mentanetena Yudea.

Lukas 1:68

“Dipomatande Puang Allata'alla Dewatanna to Israel, annu saemi umpellambi'i petauanna anna sulangngi.

Lukas 19:44

La natallanni kotamu sola angganna issinna lambisan tae' dengan batu la tipatodo' yao batu senga', annu tae' muissanan kumua napellambi'imokoa' Puang Allata'alla la napasalama' temo.”

Lukas 2:20

Ma'pasulemi inde to ma'kambi' lako angngenannae napasiolaan umpudi anna umpakasalle Puang Allata'alla annu angga narangnginna anna naitanna tae' dengan sisalanna tula'na malaeka'.

Lukas 24:19

Nakuamo Puang Yesus: “Kara-kara aka?” Natimba' nakua: “Kara-kara dadi lako Puang Yesus to lu dio mai Nazaret, mesa nabi, to sitonda kakuasaan susi ummolai tula'na tenni pengkaranganna dio olona Puang Allata'alla anna ma'rupa tau.

Lukas 5:26

Mangnga-mangnga asammi tau anna umpakasalle Puang Allata'alla, sapo marea' toi duka' napolalan ma'kada nakua: “Memangnga-mangnga tongan inde kadadian taita allo temoa'e.”

Lukas 5:8

Tappana naita Simon Petrus, malimuntu' siami dio tingngayona Puang Yesus anna ma'kada nakua: “O Dewata, pelleina' lao annu to kasalaanna'!”

Lukas 7:15

Membangun siami inde taue anna ma'loko mantula'. Anna mane palessu' rokkoi lisu pala'na indona.

Lukas 7:39

Tappana naita inde to Farisi to untambai Puang Yesus-e, nakuamo illalan penawanna: “Ianna nabi tongan tee, la ummissanan inde baine urrumbuie anna la naissanan toi kumua to kasalaan.”

Lukas 8:37

Napelaumi lako Puang Yesus to dio lembangna Gerasa kenamala untampe inde tondokke annu marea' asan tau dio. Langngammi lopi Puang Yesus anna ma'pasule.

Lukas 9:19

Natimba' passikolana nakua: “Dengan tau ungkuai Yohanes to simantedok, dengan duka' ungkuai nabi Elia, dengan toi tau ungkuai mesa nabi yolona tuo sule.”

Yohanes 1:21

Nakutanai pole omi nakua: “Bennaroko iko? Eliarokoka?” Natimba' nakua: “Tangngia.” Mekutana pole omi nakua: “Ikomoka nabi to diampai?” Natimba' nakua: “Tangngia.”

Yohanes 1:25

mekutam nakua: “Maakari ammu mantedok anna tangngiako para To dibassei bayu-bayu la ma'pasalama', tangngiako Elia, anna tangngiako nabi to diampai?”

Yohanes 4:19

Nakuamo inde bainee: “O tuang, kuissanammi pole' kumua nabiko.

Yohanes 6:14

Inde anna itami tau tanda memangnga-mangnga napalako Puang Yesus-e, nakuamo: “Ia tappa'mo inde nabi dirannuan la sae tama linoe.”

Yohanes 9:17

Mekutana pole omi to Farisi lako inde to buta angngena'e, nakua: “Umba iko nakua pikki'mu annu iko napomalapu'?” Natimba' nakua'. “Mesa nabi.”

Uleleanna Rasul 5:5

Tappana urrangngi tula'na Petrus songka siami Ananias anna kattu penawanna. Marea' asan angganna to urrangngi kadadian iatoo.

Uleleanna Rasul 7:37

Musa siamo duka' mangka mantula' lako to Israel nakua: ‘La umpabuttu mesa nabi susina' dio mai pembatisammua'.’

Galatia 1:24

Napolalan umpakasalle asan Puang Allata'alla ura'na kara-kara dadi lako kaleku.