Lukas 6:47 - Buku Masero Pa'dandi Bakaru

⁴⁷ Aka la dipasiundusan to sae umperangngii tula'ku anna palakoi? Perangngii angku tulasangkoa'.

Mamasa

⁴⁷ Aka la dipasiundusan to sae umperangngii tula'ku anna palakoi? Perangngii angku tulasangkoa'.

Lukas 6:47 ပူးပေါင်းရင်းမြစ်များ

Matius 12:50

Annu benna-benna umpogau' pa'kuanna Ambeku yao suruga, iamo sirondongku muane anna sirondongku baine sola indoku.”

Matius 17:5

Marassampi mantula' Petrus, turummi gaun mabussang ungkabu'i. Dirangngimi kamara illalan mai inde gaunne nakua: “Iamo te Anakku to kukamaseie anna umpomasannang penawangku. La muperangngia'i.”

Lukas 11:28

Sapo natimba' Puang Yesus nakua: “Marru kerongko' to umperangngii battakadanna Puang Allata'alla anna pogau'i.”

Lukas 14:26

“Ianna dengan tau sae la unturu'na' sapo marru umpakalando ia ambena, indona, bainena, anakna, sirondongna, battu kalena, tae' mala la mendadi passikolaku.

Lukas 6:48

Inde mai taue dipasirapan to la mebanua. Nakalimi rokko saullambi'na batu anna mane pa'pake'de'i banuanna. Tapakala sae wai buda unta'dulan inde banuae tae' nabela songka annu matoto'.

Lukas 8:13

Banne tappa lako litak mabatu, sirapan to urrangngi battakadanna Puang Allata'alla anna tappa natarima sitonda kadoresan, sapo tae' kenwaka' illalan penawanna. Tae' masae mangngorean, ianna nalambi'mo passudian memboko'mi.

Lukas 8:8

Dengan toi duka' tappa lako litak malunak. Marumbomi tuona napolalan kembua tiluppi' pessaratu'.” Mangkai natetteran, nakuamo Puang Yesus: “Kenamala mupatananni manappa talinga inde tula'kua'e.”

Yohanes 10:27

Angganna dombaku umperangngii tula'ku. Kuissanan dombaku anna naturu'na'.

Yohanes 13:17

Ianna muissanan asammoa' te maie la kerongkokoa' ke mupalakoi.

Yohanes 14:15

“Ianna mukamaseina', la unturu'koa' angganna parentaku.

Yohanes 5:40

Sapo tae'a' muaku sae umpellambi'ina' ammu lolongan katuoan sae lako-lakona.

Yohanes 6:35

Ma'kada Puang Yesus nakua: “Kaomo te nande katuoanne. Benna-benna sae umpellambi'ina' anna oreanna', ta'mo dengan la tadea' anna mawarrang sae lako-lakona.

Yohanes 6:37

Angganna to mangka napalessu' lako kaleku Ambeku, la saena' napellambi'i. Angganna to sae umpellambi'ina' tae' dengan la kusumbala.

Yohanes 8:52

Nakuamo inde mai to Yahudie: “Kiissanan tappa' pole' temo kumua natamaiko setang! Annu Abraham anna mangkamo bonno', susi toi duka' angganna nabi. Sapo mukua iko ‘Angganna to unturu' battakadangku ta'mo la mate.’

Ibrani 5:9

Mangkai diangka' mendadi To ma'pasalama' tae' dengan sassana, iamo pole' kabuttuanna kasalamasan sae lako-lakona lako angganna to manuru' lako kalena.

Yakobus 4:17

Dadi ianna dengan tau ummissanan gau' mapia sapo' tae' napalako, napokasalaan.

1 Petrus 2:4

Pellambi'ikoa' Puang Yesus, to sirapan batu tuo natibe ma'rupa tau sapo dipile anna dipakasalle dio olona Puang Allata'alla

2 Petrus 1:10

Dadi anggammua' sa'do'dorangku, la umpeang tongantongangkoa' lalan anna malara tuttuan mukanassa kumua ikomoa' to mangka natambai Puang Allata'alla anna napile. Annu ianna urrangnganni liukoa' kapangngoreanammu, manassa anna tae'koa' dengan la titodo,

1 Yohanes 2:29

Muissanammia' kumua to malolo Puang Allata'alla, napolalan muissanan duka' kumua angganna to ma'gau' malolo digente' anakna Puang Allata'alla.

1 Yohanes 3:7

O anggammua' anakku, daua' ma'din napapusa tau. Benna-benna ma'gau' malolo, tau iatoo innang to malolo susi Kristus to malolo.

Pa'paombo' 22:14

Kerongko' angganna to umpomabusukki bayu rui'na aka la sipato' ia tama inde kotae anna la siratan ummande bua kayu katuoan.