Lukas 22:41 - Buku Masero Pa'dandi Bakaru

⁴¹ Ussereammi kalena Puang Yesus ungkambela-bela passikolana, anna malimuntu' ma'sambayang

Mamasa

⁴¹ Ussereammi kalena Puang Yesus ungkambela-bela passikolana, anna malimuntu' ma'sambayang

Lukas 22:41 ပူးပေါင်းရင်းမြစ်များ

Matius 26:39

Mendendemi tittii' anna malimuntu' lumbang rokko litak, anna ma'sambayang nakua: “O Ambeku ianna la dengampa leleanna, pomambelanna' inde parri' kutingngayoe, sapo tangngia pa'kuangku la dadi, sangngadinna pa'kuammu.”

Markus 14:35

Memberomi titti' anna malimuntu' dio litak anna ma'sambayang kumua kenamala tae' ummolai kamasussaan iatoo.

Lukas 18:11

Ke'de'mi inde to Farisie anna ma'sambayang illalan penawanna untede kalena nakua: ‘O Puang Allata'alla, ma'kurru' sumanga'na' matin annu tae'na' susi tau senga', tae'na' siuntengko tau, tae'na' ma'gau' kadake, tae'na' ullullu' pa'bannetauan, anna tae'na' susi inde dio tuang passimae.

Lukas 18:13

Sapo ke'de' ia messala-sala inde tuang passimae lambisan marea' mentungngu langngan langi', anna ungkambei kalena umpenassanni gau'na nakua: ‘O Puang Allata'alla, kamaseina' annu to kasalaanna'.’ ”

Uleleanna Rasul 20:36

Mangkai mantula' Paulus, malimuntu' asammi anna ma'sambayang.

Uleleanna Rasul 21:5

Sapo nalambi'i attuna la mengkalaokan, umpatarru'mokan penonosangki. Naanta'kan to mangngorean sitonda baine sola anak sun illalan mai tondok. Saekan lako biring tasik, pada-padamokan malimuntu' angki ma'sambayang.

Uleleanna Rasul 7:60

Anna mane malimuntu' anna mealo' nakua: “O Puang dau patumangngi kasalaanna inde mai taue.” Mangkanna mantula' susi, kattumi penawanna.

Uleleanna Rasul 9:40

Ussua asammi tau Petrus sun anna mane malimuntu' ma'sambayang. Mangkai ma'sambayang, menggirikmi untingngayo inde to matee anna ma'kada nakua: “O Tabita, millikko!” Umpamillikmi matanna Tabita. Tappana ummita Petrus, membangun siami anna ma'loko.

Ibrani 5:7

Inde anna illalampa lino Puang Yesus-e, sima'sambayang sola melau sitonda wai mata anna sarro langngan Puang Allata'alla to ma'kuasa la umpasalama'i dio mai kamatean. Anna naperangngii pelaunna annu mengkarea' langngan Puang Allata'alla.