1 Yohanes 4:2 - Buku Masero Pa'dandi Bakaru

² Indemia' mungei ummissananni kumua to nakuasai Penawa Maserona Puang Alla'allae ke mangngakui kumua: “Mangka sae Yesus Kristus merrupa to lino.”

Mamasa

² Indemia' la mungei ummissananni kumua to nakuasai Penawa Maserona Puang Allata'allae ke mangngakui kumua: “Mangka sae Yesus Kristus merrupa to lino.”

1 Yohanes 4:2 ပူးပေါင်းရင်းမြစ်များ

Yohanes 1:14

Inde Battakadae mangka mendadi rupa tau anna torro illaan alla'-alla'na ma'rupa tau anna kikawanammo kamatandeanna. Inde kamatandeanne nabenganni Ambena annu iamo Anak mesanna. Iamo tapolalan ungkaleso Puang Allata'alla sola pa'kamasena lako kaleta.

1 Korintus 12:3

Iamo too anna kutulasammokoa' kumua: tae' dengan to naparunduk Penawa Maserona Puang Allata'alla, la untado Puang Yesus. Tae' toi dengan tau la kumua “Dewata tongan-tongan Puang Yesus,” ke tae' naparunduk Penawa Masero.

1 Timotius 3:16

Tae' dengan tau mala untelang kamatandeanna pepa'guruan Kasaranian mangka napakawanan Puang Allata'alla iamo: Umpakawanammi kalena merrupa to lino, anna nasa'bii Penawa Masero kumua to malolo. Naita malaeka', anna dipakareba lako to tae' ummissanan Puang Allata'alla. Diorean illalan lino, anna diangka' langngan angngenan kamatandean.

1 Yohanes 1:2

Katuoan iatoo mangkami dipakawanan anna kiitamo kami. Kisa'biimi anna kipakarebamo lako kalemua' diona inde katuoan sae lako-lakonae. Inde katuoanne sisola Ambe' mengkalao diopi mai, anna mangkamo dipakawanan lako kaleki.

1 Yohanes 2:23

Benna-benna untumpu pala' Anak, tae' dengan kasilombunganna lako Ambe'. Sapo benna-benna matutu ummakui Anak, dengan ia kasilombunganna lako Ambe'.

1 Yohanes 4:15

Benna-benna ummakui kumua: “Puang Yesus Anakna Puang Allata'alla,” tau iatoo mesa kappa'mi Puang Allata'alla anna Puang Allata'alla torro illaan kalena.

1 Yohanes 4:3

Sapo benna-benna tae' ummakui Puang Yesus, manassa anna tangngia Penawa Masero illaan kalena. Sapo natamai ia penawanna: ewalinna Kristus. Mangkamia' murangngi kumua la kendek inde penawa susie, anna kendekmo illalan lino tero.

1 Yohanes 5:1

Benna-benna ummoreanni kumua Puang Yesus iamo To mungka dibassei bayu-bayu la ma'pasalama', iamo anakna Puang Allata'alla. Anna benna-benna ungkamasei Puang Allata'alla Ambe', la ungkamasei duka' angganna to napoaanak Puang Allata'alla.

2 Yohanes 1:7

Budami kendek to ma'papusa anna lao ussambai padang ma'patudu. Inde mai taue tae' naakui kumua mangka sae Yesus Kristus merrupa tau. Tau susi too to ma'papusa anna ewalinna Kristus.