1 Yohanes 2:6 - Buku Masero Pa'dandi Bakaru

⁶ Ianna dengan tau kumua: “Mesa kappa'na Puang Allata'alla.” la umpampalapai Yesus Kristus illalan salu katuoanna.

Mamasa

⁶ Ianna dengan tau kumua: “Mesa kappa'na' Puang Allata'alla,” la umpampalapai Yesus Kristus illalan salu katuoanna.

1 Yohanes 2:6 ပူးပေါင်းရင်းမြစ်များ

Matius 11:29

Turu'i parentaku ammu melaya' lako kaleku annu malennna' penawana' anna marampan penawa napolalan tiala penawammua'.

Yohanes 13:15

Kubengangkoa' te tandenganne ammu palakori susi kupogau' lako kalemua'i.

Yohanes 15:10

Ianna tontongkoa' umpalako parentaku, la ussa'dingan liukoa' pa'kamaseku. Susi kaleku, ussa'dingan liu pa'kamasena Ambeku annu kupalako parentana.

1 Korintus 11:1

La mupampalapaina' illalan katuoammua' susi kaleku umpampalapai Kristus.

Efesus 5:2

Pakawanangkoa' pa'kamasemu lako padammu illalan salu katuoammua' susi Kristus ungkamaseikia'. Mangka ussorongan kalena dipatei la naola ussulangkia' sirapan pemala' bu manangnga' umpomasannang penawanna Puang Allata'alla.

1 Petrus 2:21

Anna innang iamo nangei untambaikoa' Puang Allata'alla la sa'bara' untingngayo kamapa'disan. Annu melolomi Kristus mangka undudungangkoa' pandarraan anna paitaikoa' tandengan la mupampalapai.

1 Yohanes 2:28

O anggammua' anakku, mesa kappa' liukoa' Kristus ammu malara barania' anna tae' masiri' dio tingngayona ke saemi sule.

1 Yohanes 2:4

Ianna dengan tau kumua: “Ummissananna' Puang Allata'alla,” sapo tae' naturu' parentana, tau iatoo to tamantula' tongan anna tae' dengan kamaloloanna Puang Allata'alla illaan kalena.

1 Yohanes 3:24

Benna-benna umpogau' perentana Puang Allata'alla, mesa kappa'mia Puang Allata'alla anna Puang Allata'alla tontong ussolanni. Anna taissanammo kumua tontongki' nasolaan Puang Allata'alla annu mangkamiki' nabeen Penawa Maserona.

1 Yohanes 3:6

Dadi angganna to mesa kappa'mo Kristus ta'mo la umpogau' kasalaan. Sapo angganna to umpogau' liu kasalaan, tae' ia dengan leleanna ummissanan Kristus dapakaia la napekalambanan.

1 Yohanes 4:17

Ianna ungkamaseiki' padanta ma'rupa tau, kawanammi kumua ungkamasei tongangki' Puang Allata'alla tapolalan ta'mo la marea' mengngolo lako kalena ke nalambi'mi attu la nangei umbisara ma'rupa tau. Ta'mikia' la marea' annu' siundu'mi pa'palakota Kristus.