1 Yohanes 2:12 - Buku Masero Pa'dandi Bakaru

¹² O anakku, kuukisangkoa' inde sura'e annu digarri'iammokoa' kasalaammu ura'na pengkaranganna Yesus Kristus.

Mamasa

¹² O anakku, kuukisangkoa' inde sura'e annu digarri'iammokoa' kasalaammu ura'na pengkaranganna Yesus Kristus.

1 Yohanes 2:12 ပူးပေါင်းရင်းမြစ်များ

Lukas 24:47

Ummolai sanganna la dipalanda' kareba lako angganna tau naparanduk inde Yerusalem kumua la mengkatoba' ma'rupa tau anna angganna kasalaan la nagarri'i Puang Allata'alla.

Lukas 5:20

Inde anna itami Puang Yesus kapangngoreanannae, ma'kadami lako inde to balimbinganne nakua: “Digarri'imi kasalaammu.”

Uleleanna Rasul 10:43

Puang Yesusmo duka' napatu kadanna angganna nabi kumua: ‘Benna-benna ummoreanni la digarri'i kasalaanna ummolai kakuasaanna.’ ”

Uleleanna Rasul 13:38

Dadi parallua' mupengngissananni mentu'ko siulu' kumua: angga ummolai Puang Yesus nangei dengan kareba kagarrisanna kasalaan dipalanda' lako kalemua'.

Uleleanna Rasul 4:12

Angga Puang Yesus mala umpasalama' ma'rupa tau anu tae' dengan tau senga' illalan lino nabeen kakuasaan Puang Allata'alla umpasalama' ma'rupa tau.”

1 Korintus 6:11

Dengan duka' tau illalan alla'-alla'mua' ma'gau' susi yolona. Sapo mangkamokoa' nabaseian Puang Allata'alla kasalaammu anna sarakkikoa' napopendadi petauanna anna naangga' malolomokoa'. Kara-kara iatoo napogau' Puang Allata'alla ummolai pengkarangna Dewatanta Yesus Kristus anna kakuasaanna Penawa Masero.

Efesus 1:7

Annu raranamo Kristus nasulangangkia' Puang Allata'alla, battu' dikua nagarri'imi angganna kasalaanta situru' pa'kamase lantukna.

Efesus 4:32

Sapo la ma'gau' mapiakoa' lako padammu, sikamase-mase sola sigarri'ian kasalaammu susi Puang Allata'alla unggarri'i kasalaammua' ummolai pengkarangna Kristus.

Kolose 1:14

Anaknamo mengkarang tapolalan mala disulang, battu dikua digarri'imi kasalaanta.

1 Yohanes 1:4

Kituiasangkoa' tee, anna malara sumpu kadoresangki.

1 Yohanes 1:7

Sapo ianna tuokia' illaan kamasiangan susi kamasianganna Puang Allata'alla, mesa kappa'mikia' too anna angganna kasalaanta nabaseiangkia' rarana Puang Yesus, Anakna.

1 Yohanes 1:9

Sapo ianna ummakuiki' kasalaanta langngan Puang Allata'alla, la tontong ia umpentoe pa'dandinna anna ma palako situru' kamaloloanna napolalan la nagarri'iangkia' kasalaanta anna baseiangkia' angganna gau' kadaketa.

1 Yohanes 2:1

O anggammua' anakku, tula' iatoo kuukisangkoa' illalan inde sura'e ammu malara tae' umpogau' kasalaan. Sapo ianna dengan tau umpogau' kasalaan, dengan to umpa'timpasangki' dio olona Puang Allata'alla Ambeta, iamo Yesus Kristus to malolo.

1 Yohanes 2:21

Dadi tae' kukua ta'pokoa' ummissanan pepa'guruan tongan kupolalan ummukisangkoa' inde sura'e, sangngadinna innang muissanammia'. Muissanan toia' duka' kumua tae' dengan tula' tatongan buttu illaan mai itin pepa'guruan tonganno.

1 Yohanes 2:7

O anggammua' sa'do'dorangku to kukamasei, inde parenta kuukisangkoa'e tangngia parenta bakaru, sapo parenta yolo iato mangka dipokadangkoa'o ammu mane parandukkia' mangngorean langngan Puang Yesus. Inde parentae iamo battakadanna Puang Allata'alla mangka murangngia'i.