1 Timotius 6:6 - Buku Masero Pa'dandi Bakaru

⁶ Tonganna kumua dengan kakerongkosan ke unturu'ki' aluk Kasaranian anna tapomasannangmo dionamo kaleta.

Mamasa

⁶ Tonganna kumua dengan kakerongkosan ke unturu'ki' aluk Kasaranian anna tapomasannangmo dionamo kaleta.

1 Timotius 6:6 ပူးပေါင်းရင်းမြစ်များ

Lukas 12:15

Anna mane mantula' lako tau buda nakua: “Madagakoa' ammu matangkin indana taloikoa' kamailuan la untombon ewanan. Annu tangngia ewanan to'na katuoanna ma'rupa tau moi nakuaan kada la kendek langngan langi' ewananna.”

Lukas 3:14

Mekutana duka' pira-pira tantara nakua: “Anna kami, aka kami la kipogau'?” Natimba' Yohanes nakua: “Dau tokke' ummala babang ewananna tau ke tangngia lalanna anna tae'koa' la umpaalinni kasalaan tau annu la nabaya'koa'. Pasiruaimia' kalemu passaromu.”

Roma 8:28

Taissanammi kumua angganna kara-kara, Puang Allata'alla ummato'i la napolalan umpakendek kamapiaan lako to ungkamaseii, battu' dikua to napile situru' pa'kuanna.

2 Korintus 4:17

Annu inde kamasussaan kisa'dinganne tae' mabanda' anna tae' la masae. Sapo la ungkembuaan kamatandean lako kaleki sae lako-lakona anna marru untondon kamasussaan kisa'dingan.

Filipi 1:21

Annu katuoangku kao angga satutu lako Kristus anna kamateangku kuangga' kakerongkosan.

1 Timotius 4:8

Dengan mesa battakada nakua: “Ianna angga kamatoroan batang kale dianga', tangkaan ma'guna. Sapo ianna dipopa'beasa manuru' langngan Puang Allata'alla, la ma'guna kamai illalan angganna kara-kara annu dengan kaparannuan katuoan attu temo tenni attu la ditingngayona.”

1 Timotius 6:8

Dadi la tapomasannangmi ke ganna'mi taande sola tapa'sare dodo.

Ibrani 13:5

Daua' kadoisan, pasiruaimi kalemu dionamo reen. Annu mangka ma'kada Puang Allata'alla nakua: “Tae'koa' dengan leleanna la kutampe, anna tae'koa' dengan tokke' la kuparandan.”