1 Timotius 1:20 - Buku Masero Pa'dandi Bakaru

²⁰ susinna: Himeneus anna Aleksander to mangkamo kusorong rokko lisu pala'na ponggawana setang anna malara magarri ungkondo-kondoan kada Puang Allata'alla.

Mamasa

²⁰ susinna: Himeneus anna Aleksander to mangkamo kusorong rokko lisu pala'na ponggawana setang anna malara magarri' ungkondo-kondoan kada Puang Allata'alla.

1 Timotius 1:20 ပူးပေါင်းရင်းမြစ်များ

Matius 18:17

Ianna moka pole umperangngii to musolaan, palulakoi kombonganna to mangngorean. Ianna moka umperangngii pepakilalanna kombonganna to mangngorean, papada angga'ia' tuang passima battu tau senga' to tangngummissanan Puang Allata'alla.

Uleleanna Rasul 13:45

Sapo' mangungngu' penawa to Yahudi ummita tau buda napolalan untelle Paulus anna lammai tula'na.

Uleleanna Rasul 19:33

Dengan mesa to Yahudi disanga Aleksander urrangngi tula'na pira-pira tau napolalan naissanan balayanna nangei turun tondok tau. Nabussummi Solana lako tingngayona tau buda anna malara mantula'. Ummangka'mi limanna umpakamma' tau annu la mantula' usseroi kalena sola to Yahudi.

1 Korintus 11:32

Sapo ianna napabambanniki' sangka' Dewata, sitonganna pepakilala lako kaleta anta malara tae' napabambanni sangka' sola to tamangngorean ke tallammi lino.

2 Korintus 10:6

Anna maka' manuru' tongan-tongammokoa', la kipabambanni sangka' angganna to moka manuru' illalan alla'-alla'mua'.

2 Korintus 13:10

Ia kungei umpopebaammokoa' yolo inde sura'e anna malara ta'mokoa' kukarra'i ke saena' matin situru' kakuasaan nabenganna' Puang Yesus. Annu inde kakuasaan nabenganna'e la kupake umpakatoto' kapangngoreanammua' tae' la kupake undondonangkoa'.

2Tesalonika 3:15

Sapo tae'a' la muangga' ewalimmu satenanna la mupakilala manappa susi sirondongmua'.

1 Timotius 5:15

Annu dengammi pira-pira baine balu pusa napolalan unturu' ponggawana setang.

2 Timotius 2:14

Pakilalai to sima'patudu diona inde kara-karae. La mupakilala dio tingngayona Puang Allata'alla indana ussipekka-pekkai liu tula' annu' tae dengan gunana sangngadinna mala untallanan kapangngoreananna to urrangngii.

2 Timotius 2:17

Pepa'guruanna inde taue ussanggangngi tau senga' susi saki palelean. Pira-pirami tau umpa'pa'guruanni susinna Himeneus anna Filetus.

2 Timotius 3:2

Aka anggami kalena la napikki' ma'rupa tau, mailu lako doi', untede kalena, ussanga-sanga kalena, ma'telle, umbali to matuanna, tanaissan ma'kurru' sumanga', tamealuk,

Ibrani 12:5

Daua' ungkalembei battakada illalan Buku Masero ungkambaroangkoa' susi anak, nakua: “O anakku, dau pa'barinni'i pepakilalanna Dewata, anna tae'koa' la kattu rannu ke nakambaroangkoa'.

Pa'paombo' 13:1

Mangkai tee, ummitammo' mesa olo'-olo' buttu illalan mai tasik sapulo tandukna anna pitu ulunna. Inde tanduknae sanda songko' tomaraya, anna pantan diuki'i unluna sanga pa'telle langngan Puang Allata'alla.

Pa'paombo' 3:19

Angganna to kukamasei, kupakilala sola kurambi. Iamo too patigara'ia' penawammu ammu mengkatoba.