1 Petrus 3:11 - Buku Masero Pa'dandi Bakaru

¹¹ La umpasikambela kalena kakadakean anna umpogau' kamapiaan. La umpeang lalan umpakendek kasikalinoan.

Mamasa

¹¹ La umpasikambela kalena kakadakean anna umpogau' kamapiaan. La umpeang lalan umpakendek kasikalinoan.

1 Petrus 3:11 ပူးပေါင်းရင်းမြစ်များ

Matius 5:45

Ianna mupasusi tee, la kawanan kumua anakna tongammokoa' Ambemu yao suruga. Annu Puang Allata'alla umpadellek mata allo susi lako to umpogau' kamapiaan tenni lako to umpogau' kakadakean anna umpadengan uran lako to umpogau' kamaloloan tenni lako to umpogau' kakadakean.

Matius 5:9

Kerongko' angganna to umpaombo' kasikalinoan, annu la digente' anakna Puang Allata'alla,

Matius 6:13

Dau pabeaikan disudi la umpogau' kasalaan, sapola mupasikambelakan kakuasaanna kakadakean. [Annu Ikomo to ummampui kaparentaan, kakuasaan, anna kamatandean sae lako-lakona. Amin.]’

Markus 14:7

Annu sisola liukoa' ia to mase-mase, anna ikoa' pawa ungkamaseii ke sia dengan dio penawammu la umpamoloii. Sapo kaleku, tae'kia' la sola liu.

Lukas 1:79

la ummarrang angganna to nakala' kamalillinan anna to natondon kamatean, la natette lako kamasakkean anna kamalinoan.”

Lukas 6:35

Sapo la ungkamaseikoa' iko ewalimmu ammu ma'gau' mapia lako. La umbengangkoa' pangngindanan tau anna tae' la murannuan sulena. Ianna susimo too, la kamai saromua' anna la manassamo kumua anaknamokoa' Puang Allata'alla to randan matande annu to mapia penawa lako to tanaissan ma'kurru' sumanga' sola lako to kadake.

Lukas 6:9

Ma'kadami Puang Yesus lako tau buda nakua: “Dengan la kupekutanaan: Situru' atoran aluk, umbanna mala dipogau' ke allo katorroan, kamapiaarraka kakadakearraka? La umpesangkairiki'ka solata la dipateirika?”

Yohanes 17:15

Tae' kukua la mualai illaan mai lino, sapo la mudagai indana kadakeii ponggawana setang.

Roma 12:18

Kela malai, ke sia ikora pawa, la sikalino liukoa' angganna tau.

Roma 14:17

Annu ianna tuoki' illalan kaparentaanna Puang Allata'alla, tangngia kara-kara andean sola iru' randan parallu, sapo kamaloloan, kasikalinoan, anna kadoresan lu yao mai Penawa Masero.

Roma 14:19

Iamo too kenamala umpeang liukia' lalan anna malara dengan liu kasikalinoan anta sipakatoto'.

Roma 5:1

Temo naangga' malolomikia Puang Allata'alla ura'na kapangngoreananta, napolalan mapiamo sule alla'ta Puang Allata'alla ura'na pengkaranganna Yesus Kristus Dewatanta.

Roma 7:19

Annu tangngiamo kamapiaan kupogau' situru' pa'kua penawangku, sapo kakadakeammo kupalako moi kenada kukabassi.

Roma 7:21

Dadi, indemi sidadi illalan katuoangkue: ianna moraina' la umpogau' kamapiaan, kakadakeammo lemba'.

Roma 8:6

Ianna anggamo pa'kua rupa tau mupasalui penawa, kamatean sae lako-lakona la mulolongan. Sapo ianna pa'kuanna Penawa Masero mupasalui penawa, la ullolongangko katuoan bakaru anna kamalinoan.

Galatia 5:22

Sapo pengkaranganna Penawa Masero umpabuttu: pa'kamase, kadoresan, kasikalinoan, kasa'barasan, mapia penawa, madota' lako tau, kamatutuan,

Galatia 6:10

Dadi ianna dengampa attunta, kenamala umpogau' liuki' kamapiaan lako angganna tau, la'bi-la'binna lako padanta to mangngorean.

Kolose 3:15

Kenamala kasikalinoan nabengangkoa' Kristus la ma'kuasa illalan penawammua'. Annu ia nangei ussarakkikoa' Puang Allata'alla napamesa sirapan mesa batang kale ammu malara umpakawanan kasikalinoan nabengangkoa' Kristus. La ma'kurru' sumanga' liukoa'.

1 Timotius 6:18

Pakilalai anna malara ma'gau' mapia liu, mamase, anna barring ma'petando.

Ibrani 12:14

Peangkoa' lalan ammu malara sikalino liu padammu ma'rupa tau, ammu umpeang lalan anna masero katuoammu. Annu tae' dengan tau la silambi' Dewata ke tae' masero katuoanna.

Ibrani 13:16

Daua' lembe umpogau' kamapiaan sola ma'petando lako padammu annu bua pemala' susi too umpomasannang penawanna Puang Allata'alla.

Yakobus 4:17

Dadi ianna dengan tau ummissanan gau' mapia sapo' tae' napalako, napokasalaan.

1 Petrus 3:12

Annu angganna to umpogau' kamaloloan naita Puang Allata'alla, anna naperangngii sambayangna. Sapo anggannato umpogau' kakadakean napoewali Puang Allata'alla.”

3 Yohanes 1:11

O siulu'ku to kukamasei, dau pampalapai to kadake gau', sapo la umpampalapaiko to ma'gau' mapia. Benna-benna umpogau' kamapiaan, tau iatoo anakna Puang Allata'alla. Sapo benna-benna umpogau' kakadakean, tau iatoo tae' ummissanan Puang Allata'alla.