1 Korintus 3:9 - Buku Masero Pa'dandi Bakaru

⁹ Solakan mengkarang illalan bela'na Puang Allata'alla anna ikomoa' sirapan bela'na. Anna sirapangkoa' duka' banuanna Puang Allata'alla.

Mamasa

⁹ Solakan mengkarang illalan bela'na Puang Allata'alla anna ikomoa' sirapan bela'na. Anna sirapangkoa' duka' banuanna Puang Allata'alla.

1 Korintus 3:9 ပူးပေါင်းရင်းမြစ်များ

Matius 15:13

Natimba' Puang Yesus nakua: “Angganna tananan tangngianna pantananna Ambeku yao suruga la direbu'i sae rokko waka'na.

Matius 16:18

Dadi temo kusangaimoko Petrus, kalembasanna batu. Anna yao inde batue la kungei umpake'de' kombonganna petauangku, anna tae' la nabela nataloi kamatean.

Matius 9:37

Nakuamo lako passikolana: “Sitonganna budami gandum matua sapo angga titti' to la ussae'i

Markus 16:20

Mengkalaomi passikolana umpalanda' Kareba Kadoresan lako angganna angngenan anna Puang Allata'alla umbenganni kuasa umpogau' tanda memangnga-mangnga napolalan nakawanan ma'rupa tau kumua angganna battakadanna Puang Allata'alla napalanda' tonganna asan.]

Uleleanna Rasul 4:11

Puang Yesusmo tee nakalembasanni battakada illalan Buku Masero kumua: ‘batu mutibea' anggammua' tukan, diala dipobatu lentong.’

1 Korintus 3:16

Ta'raka muissanan kumua kombongammua' sirapan banuanna Puang Allata'alla anna Penawa Maserona torro illalan alla'-alla'mua'?

1 Korintus 3:6

Morong tananan, kao mantanan anna Apolos ullompoii, sapo Puang Allata'alla umpatuoi.

1 Korintus 6:19

Ta'raka muissanan kumua batang kalemua' sirapan banuanna Penawa Masero? Dadi, Penawa Masero torro illalan kalemua' anna melolo Puang Allata'alla umpatamai. Anna tangngikoa' ummampui kalemu sapo Puang Allata'alla.

2 Korintus 6:1

Mangngala tawakan duka' illalan pengkaranganna Puang Allata' alla, napolalan kipelau tongan-tongan kumua: daua' umpesalai babang pa'kamasena Puang Allata'alla mangka mutarima.

2 Korintus 6:16

Umba la nakua silambi' Banua Ada'na Puang Allata'alla anna dewata lino panggaraga ma'rupa tau? Banuannakia' kita Puang Allata'alla Dewata tuo, annu melolo Puang Allata'alla ma'kada nakua: “La torrona' illalan alla'-alla'na angku solaan liui. Kaomo la napodewata anna iamo la petauangku.”

Efesus 2:10

Annu natampa polekia' Puang Allata'alla ummolai Kristus Yesus tapolalan mala umpogau' kamapiaan mangka napatokangkia'.

Kolose 2:7

Sirapan to' kayu la kenwaka'koa' illalan kalena, anna sirapangkoa' banua kalenamo la mupobatu lentong. La tontongkoa' mengnganti matoto' lako, susi mangka dipa'guruangkoa' anna la ma'kurru' sumanga' liukoa' illalan penawammu.

Ibrani 3:6

Sapo Kristus matutu annu Anakna Puang Allata'alla to ummisanan asan angganna issinna banuanna Puang Allata'alla. Kitamoa' dikuaan issinna banuanna Puang Allata'alla ke tontong liui matoro penawanta anna kaparannuanta la untanarima pa'pebenganna Puang Allata'alla.

1 Petrus 2:5

ammu malara duka' sirapan batu tuo la dipake umpake'de' banua la nangei Penawa Masero. Ianna susimo too, ikomoa' la mendadi imam to dipalao senga' la umpopemala' kalemu situru' pa'parundukna Penawa Masero anna la sipato' dio olona Puang Allata'alla ura'na pengkaranganna Yesus Kristus.

3 Yohanes 1:8

Dadi sipato'ki' la umpamoloii anta malara mangngala tawa illaan pengkarangan umpalanda' pepa'guruan tongan.