Yohanes 8:37 - Mamasa

³⁷ Kuissanan kumua peampoannakoa' Abraham, sapo moraikoa' la umpateina' annu' mokakoa' umperangngii pepatudungku.

Buku Masero Pa'dandi Bakaru

³⁷ Kuissanan kumua peampoannakoa' Abraham, sapo moraikoa' la umpateina' annu' mokakoa' umperangngii pepatudungku.

Yohanes 8:37 ပူးပေါင်းရင်းမြစ်များ

Matius 13:15

Annu inde mai taue makarra'mi penawanna, ta'mo parangngi talinganna, anna ta'mo paita matanna. Ianna tae' susi la paita matanna, parangngi talinganna, anna la naissan napekalembasan napolalan ma'pasule lako kaleku lambisan kupomalapu'.’

Matius 3:9

Daua' anna kendek illalan penawammu kumua tae'koa' la napabambanni sangka' Puang Allata'alla annu peampoannakoa' Abraham. Annu kutulasangkoa' sitonganna, inde mai batue la mala napopendadi peampoanna Abraham Puang Allata'alla.

Yohanes 10:31

Ummala pole omi batu to Yahudi anna la ulleba'i Puang Yesus.

Yohanes 11:53

Mengkalao diomi tee nangei umpasarandan kada perepi'na to Yahudi la umpatei Puang Yesus.

Yohanes 5:44

Tae'a' la muissan mangngorean annu anggami pa'pakasallena ma'rupa tau mupeang, anna tae' muaku umpeang pa'pakasallena Puang Allata'alla mesa-mesanna Dewata.

Yohanes 7:1

Mangkai too, ulleleammi tondok Puang Yesus illaan lili'na Galilea. Moka lu lako Yudea annu morai perepi'na to Yahudi dio la umpateii.

Yohanes 7:19

Mangkamokoa' napalandasan Musa parentana Puang Allata'alla. Sapo tae' tappa'koa' dengan unturu'i. Maakari ammu moraia' la umpateina'?”

Yohanes 7:25

Mangkai too, dengammi pira-pira to Yerusalem ma'kada nakua: “Anna umbai iamo para' te to marassan dipeangan lalan la dipateie?

Yohanes 8:33

Natimba' inde mai taue nakua: “Kami te maie, peampoannakan Abraham. Ta'pakan dengan naposabua' tau. Akamo kalembasanna tula'mu kumua la dilappasangkoa'i?”

Yohanes 8:43

Ia mungei tae' umpekalembasan tula'ku annu tae'a' mutaro urrangngi pepa'guruangku.

Yohanes 8:56

Masannang ia Abraham, ambemua' annu naissanan kumua la ummita allo kasaeangku, anna dore'mo temo annu naitamo'!”

Yohanes 8:59

Tappana urrangngi tula'na Puang Yesus, ummala siami batu inde mai to Yahudie anna la ussileba'-leba'i Puang Yesus. Sapo membuni Puang Yesus anna le'ba umpellei Banua Ada'na Puang Allata'alla.

Yohanes 8:6

Iate nangei mekutana susie annu la ullilingan tangnga' Puang Yesus. Sapo angga lumbang Puang Yesus anna umpopangnguki' tarunona rokko litak.

Uleleanna Rasul 13:26

Mentu'ko siulu'ku peampoanna Abraham anna angganna to mengkarea' langngan Puang Allata'alla, dipalambi'imikia' kareba kasalamasan.

Roma 9:7

Tae' toi dikua angganna peampoanna Abraham la mendadi petauanna Puang Allata'alla. Annu nakua Puang Allata'alla lako Abraham: “Angga to buttu dio mai Ishak digente' peampoammu.”

1 Korintus 2:14

Lako to ta'pa ummampui Penawa Masero manassa anna moka untarima kara-kara buttu yao mai Penawa Maserona Puang Allata'alla, annu nasanga katomaroan. Tae' naissan napekalembasan annu angga ummolai pa'parundukna Penawa Masero dipolalan ummissananni.

1 Yohanes 2:14

Anggammua' anakku, kuukisangkoa' inde sura'e, aka ummissanammokoa' Ambeta. Anna lako to dipekaambei, kuukisangkoa' inde sura'e aka ummissanammoko Puang Yesus to innang dengammo pempon dio mai. Susi toi duka' lako anggammua' anak muane, kuukisangkoa' inde sura'e aka matoto'mia' kapangngoreanammu, umpaillaan tambukmokoa' battakadanna Puang Allata'alla, anna untaloimokoa' ponggawana setang.