Yohanes 8:25 - Mamasa

²⁵ Mekutanami inde mai taue nakua: “Benna tappa'roko Iko?” Natimba' Puang Yesus nakua: “Ta'mo dengan gunana la kutula' liu matin.

Buku Masero Pa'dandi Bakaru

²⁵ Mekutanami inde mai taue nakua: “Benna tappa'roko Iko?” Natimba' Puang Yesus nakua: “Ta'mo dengan gunana la kutula' liu matin.

Yohanes 8:25 ပူးပေါင်းရင်းမြစ်များ

Lukas 22:67

Mekutanami lako Puang Yesus nakua: “Tulasangkan sitonganna, Ikomoka To dibassei bayu-bayu la ma'pasalama'?” Natimba' Puang Yesus nakua: “Moi la kutulasangkoa' innang tae'a' la muorean.

Yohanes 1:19

Susi inde kasa'bianna Yohanes-e anna sae pira-pira imam sola peampoanna Lewi nasua perepi'na to Yahudi dio mai Yerusalem, mekutana lako nakua: “Bennaroko iko tee?”

Yohanes 1:22

Nakutanai polemi nakua: “Bennanna tappa'roko iko, annu' la kiissan kipalanda' lako to ussuakan. Tulasangkan sitonganna benna tappa'ko.”

Yohanes 10:24

saemi to Yahudi ullillingngi anna kutanaii, nakua: “Pirampi ammu mane monda umpabeaikan ma'sarubeba'? Paleangan manappamokan ke sia Ikomo To dibassei bayu-bayu la ma'pasalama'.”

Yohanes 19:9

Napolalan sule tama angngenanna, anna mekutana lako Puang Yesus nakua: “Umba tappa'ra Iko mungei buttu?” Sapo tae' natimba'i Puang Yesus.

Yohanes 8:12

Ma'kada omi Puang Yesus lako tau buda nakua: “Kaomo te kamasianganna linoe. Benna-benna unturu'na' ta'mo la nakala' kamalillinan, sapo la ummampuimi kamasiangan la napolalan ullolongan katuoan.”

Yohanes 8:24

Iamo kungei ma'kada lako kalemua' kumua la tontong liukoa' iko umpogau' kasalaan lambisan dipasilamungkoa' kasalaammu. Innang la dipasilamun tongangkoa' kasalaammu ke tae' muorean kumua: ‘Kaomo to digente' To innang dio reen’.”

Yohanes 8:26

Budapi la mala kutula' anna kupasalangkoa'. Sapo anggami tula' kurangngi dio mai To ussuana' kupalanda' lako ma'rupa tau, annu' inde To ussuana'e iamo To sipato' diorean.”