Yohanes 6:45 - Mamasa

⁴⁵ Dengan tiuki' illaan sura'na nabi kumua: ‘La napatudu asan Puang Allata'alla.’ Iamo too angganna to umperangngii Ambeku anna turu'i pepa'guruanna, la saena' napellambi'i.

Buku Masero Pa'dandi Bakaru

⁴⁵ Dengan tiuki' illaan sura'na nabi kumua: ‘La napatudu asan Puang Allata'alla.’ Iamo too angganna to umperangngii Ambeku anna turu'i pepa'guruanna, la saena' napellambi'i.

Yohanes 6:45 ပူးပေါင်းရင်းမြစ်များ

Matius 11:27

Mangkai ma'sambayang, nakuamo: “Angganna kara-kara mangka asammi napalessu' rokko lisu pala'ku Ambeku. Tae' dengan moi mesamo ma'rupa tau ummissanan Anakna Puang Allata'alla salianna Ambeku, tae' toi dengan moi mesamo ma'rupa tau la ummissanan Ambeku salianna Anakna, anna to naporai Anakna napaissanni.

Matius 17:5

Marassampi mantula' Petrus, turummi gaun mabussang ungkabu'i. Dirangngimi kamara illalan mai inde gaunne nakua: “Iamo te Anakku to kukamaseie anna umpomasannang penawangku. La muperangngia'i.”

Markus 1:2

susi mangka tiuki' illaan sura'na nabi Yesaya nakua: “Petua'i, iamo te pesuangkue to kusua la uyyoloanangko, to la umpatokangko lalan.

Lukas 1:70

Susi mangka nadandi Puang Allata'alla ummolai nabi maserona yolona

Lukas 18:31

Untambaimi inde sapulo dua passikolana Puang Yesus-e, anna pantula'i nakua: “La lu langngammikia' Yerusalem temo, anna angganna pangnguki'na nabi untetteran Anak Mentolino innang la lemba'na.

Yohanes 10:27

Angganna dombaku umperangngii tula'ku. Kuissanan dombaku anna naturu'na'.

Yohanes 6:37

Angganna to mangka napalessu' lako kaleku Ambeku, la saena' napellambi'i. Angganna to sae umpellambi'ina' tae' dengan la kusumbala.

Yohanes 6:65

Nakua pole omo Puang Yesus: “Iamo kungei umpokadangkoa' kumua tae' dengan tau la sae umpellambi'ina' ke tae' napatette Ambeku.”

Uleleanna Rasul 13:40

Iamo too la matangkingkoa' indana dadi lakomo kalemu kadanna nabi illalan sura'na nakua:

Uleleanna Rasul 7:42

Napolalan napemboko'i Puang Allata'alla anna pabeai umpenombai bentoen susi tiuki' illalan sura'na nabi nakua: ‘O to Israel, tangkao mupenombai anna mubaan bua pemala'mu ammu dioa' padang alla' appa' tapulo taunna.

Efesus 1:17

Kupelau langngan Puang Allata'alla to napenombai Puang Yesus Kristus Dewatanta, battu' dikua Ambeta to randan matande kenamala nabengangkoa' Penawa Masero la urrori'koa' ummissanan kara-kara mendewatanna anna la naparundukkoa' ungkaleso Puang Allata'alla.

Filipi 3:15

Angganta to matoto'mo kapangngoreananta, anta ma'pikki' susimoa' tee. Sapo ianna dengarrokoa' senga' pikki'mu la melolo Puang Allata'alla umpaleangangkoa'.

1Tesalonika 4:9

Ta'mo manggi' kipaillalan inde sura'e umba la mukuaa' ungkamasei sa'do'dorammu to mangngorean aka mangkamokoa' napa'guru Puang Allata'alla.

Ibrani 10:16

“Indemi pa'dandi la kupadadian ma'rupa tau illalan allo la ditingngayonae: La kupatitanan illalan penawanna parentaku anna la kuuki' illalan pikki'na.” Susimi kadanna Dewata.

1 Yohanes 2:27

Sapo mangkamokoa' napaturunan Penawa Masero Puang Yesus. Anna inde Penawa Maseroe tontong liu torro illaan kalemua' napolalan ta'mokoa' parallu napatudu tau senga'. Aka napatudu liumokoa' iko Penawa Masero diona angga lako; anna inde pepatudunnae tonganna, tangngia pepa'guruan sala. Dadi, la mesa kappa' liukoa' Kristus situru' pepatudunna Penawa Masero.