Yohanes 18:37 - Mamasa

³⁷ Mekutana polemi Pilatus lako nakua: “Ianna susi too, tomarayako?” Natimba' Puang Yesus nakua: “Iko siamo ussangaina' tomaraya. Ia kungei didadian illaan inde linoe annu la umpa'pesa'bianna' katonganan lako ma'rupa tau. Angganna to umpemulu katonganan, la umperangngii tula'ku.”

Buku Masero Pa'dandi Bakaru

³⁷ Mekutana polemi Pilatus lako nakua: “Ianna susi too, tomarayako?” Natimba' Puang Yesus nakua: “Iko siamo ussangaina' tomaraya. Ia kungei didadian illaan inde linoe annu la umpa'pesa'bianna' katonganan lako ma'rupa tau. Angganna to umpemulu katonganan, la umperangngii tula'ku.”

Yohanes 18:37 ပူးပေါင်းရင်းမြစ်များ

Matius 26:64

Natimba' Puang Yesus nakua: “Ikomo melolo ungkuai. Sapo kutulasangkoa': ta'mo masae ammu ummitamoa' Anak Mentolino ummokko' dio tandai kananna To randan kuasa anna la sae illalan gaun yao langi'.”

Matius 27:11

Dibaami Puang Yesus lako gubernur Pilatus, nakutanaimi nakua: “Ikomoka tomarayanna to Yahudi?” Natimba' Puang Yesus nakua: “Ikomo melolo ungkuai.”

Markus 14:62

Natimba'mi nakua: “Kaomo tee. La ummitakoa' Anak Mentolino ummokko' dio tandai kananna To randan kuasa anna la sae yao mai langi' illalan gaun.”

Markus 15:2

Saei lako nakutanaimi nakua: “Ikomoka tomarayanna to Yahudi?” Natimba'mi nakua: “Ikomo melolo ungkuai.”

Lukas 22:70

Nakuamo inde mai to ma'mesae: “Ianna susi too, Anaknako Puang Allata'alla?” Natimba' nakua: “Anna ikomoa' untula'i kumua Anaknana' Puang Allata'alla.”

Lukas 23:3

Mekutanami Pilatus lako Puang Yesus nakua: “Ikomoka tomarayanna to Yahudi?” Natimba' nakua: “Ikomo melolo ungkuai.”

Yohanes 1:14

Inde Battakadae mangka mendadi rupa tau anna torro illaan alla'-alla'na ma'rupa tau anna kikawanammo kamatandeanna. Inde kamatandeanne nabenganni Ambena annu iamo Anak mesanna. Iamo tapolalan ungkaleso Puang Allata'alla sola pa'kamasena lako kaleta.

Yohanes 1:17

Musamo nasua Puang Allata'alla umpalandasangki' parentana, sapo kamatutuanna anna pa'kamasena Puang Allata'alla takawanan illaan kalena Yesus Kristus.

Yohanes 14:6

Natimba' Puang Yesus nakua: “Kaomo lalan anna katonganan anna katuoan. Tae' dengan tau la mala sae langngan Ambeku ke tangkao naola.

Yohanes 3:32

Natula' asammi angga mangkanna naita sola narangngi sapo tae' tappa' dengan tau ummoreanni.

Yohanes 7:17

Angganna to morai unturu' pa'kuanna Puang Allata'alla la naissanan umba nangei buttu inde pepatudungkue, lu yaorika mai Puang Allata'alla lu diorika mai kaleku.

Yohanes 8:14

Natimba' duka' Puang Yesus nakua: “Moi Kao siamo umpokada kaleku sapo tonganna annu kuissanan umba kungei buttu anna umba la kuola ke dako'. Tae' iko muissanan umba kungei buttu anna umba la kuola ke dako'.

Yohanes 8:45

Sapo tula' tongan Kao kupokada, iamo mungei tae' ummoreanna'.

Yohanes 8:46

Bennakoa' mala unturoanna' kasalaangku? Ianna kupokadangkoa' tula' tongan, maakari anna tae'na' muorean?

Yohanes 8:47

Angganna to napoanak Puang Allata'alla umperangngii battakadanna Puang Allata'alla. Sapo tangngiakoa' iko to napoanak Puang Allata'alla, iamo nangei tae' muaku muperangngii battakadanna.”

1 Timotius 6:13

Temo dio olona Puang Allata'alla to umpatuo angga lako anna dio olona Kristus Yesus to umpokada kasa'bian malolo dio tingngayona Pontius Pilatus, kusuako

1 Petrus 1:22

Unturu'mokoa' katonganan napolalan usseroimokoa' kalemu lambisan tae' angga dio pudukmua' ungkamasei padammu to mangngorean. Iamo too la sae rokko tongan-tongangkoa' sikamasei.

1 Yohanes 2:21

Dadi tae' kukua ta'pokoa' ummissanan pepa'guruan tongan kupolalan ummukisangkoa' inde sura'e, sangngadinna innang muissanammia'. Muissanan toia' duka' kumua tae' dengan tula' tatongan buttu illaan mai itin pepa'guruan tonganno.

1 Yohanes 3:14

Taissanammia' kumua umpelleimikia' kamatean lu lako katuoan ke siungkamaseimikia' sa'do'doranta to mangngorean. Sapo benna-benna tae' ma'kamase, tontong liupi ia illaan kamatean.

1 Yohanes 3:19

Ianna ungkamaseimiki' padanta, taissanammi kumua anakna tongammiki' Puang Allata'alla anna la masannangmo penawanta dio olona.

1 Yohanes 4:6

Sapo anaknakia' kita Puang Allata'alla. Dadi benna-benna ummissanan Puang Allata'alla, la umperangngii pepatudunta. Sapo ianna tangngia anakna Puang Allata'alla, tae' la umperangngii pepatudunta. Iamo te la tangei ummitaie bennanna nakuasai Penawa la umparundukki lako katonganan anna bennanna nakuasai penawa la umpapusai.

1 Yohanes 5:20

Taissanan duka' kumua mangkami sae Anakna Puang Allata'alla umbengangkia' kama'rorisan anta malara ummissanan Puang Allata'alla Dewata tongan. Mesa kappa'mikia' inde Dewata tonganne anna Yesus Kristus Anakna. Puang Allata'allamo Dewata tongan anna to'na katuoan sae lako-lakona.

Pa'paombo' 1:4

Inde sura'e lu dio mai kaleku, Yohanes, lu lako angganna sa'do'dorangku illaan pitu kombonganna to mangngorean dio propinsi Asia. Pa'tamba' anna kamasakkean lu yao mai Puang Allata'alla, to dio reen, to innang dio reen, anna to diomo reen sae lako-lakona. Tamba' iatee lu yao duka' mai pitu penawa to dio tingngayona tongkonan layukna Puang Allata'alla,

Pa'paombo' 3:14

“Ukisanni sura' ammu popebaanni lako malaeka' ungkambi' kombonganna to mangngorean dio Laodikia kumua: Indemia' battakada lu dio mai to disanga Amin, to sa'bi malolo anna mala diorean, kabuttuanna mentu'na pa'padadinna Puang Allata'allae.