Pa'paombo' 4:11 - Mamasa

¹¹ “O Puang Allata'alla, Dewatangki. Iko manda siratan dipudi, dipakasalle, anna diakui kakuasaammu. Annu' Ikomo to untampa angga maritik, anna angga toi situru' pa'kuammu nangei dadi anna buttu angga lako.”

Buku Masero Pa'dandi Bakaru

¹¹ “O Puang Allata'alla, Dewatangki. Iko manda siratan dipudi, dipakasalle, anna diakui kakuasaammu. Annu' Ikomo to untampa angga maritik, anna angga toi situru' pa'kuammu nangei dadi anna buttu angga lako.”

Pa'paombo' 4:11 ပူးပေါင်းရင်းမြစ်များ

Uleleanna Rasul 14:15

“Maakari ammu ma'gau' susia'i? Rupa tau beasakan duka', susi siamikia'! Sapo' saekan inde la umpalanda' Kareba Kadoresan lako kalemua' ammu malara untampe angganna dewata takeangga'. Sapo' la mengngolo langngangkoa' dewata tuo, iamo Puang Allata'alla to menggaraganna langi' anna lino sola tasik anna angganna issinna.

Uleleanna Rasul 17:24

Puang Allata'alla to mangka umpadadi lino anna issinna, iamo Dewatanna langi' anna lino, tae' la mala torro illalan banua pa'sambayangan panggaraganna ma'rupa tau.

Roma 11:36

Annu angga lako, Puang Allata'alla umpadadii sola ummato'i, anna la napomatande sanganna. Dipakasalle Puang Allata'alla sae lako-lakona. Amin.

Efesus 3:9

Anna kao toi duka' la umpomakalesoi lako angganna tau umba nakua Puang Allata'alla to umpadadi angga lako, umpalako pa'kua penawanna inde mengkalao dio mai napomatimminne.

Ibrani 1:10

Nakua polepa Puang Allata'alla lako Anakna: “O Puang, parandukanna Ikomo ungkombong lino, anna Iko toi umpadadi langi'.

Ibrani 1:2

Sapo illalan inde attu kasuppikanna linoe melolomi Anakna Puang Allata'alla ullombunganni pudukna lako kaleta. Inde Anaknae innang mangkami napatantu la ummampui angga lako. Anna ia siamo napake Puang Allata'alla umpadadi langi' anna lino.

Pa'paombo' 1:6

Napopendadimikia' mesa kaparentaan anna naangka'kia' mendadi imam to la memala' langngan Puang Allata'alla, Ambena. Puang Yesus Kristusmo la tontong dipomatande anna ma'kuasa sae lako-lakona. Amin!

Pa'paombo' 10:6

Anna ma'pinda ussa'bu' sanganna Puang Allata'alla to tuo sae lako-lakona, to mangka umpadadi langi' sola angganna issinna, lino sola angganna issinna, anna tasik sola angganna issinna, nakua: “Ta'mo la dipadende attunna.”

Pa'paombo' 14:7

Metamba-tambami inde malaeka'e nakua: “Pengkarea'koa' langngan Puang Allata'alla ammu pomatandei! Aka' nalambi'mi attunna la umbisara ma'rupa tau. Penombaikoa' to menggaraganna langi' anna lino anna tasik sola angganna kalimbuang!”

Pa'paombo' 19:1

Mangkai too, urrangngimo' susi kamaranna tau buda sipetamba-tambaan illaan suruga nakua: “Haleluya! Dipakasalle Puang Allata'alla Dewatanta! Kabuttuanna kasalamasan, anna To randan matande anna ma'kuasa.

Pa'paombo' 5:12

napemandui menani nakua: “Itin Anak Domba mangka direre'o, sipato' untarima kakuasaan, katomakakaan, kakeakasan anna kamatoroan. Siratan diangga', dipakasalle anna dipudi.”

Pa'paombo' 5:2

Ummitamo' mesa malaeka' magassing metamba-tamba nakua: “Bennamo la sipato' ulla'bakki segel anna billang itin sura'o?”

Pa'paombo' 5:9

Napissannimi menani ummoyong mesa penanian bakaru nakua: “Sipato' tongangko ummala itin sura' tilulunno ammu la'bakki angganna segelna. Annu' mangkamoko dipatei, anna raramumo musulangan rupa tau dio mai mentu'na pembatisan, basa, botto-ma'botto anna kaparentaan napolalan mendadi petauanna Puang Allata'alla.