Matius 5:6 - Mamasa

⁶ Kerongko' angganna to morai liu la umpogau' pa'kuanna Puang Allata'alla, annu la napalosso' inawanna Puang Allata'alla.

Buku Masero Pa'dandi Bakaru

⁶ Kerongko' angganna to morai liu la umpogau' pa'kuanna Puang Allata'alla, annu la napalosso' inawanna Puang Allata'alla.

Matius 5:6 ပူးပေါင်းရင်းမြစ်များ

Lukas 1:53

Umpasonai kamapiaan angganna to tadea', anna angganna tomakaka narambai lao ma'pala' lo'bang.

Lukas 6:21

Kerongko'koa' anggammu to tadea' temo, annu la dipedea'ikoa'. Kerongko'koa' anggammu to tumangi' temo annu la metawakoa'.

Lukas 6:25

La sanggangkoa' anggammu to dea'mo temo annu la tade'koa' ke dako'. La sanggangkoa' anggammu to metawa temo annu la ma'pote bolongkoa' sola tumangi'.

Yohanes 4:14

Sapo' benna-benna ummiru' wai la kubenganni ta'mo la marekko' kollongna sae lako-lakona. Annu inde wai la kubengannie la mendadi kalimbuang tamatti' illaan kalena la umbenganni katuoan sae lako-lakona.”

Yohanes 6:27

Daua' mengkarang umpeang nande la pura anna la bosi. Sapo pengkarangkoa' umpeang nande tae' la bosi anna la umbengangkoa' katuoan sae lako-lakona. Inde nande susie la nabengangkoa' Anak Mentolino, To nabassei bayu-bayu Puang Allata'alla, Ambeta.”

Yohanes 7:37

Inde anna allo katampakannamo sara'e, iamo pole' nangei randan maroa'na. Ke'de'mi Puang Yesus illaan Banua Ada'na Puang Allata'alla anna metamba nakua: “Benna-benna marekko' kollongna la saena' napellambi'i anna ummiru'!

Pa'paombo' 7:16

Inde lako taue ta'mo la tadea', ta'mo la mawarrang, ta'mo la ussa'dingan malassunna allo,