1 Yohanes 2:3 - Mamasa

³ Manassa anna ummissanan tongangki' Puang Allata'alla ke taturu'i angganna parentana.

Buku Masero Pa'dandi Bakaru

³ Manassa anna ummissanan tongangki' Puang Allata'alla ke taturu'i angganna parentana.

1 Yohanes 2:3 ပူးပေါင်းရင်းမြစ်များ

Lukas 6:46

“Maakari ammu kua lako kalekua': ‘O Dewata, O Dewata’, moi kenada tae'koa' unturu' tula'ku?

Yohanes 14:15

“Ianna mukamaseina', la unturu'koa' angganna parentaku.

Yohanes 15:10

Ianna tontongkoa' umpalako parentaku, la ussa'dingan liukoa' pa'kamaseku. Susi kaleku, ussa'dingan liu pa'kamasena Ambeku annu kupalako parentana.

Yohanes 15:14

Ianna umpalakokoa' parentaku, solakukoa'.

Yohanes 17:3

Indemi katuoan sae lako-lakonae, ke naissanammoko ma'rupa tau, mesa-mesanna Dewata tongan anna ummissanan Yesus Kristus to musua.

2 Korintus 4:6

Mangka ma'kada Puang Allata'alla nakua: “La pangngarrang kamasiangan illalan mai kamalillinan.” Anna Puang Allata'alla siamo umpopangngarrang kamasiangan illalan penawanta anna malara masiang pikki'ta, tapolalan umpekalambanan kamatandeanna Puang Allata'alla pangngarrang dio lindona Kristus.

Ibrani 5:9

Mangkai diangka' mendadi To ma'pasalama' tae' dengan sassana, iamo pole' kabuttuanna kasalamasan sae lako-lakona lako angganna to manuru' lako kalena.

1 Yohanes 2:13

Lako mentu'na to dipekaambei, kuukisangkoa' inde sura'e aka ummissanammokoa' Puang Yesus to innang dengammo pempon dio mai. Anna lako anggammua' anak muane, kuukisangkoa' inde sura'e aka untaloimokoa' ponggawana setang.

1 Yohanes 3:14

Taissanammia' kumua umpelleimikia' kamatean lu lako katuoan ke siungkamaseimikia' sa'do'doranta to mangngorean. Sapo benna-benna tae' ma'kamase, tontong liupi ia illaan kamatean.

1 Yohanes 3:19

Ianna ungkamaseimiki' padanta, taissanammi kumua anakna tongammiki' Puang Allata'alla anna la masannangmo penawanta dio olona.

1 Yohanes 3:6

Dadi angganna to mesa kappa'mo Kristus ta'mo la umpogau' kasalaan. Sapo angganna to umpogau' liu kasalaan, tae' ia dengan leleanna ummissanan Kristus dapakaia la napekalambanan.

1 Yohanes 4:13

Taissanan kumua mesa kappa'mikia' Puang Allata'alla anna torromo illaan kaleta annu mangkamiki' nabeen Penawa Maserona.

1 Yohanes 4:7

Anggammua' sa'do'dorangku to kukamasei, la sikamase-masekia' annu inde pa'kamasee buttu yao mai Puang Allata'alla. Anna benna-benna sima'kamase, manassa anna anakna Puang Allata'alla anna ummissanan Puang Allata'alla.

1 Yohanes 5:19

Taissanan kumua anaknakia' Puang Allata'alla, anna angganna to tamangngorean nakuasai ponggawana setang.

1 Yohanes 5:2

Ianna ungkamaseimiki' Puang Allata'alla anna tapalakomo parentana, taissanammi kumua ungkamaseimiki' angganna to napoanak Puang Allata'alla.

1 Yohanes 5:3

Aka ungkamaseimiki' Puang Allata'alla ke taturu'mi parentana. Anna inde parentanae tae' mabanda',

Pa'paombo' 12:17

Satuttuan keara'mi ula' naga lako inde bainee napolalan senga'namo pembatisanna lao nararii, iamo to unturu' parentana Puang Allata'alla anna to tontong matutu umpengngada' kasa'bian napalanda' Puang Yesus.

Pa'paombo' 14:12

Iamo too la tontong sa'bara' untingngayo kamaparrisan angganna petauanna Puang Allata'alla iamo to unturu'i parentana anna to tontong matutu lako Puang Yesus.

Pa'paombo' 22:14

Kerongko' angganna to umpomabusukki bayu rui'na aka la sipato' ia tama inde kotae anna la siratan ummande bua kayu katuoan.