1 Petrus 5:6 - Mamasa

⁶ Iamo too mengkareppe'koa' dio olona Puang Allata'alla to ummampui kamatoroan anna tandeangkoa' ke nalambi'mi attunna.

Buku Masero Pa'dandi Bakaru

⁶ Iamo too mengkareppe'koa' dio olona Puang Allata'alla to umampui kamatoroan anna tandeangkoa' ke nalambi'mi attunna.

1 Petrus 5:6 ပူးပေါင်းရင်းမြစ်များ

Matius 23:12

Benna-benna untandean kalena la dipa'barinni'i, anna benna-benna mengkareppe' la ditandean.

Lukas 1:52

Buda tomaraya napaturun yao mai okkosan kaparentaan, anna untandean to tanda rokko.

Lukas 14:11

Benna-benna untandean kalena la dipa'barinni'i, anna benna-benna mengkareppe' la ditandean.”

Lukas 18:14

Nakuamo Puang Yesus: “Kutulasangkoa' sitonganna, sulei lako banuanna, tuang passimaria naangga' malolo Puang Allata'alla, tanggia to Farisi. Benna-benna untandean kalena la dipa'barinni'i, anna benna-benna mengkareppe' la ditandean.”

Roma 5:6

Attunna anna ta'pa taissan lussu' dio mai kakuasaanna kasalaan, mate Kristus la ussondakia' angganta to kasalaan illalan attu mangka napatantu Puang Allata'alla.

1 Korintus 10:22

Morairokokaa' la umpakendek ara'na Puang Allata'alla? Musangarika marru matoroki' kita anna la Puang Allata'alla?

1 Timotius 2:6

mangka umpa'pesorongan kalena la mendadi pesulangna padanna rupa tau. Kara-kara iatee dadi illalan attu mangka napatantu Puang Allata'alla anna malara kawanan pa'kuanna la umpasalama' rupa tau.

Titus 1:3

Anna illaan attu mangka napatantu, umpakawanammi battakadanna diona lalan katuoan sae lako-lakona. Kaomo mesa to diponto bannangngi la umpalanda' inde battakadannae situru' parentana Puang Allata'alla To umpasalama'ki'.

Yakobus 4:10

Tirokon sambu'koa' dio tingngayona Puang Allata'alla napolalan natandeangkoa'.

Yakobus 4:7

Dadi mengkaolakoa' lako Puang Allata'alla, ammu ewa ponggawana setang napolalan le'ba' lao ungkambelakoa'.

Yakobus 5:10

Anggammua' sa'do'dorangku, potandengannia' angganna nabi to umpalanda' battakadanna Puang Allata'alla. Annu' moi anna untammu kamaparrisan sapo' tontong liu sa'bara'.