Lukas 6:21 - Aban 'am wiya awan

²¹ Ataslay mivel inde anga kwanay, ɗo may a han pikwen həna ataya awan, anga ki naa rihen pə luvon a inde nà, mboɗol mboɗol mba. Aday ataslay mivel inde anga kwanay, ɗo sə jalay mərava ahay ite asa, anga ki naa mbisen pə luvon a inde mba.

Lukas 6:21 ပူးပေါင်းရင်းမြစ်များ

Mata 5:4

«Ataslay mivel inde, anga ɗo sa yam ahay, anga Mbərom i bənan atan mbac.

Mata 5:6

«Ataslay mivel inde, anga ɗo sə pəlay sa ga way sa zlan à nga anà Mbərom ata awan, anga Mbərom i man atan zek sa ga kawa a tinen sa gan may ata awan.

Lukas 1:53

Kə̀ rahak anan ɗo may sa han patan ataya tə way lele aya awan, əna ɗo sə zlile ahay nà, kə̀ rəzlak atan alay məgaɓar aya awan.

Lukas 6:20

Natiya awan, Yesu a ca pə njavar anahan ahay, a jan atan, a wa: «Ataslay mivel inde anga kwanay, ɗo mətawak aya awan, anga bahay a Mbərom ma var a nə anga kwanay.

Lukas 6:22

Kak həna ɗo ahay ta nak ikwen iɗe, tə rəzlak kwanay à wulen a tinen wa, tə gənahak ikwen, ta jak pikwen 'am lelibay aya anga kə ɗəfen nga pi nen Wan su Ɗo nà, tislen mivel aɗəka.

Lukas 6:25

Kwanay, ɗo ma rah aya həna ataya awan, ɗəce inde pikwen, anga may i naa rawaɗ kwanay pə luvon a inde mba. Kwanay, ɗo à ambasay inde həna ataya awan, ɗəce inde pikwen, anga ki naa yimen ta sə jalay mərava pə luvon a inde mba.

Yuhana 11:35

Cəna, Yesu a pəkay iɗe sə ayam.

Yuhana 4:10

Yesu a mbəɗahan apan kutok, a wa: «Abay kâ san sumor ana Mbərom saa ga, aday kâ san ɗowan a sə cəce panak a'am sa sa ata nà, iken ki cəce panan a'am sə varan sifa anà ɗo ahay ata aɗəka.»

Yuhana 6:35

Yesu a jan atan, a wa: «Ɗaf sa var sifa nà, nen awan. Ɗowan a kà nak pə cakay uno nà, may i han apan kula sabay. Aday ɗowan a kə̀ ɗəfak nga pi nen ɗukwen, jom i gan kula sabay.

1 Korintu ahay 4:11

Hus həna biten ɗukwen nà, may winen apan i rawaɗ manay, manay apan mi mac tu jom re. Zana lele aya inde pumo itəbay re, ta taa ndaɓay manay nə hwiya. Manay apan mi bar nə karara kawa doh a manay nə inde itəbay.

2 Korintu ahay 11:27

Na yak nga sa ga mer su way ndelem ndelem, saray bayak a nə njəkak ahan bay. Nə ɗəmak may tu jom ndelem ndelem, saray bayak a na pak awan bay. Na taa nahay à maɗ inde, na taa bar mənjəna zana.

2 Korintu ahay 12:10

Matanan, ni taslay mivel anga nen ɗo bəle awan. Kwa â ga nə ɗo ahay tə gənuho kabay ɗo ahay ta ga alay ti nen, kwa â ga nə ni sa məndolor sa 'am kabay ni slahay à ɗəce inde, na san zle kutok, way ataya ti təro anga Almasihu. Aday ni taslay mivel anga à alay a nen bəle ata nà, Almasihu i vuro məgala.

2 Korintu ahay 6:10

Kwa abay â ga nə manay mi ga mugo nà, ma ma nga sə taslay mivel hwiya. Manay kawa ɗo mətawak aya awan, aday ɗo ahay bayak a tinen apan ti njaɗ zlile pə cakay a Mbərom à alay a manay wa. Manay kawa way a manay ibay, aday cəkəbay way ahay fok nə ana manay bugol.

Yakuba 1:12

Mbərom i ɗaf alay sə mazlaɓ anahan pu ɗo sə tavan anà ɗəce duwurra ata awan. Anga azanan ɗəce ahay tə ndəvak cəna, i təma magwagway, kawa ana Mbərom a sə zlapay anga ɗo sə pəlay anan ataya awan. Magwagway anahan a nə sifa sa ndav bay ata awan.

Cœn sə zuɓay 21:3

Nə sləne dungo a ndəray ahay kwa à man sə njahay sə bahay wa, a ja tə məgalak awan, a wa: «Həna nà, man sə njahay a Mbərom, winen à wulen sə ɗo ahay inde. I njahay tə tinen, aday ti təra ɗo anahan ahay. Zek a Mbərom a ɗukwen i ga inde à wulen a tinen, winen Mbərom a tinen.

Cœn sə zuɓay 7:16

May tə jom i gan atan kula sabay. Pac i kwaɗah atan sabay, way saa han patan uko nà, inde sabay.