Yems 3:17 - Mian

¹⁷ Ina otane nakai Gode bobol tem funino wafu blib ile naka ayamobe. I difib sanino deiboniba gilan bianiba naka maki gobe bianiba dohalim biobe. I mo funanibta Ni naka misiami deibenoba ayam ita daabenomo genimibbabe. I nakai alukum gobe bianiba daaye bianiba kukub ayam wafu bianiba i dim wengo mo obiam blibbabe.

Yems 3:17 ပူးပေါင်းရင်းမြစ်များ

Matyu 23:28

Nakai ib lotu kemin kukub osa eka ib aal tib osa yateme bianiba funaniba I naka molotobo gabib otane ib bobol tem daak ole dim omin kukub osa eka inamin namin hengmin homon osa kweki welubenobiobe.

Matyu 5:8

Nakaia unangai hengmino deiboniba Gode bobol tem funino wafu blibi seinine! Sinanomo i Gode keim atemomabiobe.

Matyu 5:9

Nakaia unangai bobol fiab bianiba naka mak unang maki baabeniba Nibo awao mo genalaobe ge baanimibi seinine! Gode baabenea Ibo ne melelobo ge baabenamabebe.

Dowan Weng Olo Luke Dolanebuotabe. 21:15

Nemaye wengo ib sitalimo omfube nabiania tekein kemino omye nanamabibe. Wasi nakai ib wengo mo ombiabenibta ne wengo omyamio omabbube nomabibbabe.

Dowan Weng Olo Luke Dolanebuotabe. 6:36

Ib aye naka maki kukub ayamo daayebe kesoa ibsa inaniba naka maki daayemine ge baabesebe.

Dowan Weng Olo Yone Dolanebuotabe. 1:14

Weng ele naka nea nibo baka bia nibo e titilo ayal inamin einobuo watemubanobbiobe. E Gode miin yanmakob kesoa e Aye Gode titilo ayal inamin einobu olo omalea daayemin kukub osa eka weng moton omin kukub osa e bobol temo sibbebanobiobe.

Dowan Weng Olo Yone Dolanebuotabe. 1:47

Yesuse temea Nataniele esu tlang genea tebe kesoa Yesuse baanea Naka ele Islel ten motonobe. E bobol temo dim omin kukubo blimobo gesea

Abosel 11:24

Banabase naka ayamobe. E Yesuse bainobo galin osa sbalobe. E bobol temo Gode Hobe amitie bie kesoa naka homon unang homoni e wengo wente bianiba bainobo galiba

Abosel 9:36

Yesuse bainobo galin unango niniino Tabitao Yoba bib ye biota Glik teni o niniino Dokas ge nganwebiba o okoko amitie klayam okok kebianoa nakaia unangai imena moniao blimi misim okaye binabobua

Fole Lom teni bainobo galini futano dola omfubesebe. 12:18

Ibo awa genalin bobolo mo funimibe! Ibo besa gil bianiba fumbianiba Ni mo monobta naka maki mo tenanobta awao mo genaobe ge funine!

Fole Lom teni bainobo galini futano dola omfubesebe. 12:9

Ibo Ni bobol temo ni nekwali omyenoba gobenomo geib mole bain omyeniba gobeine! Ibo mo omyobobo genibta dim baanimibe! Ibo kukub misiamo ib nekwali omkayemin kukubo deibueine, o mo gobo nimibe! Ibo kukub olo deiboniba kukub ayam osa eka daayemin kukub osa ota kla wafueine!

Fole Lom teni bainobo galini futano dola omfubesebe. 15:14

Ne nekwal ibo ne tekein kebio ibo kukub ayamo amitie wafu bliobe. Ibo Gode wengo kla tekein kebib kesoa ibo ib sinwalo alebesese blibo ne funania Ib aleyemin kukub olo ayamobo gabibe.

1 Kolin 12:8

Gode Hobe e titilo nibo alukum afet afet omye biobe. Maki Gode wengo naka mak unang maki kla omkayemin titilo omkaye bianea eka mak ile Gode wengo mitmakamo naka mak unang maki alebeiba tekein kenamin titil omkaye bianea

2 Kolin 10:1

Nakaia unangai maki baaniba Fole ni baka biameo e ni weng fiab omkaye binabe otane e ni deibenea monea skeim bianea e wengo ni omfubenang gameo sbal weng baanea omfubebe binabe kesoa kukub olo misiamobo gabiobe. I inangge obib otane ne ibo weng fiab oye biania makob Klaiste weng fiab oye binabe inayebibe.

2 Kolin 6:6

Ni kukubo klayam wafu bianoba Gode wengo mitmakamo tekein kebuobe. Ni alo hebmamsabo mo tliaube nabobabe. Ni nakaia unangai kla dohalim bianoba daayebuobe. Gode Hobe ni kla kima bia ni naka mak unang maki kla gobe binabuobe.

2 Kolin 7:11

Gode ibo hengmino hengabiba daabenea ib bobol temo ilum omfubenobuo kukub olo e ibo kla daabenebiobe. Ibo funaniba Nibo hengmino henganobobo geniba ib hengmino hebmamsab deibueib kesoa nakaia unangai baaniba Memalo i kukub ayam wafu bliobo geibbiobe. Ibo hengmin olo afetu boniba Gode tolo tosiam binibbiobe. Ibo ni yatenamin teb yebua funaniba Nibo kukub misiamo nabobo klanoba afetu bonomo geniba nakae ib isak temo bianea hengabe naka ele ibo sbal weng baabaibbiobe. Kukub olo ne mo baabenita Ibo misiam naibbiobo genimibabe.

2 Kolin 9:10

Eka ne saa wengo mak osa imin baabenamabibe. Gode nakaia unangai imen sano dokayebea i dosambiba e daabonea damambua wembinabiobe. Imen olole Gode emaye omkaye binabebe. Inamin kesoa Gode ibo inamin namino doya dloniba nakaia unangai inamin namin blimi doyib mole e imin mesein kenea dot homon dokayebea ibo naka mak unang maki inamin namino amitie dokayemomabiobe.

Efesas 5:9

Nakaia unangai kukub ayamo tekein kebib ile kukub ayam osa eka kukub molot osa wafu bianiba i wengo baino olota obiobe.

Filibai 1:11

Ibo Yesus Klaiste bainobo gabiba e ibo daayebe kesoa ibo inamin namin kukub ayam ota wafunomabiobe. Ibo amitie kukubo ayam ota wafu bliba nakaia unangai ib kukubo ayamo nabibo yateniba baaniba Gode niniino dot sumobo geniba e niniino dobtouleb nine getabe.

Filibai 4:8

Ne nekwal ibo ne weng mako imin baabenamabibe. Kukubo bain osa kukubo ayam osa kukubo molot osa kukubo kining osa kukub ayamo Gode kin dim osa naka unangi kin dim osa namin ota amitie funine!

Kolosi 1:10

Ibo inanimibo Sume ibo baabenea Kukub olota namine gabe wengo kla wente bianiba e kukubo kla wafu bliba e ibo seinyemabebe. Ibo inamibo inamin namin kukub ayamo nabianiba Gode bobol tem funino tekein kenaniba ib tekein kemino sum anamabobe.

1 Tesalonaika 2:7

Ni Yesuse okok dlasanin naka kesoa ni baabenoba Ibo ni daabeine ge baabenomob osa ayam otane ni inamin wengo mo baabeim blimobe. Ni ibo bekebe biobo ni kukubo fiab bianoba makob unangi meme gwabi fiab beteng kima binabib inaye binobbiobe.

1 Timoti 5:21

God esa Yesus Klaist esa abisel isa i kin dimo ne wengo moton baabkenamabibe. Kobo weng olo watemaebo inanale! Kobo keb nineki kla daabeneba eka keb ninekbai klao mo daabeim blim kenamin kukubo mo wafunemebe! Kobo daabenang gaebo alukum makob kimin daabenale!

2 Timoti 2:24

Eka Sume okok nakae alo mo tliaubanomone! E nakai alukum weng fiab omkaye bianete! E nakaia unangai Sume wengo kla aleyemeko! E naka mak unang maki kukub misiamo omkahamibo e alo mo tliaubanota yang kenemene!

Taitas 1:15

Naka maki i bobol tem funino ayam bianiba Gode bobolo fumbibi baaniba Inamin namino dabalim olo buo alukum ayamobo, o awembabo gabiobe. Eka maki Yesuse mo bainobo gabibbai i bobol tem funino misiam kesoa i baaniba Inamin namino alukum misiamobo gabib kesoa i bobol tem funino misiamobe. I hengmino hengabibo mo tekein kebibbabe.

Taitas 3:2

Ibo naka mak unang maki weng dobo wengo mo oye bianiba eka dleb weng osa mo oye biam nimibe! Ibo nakaia unangai alukum weng fiab omkaye bianiba daaye biam bianiba kukub ayam ota omkayemine ge baabenale!

Hiblu 12:11

Nibo kukub misiamo nanoba Gode yemde dlanea dlo klaname dimo nib bobol tem daako ilum omfubenamabo otane omito nibo tekein kenoba Kukub olo ni daabenobo genomabbio kesoa o nib bobol temo ayam omfubenoa nibo molot anoba Gode ulab anomabbiobe.

Hiblu 12:14

Ibo ib bobol temo fiab bianiba naka mak unang maki gobenin kukubo sbalma wafu bianiba eka kining anamin kukub osa kla sbalma wafunine! Nakae mo kining aim blim kene mole e mo moneta Sume God esuo mo unamabebabe.

Yems 1:17

Nibo inamin namin ayamo bokabob osa eka inamin namin ayamo afet osa o abilim da ta tlebobe. Gode abilimo ayalo klanebu eta nibo omabeneta daak tlebobe. Gode amit ninobe. E afet anamino blimobe. E makob inamin ye biebe.

Yems 1:5

Elekiem olokiem ibo ib bobol tem funin ayamo blimubeno mole Gode baabaniba Keb bobol tem funin ayamo ni omyene ge baabaine! E daayemin naka kesoa e mo dosuananemebabe. E omyamabebe.

Yems 2:13

Ibo naka mak unang maki mo dohalilaniba daabeim blim keibbio mole sinanomo God esa ibo mo dohalilanemebabe. Otane ibo naka mak unang maki dohalilaniba daabeibbio mole sinanomo God esa inanea ibo dohalilanea daabenea ibo e nakaia unangai kukubo klanang game dimo ibo mo tosianimibbabe.

Yems 2:4

Ibo inaib mole ibo makob kukub klamin nakae ulabobe. Ib bobol tem funin olo misiamobe. Ibo nakai unaal kino mo yatenibta funanibta Inamin nakae ayamobo, eka inamin nakae misiamobo galaibe!

Yems 3:15

Ib bobol tem funin olo abilim data tlebobabe. O dabalim olo bobol tem funinobe. O Gululam esu data tlebobe.

Yems 4:8

Ibo Gode bobolo amitie fumbianiba nganhamib mole e ib wengo wentenea daabenamabebe. Hengmin gam ibo kukubo asu wafu bianiba hengabib kesoa hengmin kukubo deiboniba kukub ayam ota wafueine!

1 Fita 1:22

Ibo Gode bain wengo wenteniba bainobo geniba ib bobol temo kining am blib kesoa ibo bainobo galin naka maki besa sitalo mo baabenibta ni ibo gobe biobobo genimibe! Ibo ib bobol temo bain omyenibta kla gobeine!

1 Fita 2:1

Sume wengo inanoa amit namabo kesoa ibo kukub misiamo deibueine! Eka dim omin weng osa mo omibe! Ib sital dimo baaniba Ni naka ayamobo ge obib mole kukub misiamo mo nabianibta naka maki afobeingo bobolo mo waye biam biota naka maki weng misiamo mo oyemibe!

1 Fita 2:18

Okok naka ibo ib kimanin nakai wengo kla wenteye bianiba ili weng baanimib iwat nabianibte! Eka ibo weng misiamo mo oyemibe! Nakai wanibta ib kimanin nakai daaye bianiba weng fiab omkayemib mole ibo i wengo kla wenteyemine! Eka nakai wanibta ib kimanin nakai dosuanib mole i weng osa kla wenteye bianibte!

1 Yon 3:18

Ne meme ibo nibo nib nekwali kla gobe bianoba daayemino mo deibonobta besa sital ota obianobta ni gobe biobobo galaobe! Nibo kla gobe bianoba daayemomo!

1 Yon 3:3

Nakaia unangai Yesuse tlamabeo waisa blib naka unangi baaniba Yesuse bain ye tlea ni atemomabbiobo geniba i kukub misiamo deiboniba makob Yesuse kukub ayamo wafu binabe inaniba isa kukub ayam ota wafu bliobe.