Yems 1:16 - Mian

¹⁶ Ne nekwal ibo mo funanibta God eta inabenebo ge funanimibe! Ibo inangge funaib mole ib bobol tem funin olo misiamobe.

Yems 1:16 ပူးပေါင်းရင်းမြစ်များ

Matyu 22:29

Yesuse baabenea Gode buk tem weng osa eka e titil osa ibo mo tekein kebibba kesoa ibo tob tlim bianiba wengo yo afet ye obiobe.

Dowan Weng Olo Make Dolanebuotabe. 12:24

Yesuse baabenea Gode buk tem weng osa eka e titil osa ibo mo tekein kebibba kesoa ibo tobtlim bianiba wengo afet ye obiobe.

Dowan Weng Olo Make Dolanebuotabe. 12:27

God ele nakaia unangai afen smike amit nine blimi kulila binabibi Sumbabe. E nakaia unangai afen smike amit nine bibebiei Sumobe. Niminbabe, Eblaham esa Aisak esa Yekob esa i sin kaaibbu otane i afen smike amit nine bibebia imin hananomabib kesoa e i Sumobe. Ibo wengo unobuo deiboniba afet ye obiobo ge baabesebe.

Abosel 1:15

Am olo dim ota bainobo galini nakaia unangai 120 ese mak miniba Fitae hana manea baabenea

1 Kolin 6:9

Ibo mo funanibta Bainobo galinbai kukub misiamo nabinabibi moniba Gode kimanim bibo unomabiobo ge funimibe! Bobol tem funin olo dim kesoa ibo mo funimibe! Nakaia unangai tamano hengamin kukubo wafu blib isa eka god dim omini niniino dotouleb nin kukubo wafu blib isa eka nakai naka maki alelwali taman deib doise haanin kukubo wafu blib isa eka unangi unang maki imakwali taman deib doise haanin kukubo wafu blib isa eka nakai ili skil naka maki taman deib dleb haanin kukubo wafu blib isa

Galesia 6:7

Ibo mo funanibta Ni Gode dim omin wengo baabanomobo e tobtlinhalamabebo ge funimibe! Nakai imeno gumo sano dolmaib biamo damo ming gum ye damanoa ulelomabiobe. Eka getao sano dolmaib biam osa binoa damo geta ye damanoa ulelo nanomabib inaminobe. Sinanoa Gode nakaia unangai kukubo klanamabeo tlamo Gode nakaia unangai kukubo yatenea Naka elita kukub ayamo nabinibbiobe, eka elita kukub misiamo nabinibbiobe genea o molo yang kenamabebe.

Filibai 2:12

Ne nekwal ibo ne sino ibo baka blio ibo ne wengo wenteniba nene weng baanimi iwat ina binibbiobe. Memalo ne skeim bli kesoa ibo ne wengo kla wente bianiba nene weng baanimi iwat ina bianibte! Ibo Gode wengo kla wafu bianiba funaniba Ni Gode wengo deibonomobo misiamobo ge fumbianiba tosiam bianibte! Ibo Gode wengo wente bianiba e okoko sbalma okok kebiba sinanoa Yesuse imin tlameo ibo dletnea ula abilim unine!

Filibai 4:1

Ne nekwal ibo ib Sume bainobo galino sbalma bianiba sino ne weng olo baabeibuo mo deibonimibe! Ne ibo kla gobe biania ibo yatenamin teb nebobe. Ne Gode wengo ibo omkaye bia ibo wenteniba bainobo geibbio kesoa ne tekein kenia ne okok olo yamo balinobiobo genia seinyebibe.

Kolosi 2:4

Ne ibo baabenia Gode tekein kemino Klaiste elekiem eleta tekein kebebo ge baabeibio kesoa naka mak unang maki men weng men wengo baabenimibo ibo i wengo mo wentenibta Gode wengo mo deibonimibe!

Kolosi 2:8

Naka maki bobol temo funaniba I Yesus Klaiste wengo deibueine ge fumbib kesoa i dim omin wengo mitmakam blim ota ibo omkayebiobe. I weng olo dabalim nakai wengobe. O Gode wengbabe. I ili faninwali hekmel weng osa eka bekeli hekmel weng osa ota ibo omkaye bianibta baabenibta Ibo weng olota wafu nine ge oyebiobe. Weng olo ili wengobe. Olo Yesus Klaiste wengba kesoa ibo i weng olo mo wenteyemibe!

2 Timoti 2:18

I weng moloto deiboniba dim weng ota obianiba baaniba Bainobo galin nakaia unangai sin kaaniba imin hana tlibbio kesoa imino mo kaanibta hana tlomabibbabo ge obinabiobe. I inamin wengo obiba naka mak unang maki wentebibo weng olo i bainobo galino watwat daayebobe.

Hiblu 13:1

Klaiste bainobo galin nakaia unanga ibo ib sinwalo kla gobesese nine!

Yems 1:19

Ne nekwal ibo ne kla gobe blibe. Ibo ne weng olo kla wenteniba funaine! Ibo weng ole hebmamsab wentine! Otane weng ole hebmamsabo mo baaniba eka alo hebmamsabo mo tliaubenanomone!

Yems 1:2

Ne nekwal ibo wentine! Inamin namin kukub misiamo ibsuo tam tlamabuo ibo ye seimbibte!

Yems 2:1

Ne nekwal ibo Sume Yesus Klaiste bainobo gebaibbue e Sumobe. E titilo ayal inamin einebio kesoa ibo naka maki unaal kino mo yatenibta baanibta Nakae inamine ayamobo, eka inamin ele misiamobo genimibe!

Yems 2:14

Nekwal ibo funaine! Naka make baanea Ne bainobo gabibo geneme otane e kukubo ayamo mo naim blim kene mole e bainobo galino dim kesoa kukub olo e hengmino temo bio mo dobtlanomobabe.

Yems 2:5

Ne nekwal ibo wenteniba funaine! Naka maki nakai inamin namino blimi yatemniba funaniba I inamin naminsababo, i besa nakabo ge fumbib otane Gode naka eli dlakanebua e daayebea bainobo gabianiba i bainobo galino sbalma blib kesoa sinanomo i e kimanin bibo unomabiobe. Makob sinanggwano e moton wengo baanea Nakae ne bobolo fumbianea ne bainobo gabe mole e ne kimanin bibo unamabebo genebio inanomabiobe.

Yems 3:1

Ne nekwal ibo mo alukumata aleyemin naka nimibe! Aleyemin naka nibo misiam aleye binob biamo sinanoa Gode nib kukubo klanang gameo dimo aleyemin naka nibo bobolo dot ilum omyeneta eka naka mak ile i bobol ilumo gwab omyamabebe.

Yems 3:10

Nib sitalo olokiem otane weng omin ole asube. Am mak dimo weng ayam obianoba Gode niniino dobtouleb binomob ole eka am mak dimo weng misiam obianoba kukub misiam wafubi ina binabuobe. Nekwal ibo wentine! Inamin kukub olo dot misiamobe.

Yems 4:11

Ne nekwal ibo ib nekwali weng misiamo mo baabenimibe! Ibo ib nekwali weng misiam oye bianiba dim oye biam bianiba i kukubo klamib mole ibo makob Gode hekmel wengo klamomabib inaminobe. Nakai Gode hekmel wengo klamib mole i e weng olo mo wenteniba wafunomabibbabe. Ibo Gode kukubo klamin nakabe. Kukub olo misiamobe.

Yems 5:12

Ne nekwal ibo ne weng olo kla wentine! Abile niniin osa dabale niniin osa inamin namin afeto niniin osa mo taisonibta baanibta Bain ye Gode tekein kebebo ne wengo motonobo genimibe! Ibo baaniba Ae genimibo bain inamine! Eka ibo Yeye genimibo bain yota inamine! Ibo inamibo Gode mo baabeneta Ib kukubo misiamobo ge baabenemebabe.

Yems 5:19

Ne nekwal ibo wentine! Gode e deib ayame alebenebue bainobo galin naka make deib ayame deibanea hengmino henganea eka bainobo galin naka make naka ele daabanea imin debeb metenea God esu dane mole e kukubo ayamobe.