Taitas 2:8 - Mian

⁸ Kobo bain wengo naka mak unang maki omkayebebo amitie oyemale! Kobo inamebo naka mak unang maki mo oke bianibta E weng olo misiamobo ge okemomabibbabe. Kobo inameb mole nakaia unangai keb weng olo omkayebebo weng dobo weng okebibi aalo waisenamabobe. Niminbabe, i tekein keniba nib wengo molot kesoa i weng misiamo imino mo baabenomabibbabe.

Taitas 2:8 ပူးပေါင်းရင်းမြစ်များ

Dowan Weng Olo Make Dolanebuotabe. 12:17

Yesuse baabenea Sisa emi biamo ema dlaniba eka God emi biamo ema dla naine ge baabesea wenteniba i smiko deibe onsobe.

Dowan Weng Olo Make Dolanebuotabe. 12:28

I sinwalo baase baase bianiba obiba hekmel weng tekein kemin naka make tenea i wengo wentea i ina bianiba Yesuse i wengo mitmakamo ayam yang keyebe kesoa wentenea e Yesuse baabaneo Aleyemin Naka kobo hekmel wengo fatnamin ota hekmel wengo mako gaisonobione? gesea

Dowan Weng Olo Make Dolanebuotabe. 12:32

hekmel weng tekein kemin nakae Yesuse baabanea Aleyemin Naka kobo keb wengo ayam baanebobe. Gode elekiem eleta Sumobe. Sumi imini e ulabi blimobe.

Dowan Weng Olo Make Dolanebuotabe. 12:34

Yesuse naka ele wengo wentea e wengo makob tekein kemin nakai weng dikin baasea Yesuse baabanea Kobo Gode kimanin bib osu meb biebobo ge baabasea nakaia unangai imino kil ohamino tosiananiba amit deibasiobe.

Dowan Weng Olo Luke Dolanebuotabe. 13:17

e wasi nakai aal waisenoa eka naka mak unang maki alukum e wengo wenteniba inamin namin okok sumo tam tloa watemibo kla seinmonsiobe.

2 Tesalonaika 3:14

Ni weng olo baabenomabbuo nakae waneta weng olo mo wentim blim kene mole e ibo mo bekebenea eka ibsak esuo mebo mo nanimibe! Ib sinwalo baatlaniba afetu basibta yatemneta ne kukubo misiam biota natneibobo ge funanea aalo waisanota kukub misiamo deiboneko!

1 Timoti 5:14

I inamomabib kesoa ne funania Unang souwali imakwali kaabeibbue ile imakwali imin dloniba memei yobianiba i am osa meme isa kla kimanine gabibe. I inaib mole bainobo galinba nakaia unangai nibo mo baabenibta Bainobo galin nakaia unangai kukubo misiam nabiobo ge baabenomabibbabe.

1 Timoti 6:3

Nib Sume Yesus Klaiste wengo ayamobe. Nibo weng olo wentebobo o nibo daayebo kesoa nibo Gode kukubo kla wafunomabbiobe. Otane naka make Yesus Klaiste weng ayam olo deibonea weng afet ota alebene mole naka ele untak nganin nakabe. E tekein kemin osa bobol tem funin osa blimobe. E besa wengo alang weng omin kukub ota gobo biebe. E naka mak unang maki kukub olo aleyebea i e weng olo wente bianiba i naka maki kukubo dafao ifam bianiba eka naka maki dosuan bianiba eka awa gembianiba naka maki fun yateme biam bliobe.

Taitas 3:14

Ne bobol temo fumbio Yesuse bainobo galin nakaia unangai alukum naka mak unang maki daaye bianiba okoko klayam okok kebianiba i naka mak unang maki inamin namino blim bibe biamo i dokaye biam bianiba okok kebianibte! I besao mo nimibe ge fumbibe.

1 Fita 2:12

Ibo nakaia unangai Yesuse mo bainobo gabibbai tenaniba kweko bianiba ibo kukub ayamo nabibo nakaia unangai mo bainobo gabibbai ib kukubo yateniba obianiba Bainobo galin nakaia unangai kukubo misiamobo ge oye binib biamo sinanoa Yesuse imin tlang gameo dimo nakaia unanga eli ib kukub ayamo nabib olo bobolo funaniba Gode niniino dobtouleb bianiba baaniba Bainobo galin nakaia unangai kukubo ayam nabinibbiobo genomabiobe.

1 Fita 2:15

Gode ibo baabenea Amitie kukub ayam olo wafunine! Ibo kukub ayamo wafunib mole nakaia unangai bobol tem funin blimi ib kukubo yatemaibo mo baabenibta I kukubo misiamobo genomabibbabo genebiobe.

1 Fita 3:16

Weng fiab baabeniba kukub ayamo alebeine! Ibo kukub ayam wafuniba ib bobol tem osa fiab omfaniba Yesuse kukubo wafusibta naka maki ibo weng dobo weng oyebibi ib kukub ayamo namibo yatemniba aal waisenoko!