Taitas 2:14 - Mian

¹⁴ Sino e abilim ut bie dimo e funanea Ne daatnia atdimo kaania nakaia unangai hengmino walubenano genea daakenea atdimo kaanea nib hengmino walubenebio kesoa nibo kukub misiamo deibonoba bobol ayam fumbianoba e naka an e unang an nabianoba E kukub ayamo kla wafunomo gabuobe.

Taitas 2:14 ပူးပေါင်းရင်းမြစ်များ

Matyu 1:21

o miine naka ten dofanamabobo, kobo e niniino Yesus ge nganabanale! Niniin olo mitmakamo inaminobe. E meletani Isleli hengmin temo blibo dotlanea dleb mete e mitem danamabebo ge baabasebe.

Matyu 20:28

Abilim Da Tlemin Naka ne tlibu osa inaminobe. Ne mo tlita Nakaia unangai ne okoko okok kenemine genita tlim blimobe. Ne tenia nakaia unangai daabenia atdimo kaania nakaia unangai homoni hengmino walubenano genita tlibiobo ge baabesebe.

Matyu 3:12

E makob naka make difib glitamino wafunea imen toumin biino glitanea imen ayamo olminea eka imen misiam osa aal osa banea oleb monea ase amit eimbinabe tem wat fanamabe inanea nakaia unangai maki dleb monea bib ayam danea eka mak ile dleb monea bib misiam da nanamabebo ge baabesebe.

Dowan Weng Olo Yone Dolanebuotabe. 6:51

Nakaia unangai afen smike dobyamabo imeno abilim da tlobu ole netabe. I imen olo dowonaibo amit nomabiobe. Imen olo ne diimobe. Nakaia unangai dabalim olo blibi imen olo oyia dowonaibo amit nomabiobo ge baabeseo weng olo mitmakam ole ele ananomabibo saa weng ota baabesebe.

Abosel 15:14

Saimon Fitae weng ele baabene wentib olo sino Gode mikiktemo tenea Yudaba isu ota tlanea dlakanea e meletan aibbuo weng ota baabeneta wentiobe.

Abosel 15:9

Gode mo funaneta Yudai naka afeti gaiseibobo ge fumbebabe. E bobol temo fumbeo Yuda isa Yudaba isa makobobo ge fumbe kesoa Yudabai Yesuse bainobo gabibi hengmino omtlabenamabebe.

Abosel 20:28

Gode Hob eta nakaia unanga eli ibo doyebio kesoa kla kima bianiba ibmal osa kla biam bianibte! Gode e miine ilem ota oloneta nakaia unanga eli hengmino walubenea Nemibo genebiobe. Ibo makob eil sibsib kimanin nakai ulab kesoa nakaia unanga eli kla kimaine!

Abosel 9:36

Yesuse bainobo galin unango niniino Tabitao Yoba bib ye biota Glik teni o niniino Dokas ge nganwebiba o okoko amitie klayam okok kebianoa nakaia unangai imena moniao blimi misim okaye binabobua

Galesia 1:4

Klaiste funanea Nakaia unangai ne mo bainobo gabibbai kukub misiamo nabinabibo temo blibo dotlanano gene kesoa e nib Aye Gode bobol tem funino wafu bianea emaye atdimo kaanea nib hengmino walubenebiobe.

Galesia 3:13

Naka make hekmel wengo mako welanea temiba hekmel wengo baanoa Anaiba kaaneko genobio mole anaiba kaanea debeb utniba atdim eut dabasaniba silo bikibaiba nakaia unangai ateniba tekein keniba Gode naka ele dobsuananeta ananebo geine! Gode buk tem wengo enangge baanoa Nakae debeb utniba atdim eut dabasaniba silo bikiba nimibo Gode naka ele dobsuananeta e kaanamabebo genobiobe. Nibsa inanoba hekmel wengo waka binabob kesoa Gode nibo dosuananea kaaine gabe otane Klaist eta nib alango dokonea Gode atlihamino tenoa e dim wat tloa atdimo kaanea nib hengmino walubenebiobe.

Efesas 1:11

Gode okok olo klanebuo e halito mo naim blimobe. E sin funanea Ne sinanomo inamin namin olo inaneme ge funaneta omito e inamin namin olo klanebiobe. Sinanggwano Gode funanea Sinanoa item Klaist etem naniba i bobol funino makob animibo ne meme anomabiobo ge funanea nibo dlakanebio kesoa nibo e memebe.

Efesas 2:10

Sinanggwano Gode nib bobolo funanea baanea Sinanomo nakaia unanga eli Yesus Klaiste bainobo geniba i Klaist ete naniba kukub ayamo ne baabenia Ibo kukub olo naine genimio namomabiobo ge funanea dlakanebiobe.

Efesas 5:2

Klaiste nibo kla gobene kesoa e atdimo kaanea nibo daabenebiobe. Sinanggwano Yuda ni faninwali kulani yenaniba funiba Gode dlaliba e tango kunubanoa baabenea Ib kukub olo ayamobo ge oye binebua Yesus esa inanea atdimo kaanea nib hengmino walubenea Gode baabanea Keb kukub olo ayamobo ge baabanebiobe. Klaiste nibo kla gobenebio inaniba ibsa naka mak unang maki kla gobeine!

1 Timoti 1:15

Yesus Klaiste funanea Ne daatnia nakaia unangai hengmin tem tab blibo dotlanano ge funaneta daak tlebiobe. Weng olo bainobe. Nakaia unangai weng olo wenteniba bainobo geine! Ne hengmino henga binibuo kukub olo naka mak unang maki hengamin kukubo gaisenobiobe.

1 Timoti 2:10

Ina otane unangi Ni Gode wengo wafu biobobo gabib mole okoko ayam okok bianiba naka mak unang maki daabeine! Kukub ayam olo i makob youm ayamo kimomabiobe.

1 Timoti 2:6

Amo Gode omfakanea baanea Amo yo dim ota Yesuse dabalimo daak unamabebo genebuo tlo kesoa Yesuse daakenea atdimo kaanea nakaia unangai alukum hengmino walubenebiobe. Nibo Yesuse kukubo nanebuo kukub olo watenoba tekein kenomo! Gode bobol temo fumbeo Nakaia unangai hengmino deibueiba ne i hengmino omtlabeia i nemi aine ge fumbebe.

1 Timoti 6:18

Eka weng mak osa imin baabeneba Ibo okoko klayam okok bianiba naka mak unang maki amitie daaye bianiba eka naka mak unang maki afobeingo blimi daaye bianiba inamin namino dokayemine!

Taitas 2:7

Eka Taitas kobole kukub ayamo sbalma wafu bieba i keb kukub nabebo kateniba isa kukub ayamo yota wafueine! Kobo Gode kukubo i aleyemabebo bain weng ota i aleyemale! Dim wengo mo oyemebe!

Taitas 3:8

Ne weng ele baabei olo bain baabeiobe. Ne bobol temo fumbio Kobo weng olo nakaia unangai sbal weng oyemale gabi kesoa kobo weng olo Gode bainobo galin nakaia unangai oyebeba i weng olo wente bianiba i bobol temo ayam ota fumbianiba okoko ayam ota okok kemine! Ne weng olo kobo baabkenamabio ayamobe. Nakaia unangai weng olo wentemib mole o i daayemabobe.

Hiblu 1:3

Gode titilo ayal inamin eibie inanea e miin esa e titilo ayal inamin eibiebe. E miine makob aalebe Gode ulabobe. E wengo titilsa kesoa inamin namino abilim uto bu osa eka dabalim olo bu osa owebea alukum klayam biobe. E inamin namin olo alukum kima biebe. Sino e atdimo kaanea nib hengmino omtlabenea imin hana utnea abilim ut unanea Gode titilo inamin namino alukum gaisonea kima bie nakae kweile kweitale kikib ye toumbianea inamin namin olo kima biebe.

Hiblu 10:24

Nibo Yesuse bainobo galin naka mak unang maki bobolo fumbianoba daayemoba eka isak inaniba naka mak unang maki daaye biamniba nib sinwalo gobesese bianoba kukub ayam nabesese nomo!

Hiblu 9:14

Til gouta eil blumakauai besa kulanobe. I ilem osa kwetab osa o titil blimobe. Okobbabe. Klaist eta naka ayam hengmino blimobe. Gode Hobe e daabanea atdimo kaanea e ilemo singanea Gode olanea ilem olo nakaia unanga nib bobol tem funino daabonea nib hengmino omtlabenebio kesoa nibo Gode kintaline wengo wafunomabbiobe.

Yems 4:8

Ibo Gode bobolo amitie fumbianiba nganhamib mole e ib wengo wentenea daabenamabebe. Hengmin gam ibo kukubo asu wafu bianiba hengabib kesoa hengmin kukubo deiboniba kukub ayam ota wafueine!

1 Fita 1:18

Sinanggwano ib faninwali kukubo mo daabenamaboba ota nabinibbua eka ibsa i kukub ota wafu bianiba nabib otane Gode ib kukub misiam olo molo walubenebiobe. E ib kukub misiamo moni molo mo walim blimobe. Monio sinanomo blimanamabobe.

1 Fita 1:22

Ibo Gode bain wengo wenteniba bainobo geniba ib bobol temo kining am blib kesoa ibo bainobo galin naka maki besa sitalo mo baabenibta ni ibo gobe biobobo genimibe! Ibo ib bobol temo bain omyenibta kla gobeine!

1 Fita 2:12

Ibo nakaia unangai Yesuse mo bainobo gabibbai tenaniba kweko bianiba ibo kukub ayamo nabibo nakaia unangai mo bainobo gabibbai ib kukubo yateniba obianiba Bainobo galin nakaia unangai kukubo misiamobo ge oye binib biamo sinanoa Yesuse imin tlang gameo dimo nakaia unanga eli ib kukub ayamo nabib olo bobolo funaniba Gode niniino dobtouleb bianiba baaniba Bainobo galin nakaia unangai kukubo ayam nabinibbiobo genomabiobe.

1 Fita 2:9

Gode nakaia unanga ibo dlakanebio kesoa ibo emibe. Ibo komok sume Gode amo kimanin naka kiningobe. Ibo Gode naka unangobe. Sino ibo mililambio tem tab blib otane Gode ibo nganabenea dleb metenea tan dim keim ele danebio kesoa ibo e niniino dobtouleb bianiba e inamin namin ayamo nabeo wengo omkeimamine!

1 Fita 3:18

Nibo Klaiste kukubo nanebuo bobolo funanomo! E kukub misiamo mo naim blim otane e atdimo kaanea nib kukub misiamo nabobo omtlabenebiobe. E naka molot otane e naka misiam nib alango dokonea dleb metenea God esu ele danebiobe. E nib hengmino bobolo funanea atdimo deib makob kaanebiobe. E imino mo kaanemebabe. E naka moton anea anaiba kaanea imin hananebuo e smike mo kaanemebabe. E amit afen biebe.

1 Yon 1:7

Ina otane Gode ayal dim bie inanoba nibsa ayal dim nob mole nibtem bainobo galin nakaia unangai mak item nanoba nib bobol temo makob anoba e miine Yesuse ilemo nib hengmino fubabenoa omtlabenoa nibo kining anomabbiobe.

1 Yon 1:9

Eka nibo nib hengmino omkeimanob mole Gode weng moton omin kesoa e kukub moloto nanea nib hengmin osa eka nib kukub misiam osa alukum omtlabenea kining klayam anomabbiobe.

1 Yon 3:2

Ne nekwal ibo memalo nibo Gode melel otane sinanomo nibo fatnamin nomabbione? Malobe. Ina otane sinanoa Klaiste imin tlameo nibo e kla atenoba deskinanoba makob e ulab anomabbiobe.

Lebelesen 1:5

Yesus Klaiste Gode wengo alukum molot omkeimalin nakabe. E sin kaanea hana tlebio kesoa nibsa kaanomobo imin hana tlomabbiobe. E alukum komokwali dabalim olo blibi Sum na kesoa esa ibo daabenea bobol tem ayamo omyeko! E bobol temo nibo omyenea kaanea ileme singanea nib hengmino omtlabenea

Lebelesen 5:9

Eka i mema ans mako enangge ngambianiba Kobo naka molot kesoa inaneba buk olo omoneba halo 7 olo waanamabeobe. Niminbabe, i kanaiba kaaneba keb ilem ota nakaia unangai dabalim olo blibi alukum naka mit afet isa eka weng afet isa eka aal afet isa eka bib mak bib mak sel isa alukum walubeneba i God emi aibbiobe.