Taitas 1:9 - Mian

⁹ Ni Yesuse weng moloto i omkaye binobbio i nekek ge wafu bianiba isak weng molot olo naka mak unang maki aleyebiba bain weng olo nakaia unangai bobol temo daabenoko! Eka i weng molot olo naka mak unang maki weng moloto mo wentaobbabo geniba weng omdibibibi omkayebiba i wenteniba tekein keniba Ni kukubo misiamobo geine!

Taitas 1:9 ပူးပေါင်းရင်းမြစ်များ

Abosel 18:28

Abolose inabea Yuda nakaia unangai maki tetemniba mibianiba baase baase biniba e tata kenea i wengo omabbubenea Gode buk temo kinea baabenea Buk olo kla alebenoa baanoa Yesuse Gode Dofakamin Nakabo genobiobo ge baabesebe.

1 Kolin 14:24

Otane ibo lotuo kimanom gaibo Gode wengo ilib weng omkeima bianiba nakaia unangai omkayemibo nakaia unangai mo bainobo gabibbai teniba weng olo wentaibo i kukub misiamo nabib osa eka bobol tem misiamo fumbib osa funaniba Ni kukub olo nabobo misiamobo, i weng ota bainobo, ni Gode kukubo mo wafu biobbabo ge funaniba i Gode niniino dobtouleb bianiba baaniba Bainobo, Gode ibo bekebe biebo genomabiobe.

1 Tesalonaika 5:21

Naka maki ibo aleyemibo ibo kla fumbianiba Wengo yo misiamobe eka yota ayamobe gabianibte! Ibo ina bianiba temiba wengo ayam ano mole yota wafu bianiba namine!

2 Tesalonaika 2:15

Nekwal ibo Yesuse bainobo galino sbalma wafuniba ni wengo ibo omkaye binobbu osa eka ni wengo futan temo dola omfubenobbu osa kla wafueine!

1 Timoti 1:10

I unang taman henga bianiba eka naka maki teniba naka maki taman henga biam eka bib mak seli moniba bib mak seli naka maki ayok doise moniba naka maki waloniba monio boka biam eka dim wengo obiam bliobe. I kukub olo ina bianiba eka kukub misiamo afet osa nabianiba Gode weng ayamo mo wafu nim blim blib kesota Gode hekmel wengo nakaia unanga eli omkayebebe.

1 Timoti 1:15

Yesus Klaiste funanea Ne daatnia nakaia unangai hengmin tem tab blibo dotlanano ge funaneta daak tlebiobe. Weng olo bainobe. Nakaia unangai weng olo wenteniba bainobo geine! Ne hengmino henga binibuo kukub olo naka mak unang maki hengamin kukubo gaisenobiobe.

1 Timoti 1:19

Kobo ina bianeba keb bainobo galino sbalma bianeba Gode bobolo funale! Naka mak unang mak ile Gode bobolo mo fumbibbabe. I kukub ayam olo abuk wawem blib kesoa i bainobo galino watwat dabebiobe.

1 Timoti 4:9

Ne weng olo baabkenamabio bainobe. Nakaia unangai wentaibo kla funaniba bainobo geine!

1 Timoti 6:3

Nib Sume Yesus Klaiste wengo ayamobe. Nibo weng olo wentebobo o nibo daayebo kesoa nibo Gode kukubo kla wafunomabbiobe. Otane naka make Yesus Klaiste weng ayam olo deibonea weng afet ota alebene mole naka ele untak nganin nakabe. E tekein kemin osa bobol tem funin osa blimobe. E besa wengo alang weng omin kukub ota gobo biebe. E naka mak unang maki kukub olo aleyebea i e weng olo wente bianiba i naka maki kukubo dafao ifam bianiba eka naka maki dosuan bianiba eka awa gembianiba naka maki fun yateme biam bliobe.

2 Timoti 1:13

Kobo ne weng molot olo alebkeio kla fumbianeba nakaia unangai aleyemale! Kobo weng olo kla funaneba sbal maneba Yesus Klaiste bainobo geneba esa naka mak isa gobenale!

2 Timoti 2:2

Ne nakaia unangai kin dimo kobo weng olo alebkeio kobo nakai bainobo galino sbalma blib ita weng olo alebeneba tekein keniba isak weng olo naka mak unang maki aleyemine!

2 Timoti 2:25

E nakaia unangai e wengo omdibimibi weng fiab omkaye bianea funanea Gululame nakaia unanga eli makob eil halebi imiko yafunabo inanea yafu bie kesoa i e okok ota okok kebib otane Gode daabenemeo i hengmino deiboniba i bobol temo deskiniba omoniba Gode omaniba imaye Gululame kweiban dimo deibaniba meteniba Gode weng motono wentemomabiobo ge fumbianea nakaia unanga eli Gode wengo fiab aleyemeko!

2 Timoti 3:14

Otane kobo sino Gode bain wengo wenteneba bainobo genebbio amitie wafunale! Niminbabe, kobo nakaia unangai weng olo alebkeibbuei kukubo tekein kebeobe.

2 Timoti 4:3

Niminbabe, sinanomo nakaia unangai weng motono mo wentomabibbabe. I weng afeto Gode wengbao kla gobo blibo bobolo fumbianiba nakaia unangai weng olo aleyebibi baabeniba Ibo teniba nisu ele tlaniba ib weng olo alebeine ge oyemomabiobe.

Taitas 1:11

I Monio oisenomo ge fumbib kesoa i naka mak unang maki dim omin wengo aleyebiobe. I weng misiam olo aleyebiba naka mak unang mak isa i meletan isa i weng misiam olo wenteniba isa bobol tem misiam fumbiobe. Kobo dim omin naka eli baabeneba Weng olo deibueine ge baabenale!

Taitas 2:1

Ina otane kobole ni Gode weng ayamo alebkenobbuo weng ota naka mak unang maki aleyemale!

Futan olo Yut eta dolanebiobe. 1:3

Ne nekwal ibo ne kla gobe blibe. Ne sino fumbiania Ne futano ibo dola omfubenia Gode okok sumo nanea nibo alukum hengmino temo biobo dotlanebio wengo baabenano gabi otane memalo ne weng afet mako funai kesoa dim omin nakai ib isak temo blibi i weng sango futan temo dola omfubenamabibe. Weng olo inaminobe. Gode sino e bainobo galin wengo e nakaia unanga ni omyebuo weng afeto imino mo omyamabebabe. Ibo weng olo wenteniba bainobo geniba sbal maniba kla wafueine! Ibo dim omin naka mak unang maki weng afeto oyebibi baabeniba Weng olo bainobo ge baabeine!

Lebelesen 2:25

ibo ib bainobo galino sbalma wafu blibta ne imin tlano!

Lebelesen 3:11

Ne hebmamsab tlamabi kesoa ib bainobo galino wafu blibo nekek ge wafueine! Ibo bainobo galino sbalma wafunib mole ayam nomabiobe. Ibo inanimibo naka maki mo baabenibta Ibo aseinin bib unine ge baabeibta ibo aseinin bibo mo unaibbabe.

Lebelesen 3:3

Sino ibo dowan weng olo wenteniba bainobo genibbio kesoa imin funaniba sbalma wafu bianiba hengmino deiboniba ib bobol temo deskinaniba bainobo geine! Eka ibo denino deiboniba klaine! Eka ibo ne mo waitneim blim keib mole ne ibsuo makob ayok henin nakai ulab tlamabi kesoa ibo ne tlamabio dimo mo tekein kebibbabe.