Fole Lom teni bainobo galini futano dola omfubesebe. 9:11 - Mian

^11-12 Eka i dabo i awoko mo dlanoa i kukub ayam osa kukub misiam osa mo naim blim bliba Gode Lebekao baabonea Afan eta komok anea kweitale kimanamabebo ge baabosebe. Gode ele bobol tem funaneta inanebiobe. E inanebio kesoa nibo tekein kebuobe, e nakaia unangai dlakanang gameo i kukub ayamo mo yateneta dlakanemebabe. E ele bobol tem funin dlakanabe naka unang ita e meletanobe.

Fole Lom teni bainobo galini futano dola omfubesebe. 9:11 ပူးပေါင်းရင်းမြစ်များ

Fole Lom teni bainobo galini futano dola omfubesebe. 4:17

Gode buk temo Eblahame weng sango enangge baanoa Gode baanea Ne kobo Yudaba naka afet isa i fanin kemfaiobo ge baabanebiobo genobiobe. Eblahame Gode wengo bainobo gabinebio kesoa Gode wengo bainobo gabob naka unang nibo Gode kin dimo nibo Eblahame molobselobe. Gode kaaib biamo nakaia unangai imin dofufu bianea eka inamin namino blim bu osa baabonea Inamin namin obo, tam tele ge owebea tam tlebobe. Eblahame Gode bainobo gebasebe.

Efesas 2:3

Sino nibsa alukum makob naka eli nabib inanoba Gode wengo omdibiha binobbiobe. Yuda nisa sino nini bobol tem funin misiamo wafu bianoba kukub misiamo nabinobbiobe. Nibo inanoba ninib kukub misiamo mo deibueim blim amitie nabinob mole Gode yang kenea makob naka maki kukub misiamo nabiba enino omyamabe inanea nibsa enino omyamabebe.

Efesas 2:9

Gode nib kukub ayamo nabobo mo yateneta nibo hengmino temo biobo dotlaim blim kesoa nibo naka maki mo baabenobta Ni kukub ayam olo nabob ota Gode ni hengmino temo biobo dotlanebiobo ge baabenomobe! Gode emaye ele bobol tem funanea bobol tem ayamo nibo omyenea dotlanebiobe.

Efesas 3:11

Sinanggwano Gode funanea Ne sinanomo Yesus Klaiste dabaia daaknea Yuda isa eka Yudaba isa i hengmino temo blibo dotlaneko ge funanebio kesoa e inanea nib Sume Yesus Klaiste dabanea daakenea nib hengmino temo biobo dotlanebiobe.

1 Tesalonaika 1:4

Nekwal ibo ni Yesuse dowan weng ayamo ibo omkaye binobbuo weng olo besababe. Weng olo titilsa kesoa ibo kla wentibbiobe. Gode Hob eta weng olo ib bobol temo omabbebeneta ibo baaniba Weng olo motonobo geibbiobe. Ibo inaibbuo nibo tekein kebuobe, Gode ibo gobenea funanea I ne meletan aine ge baanea dlakanebiobe. Ibo tekein kebiobe, ni okok olo nabianoba ibo daayebobo watemibbiobe.

1 Tesalonaika 2:12

am mak bomanomo am mak bomanomo ni weng ayamo sbalma omkaye bianoba baabenoba Ibo kukubo ayam wafueiba Gode yatenea seinye bianea bobol ayamo omyeko! Gode ibo dlakanea baabenea Ibo ne wengo wentemibo ne dleb monia ne bib daia ayam aniba makob ne ulab anomabiobo genebio kesoa ibo e wengo sbalma wente bianibte ge oye binabuobe.

2 Timoti 1:9

Gode nibo hengmino temo biobo dotlanea funanea I ne naka unang aine genea nganabenebiobe. E nibo nganabenebuo nib kukub nabobo mo kibianeta nganabeim blimobe. Yeye. E ele bobol tem funin ota wafu bianea nibo daabenea kukub ayamo omyebiobe. Sinanggwano Gode dabale mo klaim blim bie dimo e funanea Sinanomo Yesus Klaiste dabaia daaknea dabalim daak unea nakaia unangai daabenia kukub ayamo omyamabibo genebiotabe.

Taitas 3:5

E nibo kukub ayam wafu biobta yateneta nibo hengmino temo biobo dotlanebua bleka? Yeye. E ele bobol tem ye dohalilaneta nibo hengmino temo biobo dotlanebiobe. E nibo daaye bianea bobol tem funin ayamo omyenea eka e Hobe bobol tem funin ayamo memao omyenanebio kesoa nibo kukub ayam wafu binabuobe.

1 Fita 5:10

Gode ibo dlakanea baanea Sinanoa ne inamin namino ayamo ibo omyia ibte Klaist ete naniba amit nomabiobo genebiobe. Memalo ibo enin kino watememomabib otane o amito mo nomobabe. Gode daayemin kukubo mit kesoa e sinanomo kukub ayamo imin omyenea daabenea ibo dosbal manea titil sbalo omyamabebe.

2 Fita 1:10

Ne nekwal ibo Gode dlakanea ibo bainobo geibbiobe. Gode inanebua ibo Gode bobolo amitie fumbib kesoa ibo tekein keniba Gode ni moton dlakanebio kesoa nibo emiobo geine! Ibo inamib mole e kukubo mo deibonomabibbabe.

Lebelesen 17:14

i eil sibsib mene temnaniba awa genalaibo eil sibsib men esa eka e bekeba blib isa i tata keniba komokwali gaisenomabiobe. Niminbabe, e naka sum isa eka komok sum isa i Sumobe. Eka e bekeba blib naka ile sinanggwano e dlakanebua i e wengo kla wente binabiobo ge baatnenea