Fole Lom teni bainobo galini futano dola omfubesebe. 9:1 - Mian

¹ Ne Klaist emi kesoa ne wengo bain baabenamabibe, ne dimo mo baabenimibabe. Ne bobol temo funania weng olo bainobo gabia eka Gode Hobe ne bobol temo bitne bie esa baanea Weng olo bainobo gabebe.

Fole Lom teni bainobo galini futano dola omfubesebe. 9:1 ပူးပေါင်းရင်းမြစ်များ

Fole Lom teni bainobo galini futano dola omfubesebe. 1:9

Ne Gode bobolo amitie fumbiania e okoko amitie okok kebiania e miine dowan weng ayamo nakaia unangai omkaye binabibe. Ne Gode amitie oha biania Kobo Lom teni kla kimanale ge oha bia Gode tekein kebebe, ne weng olo bainobe.

Fole Lom teni bainobo galini futano dola omfubesebe. 2:15

I inabib kesoa nibo yatenoba funanoba Bainobo, Gode hekmel wengo i bobol temo bibebiobo gabuobe. I bobol temo amit oye bianoa Ibo kukubo yole misiam nabinabiobo eka yole kukub ayam nabinabiobo gabianoa oyebo kesoa nibo yatenoba tekein kenoba Bainobo, Gode hekmel wengo i bobol temo bibebiobo gabuobe.

Fole Lom teni bainobo galini futano dola omfubesebe. 8:16

Gode Hobe emaye nibo baabenea Ibo Gode memebo gabea nib bobol temo fumbianoba E weng olo bainobo ge fumbuobe.

Fole Lom teni bainobo galini futano dola omfubesebe. 9:2

Ne nekwali Isleli Yesuse mo bainobo gabibba kesoa ne bobol temo dot ilum omfutnebiobe.

2 Kolin 1:12

Ni bain baabenomabbiobe, ni naka mak unang maki kukub ayamo ye omkaye binobbu otane ibole dot ayam omkaye binobbio kesoa ni seimbuobe. Ni dabalim olo tekein kemino mo omonobta ibo kukub ayamo mo omkaye binobbiobabe. Gode emaye ni daaye bianea e kukub ayam osa weng moton omin kukub osa omkayebeta ni omonobta ibo omkaye binobbiobe. Ni ina binobbio kesoa ni bobol ayam fumbianoba Ni i kukub ayam omkaye binobbiobo gabuobe.

2 Kolin 1:23

Ne weng ele baabenamabi olo dim biamo Gode omkeimanamabe otane ne weng olo bainobe. Ne Kolin bibo imin natenamino deibeibuo mitmakamo inaminobe. Ibo kukub misiam naibbio kesoa ne funania Ne isuo imin monia hengmin olo omkeimai mole i bobolo ilum omfubenamabobo ge funai kesota ne ibsuo natenamino deibeibiobe.

2 Kolin 11:10

Yesus Klaiste moton wengo ne bobol temo bitne bio kesoa ne obiania Ne Kolin bib seli bainobo galin nakaia unangai daaye binibi otane ne i mo baabenita Imena moniao onine ge baabeim blimobo gabibe. Nakaia unangai Glik betan ye blibi baatneniba Kobo inamin wengo mo baanemebe genamini blimobe. Niminbabe, ne wengo bainobe.

2 Kolin 11:31

Nib Sume Yesuse Aye Gode tekein kebebe, ne dimo mo obibabe. Nibo e niniino amitie dobtouleb nomo!

2 Kolin 12:19

Ibo mo funanibta Fole funanea Ne kukub ayam wafu biebo geine geneta futan olo dola omfubenebo genimibe! Nesa Klaist esa ni bobol temo makob bianobta Gode kin dimo ne weng olo ibo baabeiobe. Ne funania Ne nekwal ibo ne wengo ibo oye binabi yo fumbianiba ib bainobo galino sbal maine genita futan olo dola omfubenamabibe.

Galesia 1:20

Ne weng olo ibo baabenamabio dimbabe. Gode tekein kebebe, weng olo bainobe.

Filibai 1:8

Ne ibo gobe blio makob Yesus Klaiste nibo kla gobe binabe inania ibo kla gobe blibe. Gode tekein kebebe.

1 Tesalonaika 2:5

Ibo tekein kebiobe, sino ni ibsu tlobo ni ibo men weng men wengo mo oye bianoba eka ib inamin namino bobolo mo waye biam nim blimobe. Ni ibo mo baabenobta Ib inamin namino ni mo doyine ge baabenaim blimobe. Gode tekein kebebe, ni wengo bainobe.

1 Timoti 1:5

Ina otane ne funania I kukubo afet ota nabianiba i bobol temo kining aniba fiab bianiba Gode bobolo fumbianiba bainobo geine! I inamib mole i Gode goba bianiba eka i nakaia unanga isa gobeniba daayemomabiobo ge funaiobe.

1 Timoti 2:7

E inangge fumbe kesoa ne baatnenea Kobo moneba bib mak bib mak olo nakaia unangai Yudabai ne weng olo omkayemale ge baatnenebiobe. Ne weng olo dimbabe, bainobe. E ne nemanea monia naka mak unang maki Yudabai e moton wengo aleye bia i e weng ayam olo wenteniba bainobo genomabiobe.

1 Timoti 5:21

God esa Yesus Klaist esa abisel isa i kin dimo ne wengo moton baabkenamabibe. Kobo weng olo watemaebo inanale! Kobo keb nineki kla daabeneba eka keb ninekbai klao mo daabeim blim kenamin kukubo mo wafunemebe! Kobo daabenang gaebo alukum makob kimin daabenale!