Fole Lom teni bainobo galini futano dola omfubesebe. 6:2 - Mian2 Yeye bobol tem funin olo misiamobe. Nibo makob kaanabibi ulab anoba hengmin kukubo deibonobbio kesoa nibo hengmino imino mo hengamobe! အခန်းကိုကြည့်ပါ။ |
Fole Lom teni bainobo galini futano dola omfubesebe. 6:2
18 ပူးပေါင်းရင်းမြစ်များ
Inamin kesoa ne nekwal ibo hekmel wengo makob nakae e alelo kima bie inanoa ibo kima binobu otane memalo Yesus Klaiste tenaniba ib bobol tem funino makob am blib kesoa e kaanebio kukub olo makob ib temna kaaniba hekmel wengo titilo ibo kimabuo blimanobiobe. Eka Yesuse imin hananebuo kukub olosa makob ib temna hanaibbua e memalo makob ib mema imak dikin anea ibo kima biebe. E ina bie kesoa nibo alukum Gode kukub ayamo wafunomo!
Ina otane memalo nibo Yesuse tena kaanobbio kesoa hekmel wengo nibo mo kima biobabe. Sino nibo funanoba Nibo Gode okoko okok kemomo genob kesoa nibo e hekmel wengo wafunin kukubo naatemobbu otane motono mo naim blimobe. Ina otane memalo Gode Hobe nibo dobyebio kesoa nibo e okok nakabe. Nibo mema kukub ota wafu bianoba e okoko okok kebuobe.
Ne sino Mosese hekmel wengo wafu blia weng olo aletnenoa Kobo hengmin gamobo geno kesoa Gode ne hengmin olo molo yang kenea ne kaanimio God esuo mo unamabibabo gei otane Klaiste ne alango dokonea Gode ne deitnenea Klaist eta atdimo kaanea ne kukub misiamo walebuo kukub olo makob nemaye atdimo kaanibio kesoa ne Mosese hekmel wengo imino mo wafu blibabe. Ne Gode weng olota wafu blibe. Ne ina blio memalo ne nene bobol tem funino mo wafu blibabe. Otane Klaiste ne bobol tem wato bitne bie kesoa memalo ne afen ania ele bobol tem funin ota wafu blibe. Gode miine ne gotnenea kaanea daatnenea ne bainobo gei kesoa ne olo amitie fumbiania wafu blibe.
Ina otane ne mo funanita I ne niniino nemtouleb nine ge funanimibabe. Ne Sume Yesus Klaiste niniino olota dobtouleb blibe. Ne e atdimo kaanebuo weng ota naka mak unang maki omkayebibe. E kaanebuo makob nesa kaaibio kesoa ne sino kukub misiamo nabinibuo blimanobiobe. E kaanebio dimo ne kukub misiamo sino nabinibu osa kaanobio kesoa ne imino mo funanita Ne kukub misiam olo wafunano genimibabe.
Klaiste atdimo kaanebuo makob bainobo galin nakaia unanga ib tena kaaibbio kesoa Gululam esa hob misiam isa ibo imino mo kimanomabibbabe. Ina otane ibo hekmel wengo olota wafunib mole Gululam esa hob misiam isa i titilo ibo kimanamabobe. Inamin kesoa ibo nimin kenibta dabalim naka eli wengo wenteyebibe? I weng olo Gode wengbabe. I ili bobol tem funin ota ibo oye bianiba Ibo Yudai hekmel weng ota wafuniba imen olo mo wafu olaibe, eka olole mo dowonaibe, eka olole mo melebonimibe gabianiba oyebib kesoa ibo i wengo mo wenteyemibe!
Niminbabe, ib bobol tem funin ole dabalim olo bobol tem funinobe. Klaiste atdimo kaanea ib bobol tem funino sino wananea blimanobiobe. Ib bobol tem funino sin ole deiboniba ibtem Klaist etem naniba ib bobol temo makob aiba eka Klaist esa God etem naniba i bobol temo makob anaibbio kesoa e ib bobol temo kima biebe.
Gode Dofakamin Nakae emaye nib hengmino gokileb utnea atdimo kaanebio kesoa nibo dabalim ele biomabbuo kukub misiamo nibo imino mo dlamanamabobabe. Nibo makob nakai kaaniba smiki unaniba umo deibo unaibo o sbal manoa tanoa inamin namino denabo inanoba nibsa kukub misiamo deibonoba Gode kukubo namine gabe ota namomo! E kaanea nibo daabenebio kesoa nibo klayam bianoba kukub molot ota wafu biobobe.
ကြော်ငြာတွေ