Fole Lom teni bainobo galini futano dola omfubesebe. 5:11 - Mian

¹¹ Nibo weng mak osa tekein kebuobe, Gode nib Sume Yesus Klaiste baabanea Kobo i daabeneba ne nekwal aine gene kesoa nib Sume Yesus Klaiste inanea nibo daabenea Gode nekwal anobbiobe. Sinanomo e dletnea abilim ut unomabbio kesoa memalo nibo Gode seinha bianoba e niniino dobtouleb biobobe.

Fole Lom teni bainobo galini futano dola omfubesebe. 5:11 ပူးပေါင်းရင်းမြစ်များ

Dowan Weng Olo Luke Dolanebuotabe. 1:46

Maliao baanoa Ne Sume niniino dobtouleb biania

Dowan Weng Olo Yone Dolanebuotabe. 1:12

I inabib otane maki gobaniba Klayam nata tlebo geniba e bainobo gabinibbio kesoa e baabenea Ne titilo ibo omyia ibo ne meme aibobo ge baabenebiobe.

Fole Lom teni bainobo galini futano dola omfubesebe. 11:15

Niminbabe, Gode Yudai fotebenebuo dimo e Yudabai dlonea baabenea Ibo ne nekwalobo genebiobe. E inanebio kesoa e Yudai imin dlameo kukub olo makob e kulilaib biamoi imin dohaanea hananomabib inaminobe.

Fole Lom teni bainobo galini futano dola omfubesebe. 2:17

Nakaia unanga ib isak temo maki baaniba Ni Yuda nakabo, ni Gode hekmel wengo wentebob kesoa Gode ni oye bianea Ibo naka ayam unang ayamobo ge oyebebo gabianiba ilib untak ngambianiba Ni Gode naka unangobo gabiobe.

Fole Lom teni bainobo galini futano dola omfubesebe. 5:1

Inamin kesoa nib Sume Yesus Klaiste nib hengmino walubenebua nibo bainobo gabobo Gode kin dimo nibo hengmino blim kesoa memalo nibo Gode makaababe. E nib hengmino omtlabenea bobol tem ayamo omyebiobe.

Fole Lom teni bainobo galini futano dola omfubesebe. 5:10

Sino nibo hengmino henga bianoba Gode makaa biob otane Klaiste atdimo kaanea Gode atlihamino blimanobio kesoa memalo nibo Gode nekwalobe. E inanebuo nibo kla tekein kebuobe, e dletnea abilim unomabbiobe. Niminbabe, e imin hananea afen bianea nibo daayebe kesoa okok olo dot sumobe. Inamin kesoa sinanomo nibo kining anoba makob Gode ulab anomabbuo waiso biobo, o bain tlamabo kesoa nibo bobol ilumo mo omfubenamabobabe.

Fole Lom teni bainobo galini futano dola omfubesebe. 5:3

Eka weng mak ole enino nib dimo tam tlemo osa seinwebuobe. Nibo tekein kebuobe, enino nib dimo tam tlamo dosbal manoa nibo kukub ayamo sbalma wafunomabbiobe.

Fole Lom teni bainobo galini futano dola omfubesebe. 8:23

Inamin namino Gode klanebuo olobbabe. E meme nibsa enin kino watemebuobe. Hengmino nib dam osa sa gein kebua enin kino watemebob otane sinanomo Gode tileisenea enin olo blimubenoa e nib damo mema omya e meme anoba Klaiste ulab anomabbiobe. E Hobe sin dobyebio kesoa nibo tekein kebuobe, e weng olo baanebuo bain ele baanebio iwat nanamabe kesoa nibo am olo hebmamsab tloko ge fumbianoba waiso biobobe.

Fole Lom teni bainobo galini futano dola omfubesebe. 9:10

Weng mak osa inaminobe. Lebeka osa inanoa amun temo memei asu dlabbanoa binobuo aalebe ni fanine Aisake elekiem etabe.

1 Kolin 10:16

Nibo Yesus Klaiste kaanea nib hengmino walubenebuo o bobolo funanoba nib bobol temo omanoba mina bianoba waen aayo olonoba Gode gangobo genoba baanoba Olo Yesuse ilemobo genoba wembianoba eka imen osak olonoba Gode gangobo genoba haanoba baanoba Olole Yesuse damobo ge baanoba wembinabuobe.

2 Kolin 8:19

Bainobo galin nakaia unangai Masedonia betan ele blibi naka ele baabaniba Kobo Folwali bakaneba ni monio olminabobo oleb moniba bainobo galin nakaia unangai Yudia betano blibi oyine ge baabaibbiobe. Ni daayemin okok olo inaboba nakaia unangai yateniba baaniba Folwali Sume niniino dobtouleb nomo geniba i seimbianiba moni olo oleb moniba bainobo galin nakaia unangai Yudia betan ye blibi okayebiobo gabiobe.

Galesia 4:9

Ne ibo baabenia Ibo Gode tekein kebiobo ge baabei otane ne misiam baabeiobe. Ina otane ne baabenamabio God eta ibo tekein kenea dlakanea ibo nemiobo ge baabenebio weng olota dot ayamobe. Ibo emi otane nimin kenibta deibanibta Nibo monoba Mosese hekmel weng ota wafunomo gabibe? Ibo inaib mole kukub olo makob ibo imin moniba dabalim olo kukub ota wafunomabiobe. Dabalim kukub ota ibo kimano mole olo misiamobe. Kukub olo titil blim kesoa ibo mo daabenamabobabe.

Galesia 5:22

Ina otane nakaia unangai Gode Hobe daayebea Gode wengo wafu blibi kukub ole inaminobe. Gode Hobe i daayebe kesoa i God esa naka mak unang mak isa gobe bianiba seimbianiba bobol ayam bianiba naka mak unang maki kukub misiamo omkayemibo i mo yang kebibbabe. I naka mak unang maki daaye bianiba kukub ayamo omkaye bianiba naka mak unang maki baabeniba Ni inamin namino nanomabbiobo ge baabenimib osa bain ina binabiobe.

Filibai 3:1

Ne nekwal ibo ne weng mako ibo baabenamabibe. Ibo Sume bainobo gabib kesoa e bobolo fumbianiba seinhamine! Sino ne weng olo ibo baabeibio otane ne ibo imin dola omfubenamino tengo mo dubutnebioba kesoa weng olo imin dola omfubenamabibe. Ibo weng olo imin wentaibo ayamobe. O ibo daabenamabobe.

Filibai 3:3

Gode Hobe nibo bekebe bianea daayebe kesoa nibo Gode niniino dobtouleb biobobe. E inanea nibo daayebe kesoa nibo tekein kebuobe. Nibo Gode meletanobe. Nibo baanoba Yesus Klaiste naka ayamobo ge oha bianoba e wengo wafu bianoba Gode meletan anobbio kesoa nibo seimbuobe. Nibo mo funanobta Nibo nib aalo waketoumobo kukub olota nibo daabenota Gode meletan anomabbiobo ge funomobbabe.

Filibai 4:4

Sume ibo amitie bekebe bie kesoa ibo amitie seinine! Ne ibo imin baabenia Seinine ge baabeiobe.

Kolosi 2:6

Ibo sino Yesus Klaiste wengo wenteniba baaniba Bainobo Yesus Klaiste nib Sumobo geibbio kesoa ibte ete naniba ib bobol tem funino makob aniba ibo e kukub ota kla wafueine!

1 Fita 1:8

Sino ibo Yesuse mo atemin blim otane ibo kla goba binibbua eka memalosa ibo mo atemin blim otane ibo sma ye bainobo gaha bianiba kla seinhabiobe. Ib seinino beselib kesoa ib seinino baa omkeimaniba Ni seinino inaminobo genamino blimobe.