Fole Lom teni bainobo galini futano dola omfubesebe. 3:2 - Mian

² Inamin namin homono Yuda ni daayebobe. Gode e wengo mikiktemo Yuda ni faninwali omyenea baabenea Ibo ne weng ele omyi olo kla kima bianiba naka mak unang maki omkayemine ge baabenebio kesoa

Fole Lom teni bainobo galini futano dola omfubesebe. 3:2 ပူးပေါင်းရင်းမြစ်များ

Dowan Weng Olo Yone Dolanebuotabe. 5:39

Ibo Gode buk temo afen smike mitmakame hembinabiobe. I Gode buk temo ne weng sango dolaibbu otane ibo sma ye tobtlim biobe.

Abosel 7:38

Islel nakaia unangai ibuantem ye bliba Mosese bekebe bianea utnea amgolim ut temnea abisake te naniba bianiba Gode bobol tem funino abisake omalea abisake omkeimanea Mosese wenten daakenea nib faninwali baabenebuo nibo wentenoba wafunob mole afen smike dobonoba amit nomabbu otane

Fole Lom teni bainobo galini futano dola omfubesebe. 1:2

Sinanggwano Gode e weng omkeimalin nakai moton wengo baabenea Ne ne miine dowan weng ayamo omyamabibe. Weng olo bain wengobe. Ibo weng olo ometniba moniba nakaia unangai omkayemine genea i weng olo Gode buk temo dolaibbiobe.

Fole Lom teni bainobo galini futano dola omfubesebe. 2:18

Ib aywali Gode hekmel wengo ibo aleye binibbio kesoa ibo Gode kukubo e kla gobobio tekein keniba inamin namin kukubo watemiba motomaniba Kukub ayamo olota kukub ayamo afeto gaisonobiobo gabiobe.

Fole Lom teni bainobo galini futano dola omfubesebe. 3:1

Inamin kesoa naka mak unang maki ne weng olo baaio baatneniba Fatnamin kukub ota Yuda ibo daabenota Gode tekein kebibo ib tekein kemin olo naka mak unang maki i tekein kemino gaiseibe? I aalo waketoubibo kukub olo besa bleka? ge baatnenomabiobe.

Fole Lom teni bainobo galini futano dola omfubesebe. 3:3

ibo fumbibo Yuda naka mak unang maki Gode wengo klao mo wafuniba naka mak unang maki mo aleyemin blim keib mole God esak e moton wengo baanebuo deibonea e nisa mo daabenamabebabo ge fumbiba bleka?

Fole Lom teni bainobo galini futano dola omfubesebe. 9:4

Gode Isleli dlakanebio kesoa i e memebe. Gode e titilo ayal inamin einobuo i alebenebiobe. Gode i moton wengo baabenea Ne ibo daabeia ayam anomabiobo genea lotu kemin kukubo i alebenea eka e hekmel weng osa moton weng osa omyenanea baabenea Ne Dofakamin Nakae dabaia ibsu tlamabebo ge baabenebiobe.

1 Kolin 9:17

Ne okok olo okok kebio nene bobol tem funin ota okok kebi mole ne baania I ne okok olo molo yang keniba monio okanemine genamabi otane ne okok olo nene bobol tem funino mo okok kebibabe. Gode emaye okok olo omnebua ne e wengo wente biania okok kebi kesoa ne mo baanita Ibo monio okanemine genimibabe.

2 Kolin 5:19

Gode funanea Nete nakaia unanga ite nanoba ni bobol temo makob anomo gene kesoa e ni weng omyia ni nakaia unangai oye bianoba Gode nibo gobe bianea Yesus Klaiste dabanea daakenea atdimo kaanea nib hengmino omtlabenebio kesoa e nib hengmino bobolo imino mo funamabebabe. E inanebio kesoa ibte ete naniba ib bobol temo makob aine ge oyebuobe.

Galesia 2:7

Otane i tekein kebiobe, Gode Fitae dofakanea baabanea Kobo moneba Yuda nakaia unangai ne wengo omkayemale ge baabanebua eka memalosa e ne nemfakanea baatnenea Kobo moneba nakaia unangai Yudabai ne wengo omkayemale ge baatnenea Ne monia Yudaba nakaia unangai e wengo omkayebibe.

1 Timoti 6:20

Timoti kobo Gode okok ele omklebu olo kla kima bianeba okok kemale! Besa wengo Gode wengba osa eka naka maki dim omin wengo baaniba Ibo ni wengo wentemib mole ibo kla tekein kenomabiobo gabib weng osa deibonale!

Hiblu 5:12

Ibo Yesuse bainobo gabibo bifol homono blimanobio kesoa ibo naka mak unang maki alebeib mole klayamobe. Ina otane ibo Gode wengo mito mo tekein kebibba kesoa naka maki teniba ibo Gode wengo mito imin alebeine! Meme gwabi sbal imeno mo wembibbabe. I moyo olota wembiobe. Gode wengo mitmakamo tekein kenamino bumolok bu ole makob sbal imeno ulabobe. Ibo imen olo mo wembibbabe.

1 Fita 4:11

Gode inanebio kesoa naka make wengo omkeimanang ge mole ele bobol tem funino mo omkeimanemene! E Gode wengo olota omkeimaneko! Eka nakae naka maki daabenang ge mole e Gode titilo omkahabe ota omoneta daabeneko! Ibo inabiba naka mak unang maki ib okoko nabibo wateniba funaniba I Yesus Klaiste bainobo gabib kesoa Gode titilo i omyen bieta nabiobo geniba Gode niniino dobtouleb nine! E titilo amit namabo kesoa nibo e niniino amitie dobtouleb nomo! Bainobe.

Lebelesen 19:10

ne esu ye tonton golbua daak tounia e niniino dobtouleb nang genamsia e baatnenea Yeye kobo mo inanemebe! Ne okoko makob kebsa keb nekwal isa ibo Yesuse bainobo geniba e niniino omkeimabibo nesa makob ib okoko ulab okok kemin naka netabo, kobo Gode elekiem ele niniin ota dobtouleb nale! Nibo tekein kebob yotabo, nibo Yesuse niniino omkeimabob olo makob sinanggwano Gode wengo omkeima binibbio nakai okoko ulabobo ge baatnenebe.

Lebelesen 22:6

Eka abisake imin baatnenea Weng olo bain wengobo, nakaia unangai alukum weng olo bainobo geine! Sinanggwano God Sume e weng omkeimalin nakai e Hobe dobyenea inamin namino tlamabo alebenebua memalosa e abisake dabanea monea e okok nakai inamin namino hebmamsab tlamabo wengo alebenebo ge baatnesea wentena bia