Fole Lom teni bainobo galini futano dola omfubesebe. 3:11 - Mian

¹¹ Eka nakaia unangai Gode kukubo kla tekein keniba wafu blib isa eka nakaia unangai Gode ni bobol temo bibeneko gabib isa blimobe.

Fole Lom teni bainobo galini futano dola omfubesebe. 3:11 ပူးပေါင်းရင်းမြစ်များ

Matyu 13:19

Wit sano dilbi daaknoa deib daak unobio yole o mitmakamo inaminobe. O makob nakaia unangai sinanomo Gode kimanamabeo wengo wentaib otane i klao mo funa omabbaim blim keiba Gululame tenea omketouye binabe otabe.

Fole Lom teni bainobo galini futano dola omfubesebe. 1:22

I baaniba Ni tekein kemino dot sumobo gabib otane i bobol tem funino blimobe.

Fole Lom teni bainobo galini futano dola omfubesebe. 1:28

I Gode wengo tekein kebib otane ina bianiba funaniba Ni Gode bobolo mo funomobbabo ge funaniba Gode deiba blib kesoa esak i deibenea ili bobol tem funin misiam ota wafu bianiba kukub misiamo nabiobe.

Fole Lom teni bainobo galini futano dola omfubesebe. 3:10

Gode buk temo enangge baanoa Nakae elekieme Gode kin dimo molote blimobe.

Fole Lom teni bainobo galini futano dola omfubesebe. 3:12

Nakaia unangai alukum Gode bobolo funino deibaniba kukub misiam ota nabinibbiobe. Nakaia unangai kukub ayamo namini blimobe.

Fole Lom teni bainobo galini futano dola omfubesebe. 8:7

I bobol tem funin misiamo wafu bianiba i damo kukub misiamo nanomo galib mole i Gode makaabe. I funaniba Ni bobol tem funin misiam ota wafunomo gabib kesoa i Gode hekmel wengo mo wafu blibbabe. I titil blim kesoa i Gode hekmel wengo mo wafu blibbabe.

Taitas 3:3

Sino nibo Yesus Klaiste wengo mo wente bianoba wafu nim blim binobbio dimo nibo bobol tem misiam fumbinobbiobe. Nibo inaboba kukub misiam ota nibo yafubua Gode wengo omdibiha bianoba dim omin weng ota wente bianoba ninib bobol tem funin misiam ota wafu bianoba kukub misiam ota nabinobbiobe. Nibo naka mak unang maki kukub misiam omkayemomo gabianoba i inamin namino bobolo wayebua nibo i mo gobenim blim kenoba eka isak nibo mo gobenim blim kesib binobbiobe.

1 Yon 5:20

Eka nibo weng mak osa tekein kebuobe, Gode miine tenea nibo tekein kemino omye kesoa nibo obianoba Gode motonobo gabuobe. Eka nibo afen smike amit nine mitmakame God esa e miine Yesus Klaist esa i baka biobobe.