Fole Lom teni bainobo galini futano dola omfubesebe. 2:3 - Mian

³ Ibo wentine! Ibo obianiba Naka mak unang maki kukub misiamo nabib kesoa Gode yang kenamabebo gabib otane ibsa kukub misiam olo nabiobe. Ibo funaniba Gode nib kukub misiamo nabobo mo yang kenamabebabo gabiba? Yeye Gode ib kukub misiamo nabib osa yang kenamabebe.

Fole Lom teni bainobo galini futano dola omfubesebe. 2:3 ပူးပေါင်းရင်းမြစ်များ

Matyu 23:33

Ibo kukub misiam namin nakabe. Ibo makob inab misiami nakai yantumuna binabibi ulabobe. Ibo mo funanibta Gode ni kukubo klanang game dimo e ni mo dlaneta aseinin bib unomabbiobabo genimibe! Yeye aseinin bib unomabiobe.

Matyu 26:53

Ne funania Yang kenano gei mole ne Aye nganabaia e abisel homoni hebmamsab dlanea teniba daatnenomabib otane ne mo inanamabibabe.

Dowan Weng Olo Luke Dolanebuotabe. 12:14

Yesuse baabanea Ne ib kukub klamin nakababe. Eka ne ib afobeing kikimin naka nababo ge baabanea

Dowan Weng Olo Luke Dolanebuotabe. 22:58

mitdanea naka mak esak imin tenea atemnea baabanea Kebsa Yesuse okok aleyemin naka kebtabo gesea Fitae baabanea Nekobbabo ge baabanabea

Dowan Weng Olo Luke Dolanebuotabe. 22:60

Fitae baabanea Ne keb weng olo obebo mo tekein kebibabo genabea kakaluke hebmamsab nganasea

Fole Lom teni bainobo galini futano dola omfubesebe. 1:32

I tekein kebiobe, Gode hekmel wengo baanoa Nakaia unangai kukub misiam olo wafunib mole Gode i kukub misiam olo yang kenea i kaanimibo God esuo mo unomabibbabo genobu otane i amitie kukub misiam olo nabib kesoa kukub olo misiamobe. Eka naka mak unang mak isa kukub misiam olo naiba nakaia unanga eli yatemaibo baaniba Ayam naibobo gabiam blib kesoa i kukubo dot misiamobe.

Fole Lom teni bainobo galini futano dola omfubesebe. 2:1

Nakaia unanga ibo obianiba Naka mak unang maki amitie kukub misiamo wafu bliobo, sinanomo Gode i kukub misiam olo yang kebenamabebo ge oyemib mole kukub olo misiamobe. Ibo naka mak unang maki inangge oyemib mole ilib da ye unemomabiobe. Niminbabe, ibsa kukub misiam olo wafu binabiobe.

Fole Lom teni bainobo galini futano dola omfubesebe. 2:2

Nibo tekein kebuobe, Gode nakaia unangai kukub misiamo wafu blibi i kukub misiam olo yang kenamabebe. E inanamabeo e kukub olo ayamobe.

Fole Lom teni bainobo galini futano dola omfubesebe. 9:20

Wentine! Dabalim naka ibo nimin kenibta Gode sbal weng baabanomabibe? Ibo kukub olo deibueine! Nakae dabal sosbeno klanebuo mo baabanota Kobo fatnanebta ne enanebta klanebbione? ge baabanamabobabe.

1 Tesalonaika 5:3

Sume tlang gameo nakaia unangai bainobo gabibbai obianiba Memalo am ayam dim kesoa ni ayam biobobo gan monibta inamin namin misiamo hebmamsab i dimo makob unango amunsa bu otane o mene dofanamabo amo o mo tekein keim blim biam binoa dofanang gamo dimo hebmamsab enin kino watenoa dofanabo inaniba i enin sumo hebmamsab i dimo tam tloa enin kino watemomabiobe.

Hiblu 12:25

Nibo klamomo! Gode wengo nibo omkayebeo mo omdibihamobe! Sinanggwano Mosese dabalim olo binebuo Gode wengo nakaia unangai omkayebe otane maki e weng olo omdibihamib kesoa Gode i watwat dabenebuo i mo skila unibta deibeim blimobe. I alukum watwat daabenebiobe. E inanebua memalo abilim ut bianea wengo omkayebe kesoa nibo e wengo omdibihamobo e nib kukub misiamo yang kenang gameo nibo gilan unoba deibenamabea bleka? Yeye nibo gilan onamino blimobe. E alukum enin sumo omyenea watwat dabenamabebe.

Hiblu 2:3

Gode nakaia unanga eli inabenebio kesoa e weng ayamo nibo hengmin temo bioba Yesuse dotlanebio weng olo deibonoba mo bainobo geim blim kenob mole nibo amit nomabbua bleka? Yeye Gode nib kukub misiamo yang kenea enin sumo omyenea watwat dabenamabebe. Bainobe. Sino nib Sume Klaiste nakaia unangai Gode nibo hengmino temo biobo dotlanamabeo weng olo omye biota eka naka mak unang maki weng olo wentibbue isak nibo baabeniba weng olo bainobo ge baabeibbiobe.