Fole Lom teni bainobo galini futano dola omfubesebe. 2:29 - Mian29 Yuda naka ibo obianiba Ni moton Yuda nakabo, ni Gode meletanobo gabib otane ibo moton Yudababe. Nakai Gode Hobe i bobol temo bibe bianea i bobol tem funin misiamo omketouye bianea bobol tem funin ayam omkayebe ita moton Yuda nakabe. I Gode memebe. Eka nakai besa aalo waketoumin kukubo hekmel wengo dolaibbuo ota wafu bianiba bobol tem funin misiamo mo deibueim blim keib mole i moton Yuda nakaba kesoa i Gode memebabe. Gode meme ile e niniino dobtouleb bliobe. Ibo ibmalo Gode niniino mo dobtouleb blibbabe. Gode Hob eta ibo daayebeta ibo e niniino dobtouleb bliobe. အခန်းကိုကြည့်ပါ။ |
Fole Lom teni bainobo galini futano dola omfubesebe. 2:29
27 ပူးပေါင်းရင်းမြစ်များ
Niminbabe, Gode nibo kima bio nib imen unalin kukub osa aa unalin kukub osa e mo funaneta misiamobo ayamobo gabebabe. Gode kimanin kukub ole enaminobe. E Hobe dabanea daakenea nibo daayebe kesoa nibo inamin namin kukub ayamo wafu biobobe. E nibo bobol tem ayam osa eka seinin bobol tem osa omkayebebe.
Ina otane memalo nibo Yesuse tena kaanobbio kesoa hekmel wengo nibo mo kima biobabe. Sino nibo funanoba Nibo Gode okoko okok kemomo genob kesoa nibo e hekmel wengo wafunin kukubo naatemobbu otane motono mo naim blimobe. Ina otane memalo Gode Hobe nibo dobyebio kesoa nibo e okok nakabe. Nibo mema kukub ota wafu bianoba e okoko okok kebuobe.
Nib Sume mo tlim blim bie dim olo ibo nakaia unangai okoko nabibo mo watemnibta oye bianibta I okoko misiamobe, ayamobe galaibe! Ibo Sume tlamabe ota waisanine! E tenea inamin namin okok olo i ayok fumbianiba nabibo omkeimanea nakaia unangai alukum watemomabiobe. Am olo dimo Sume emaye nakaia unanga nib okoko nabinob biamo watenea nib okoko ayam biamo baabenea Ib okok olo nabinibbuo ayamobo ge baabenamabebe.
Niminbabe, nakaia unangai maki i okoko nabibo bobolo fumbianiba baaniba Ne naka ayamobo, ne unang ayamobo gabib mole i Gode kin dimo niniin blimobe. Ina otane Sume emaye baanea Kobo naka ayamobo, obo unang ayamobo gabe mole e kin dimo i bain naka ayam unang ayamobe. Inamin kesoa Yesuse okok dlasanin naka ni nini niniino mo omfufubobbabe.
Sinanggwano Gode e hekmel wengo emaye tom dimo dolanea oleb tenea Mosese olalebiobe. E inanebuo nakaia unangai bumoloku benoa hekmel weng olo alukumo mo wafueim blim kenibta o mitmakam ota i kulila binibbiobe. I inabiba bifol homono blimanota Klaiste mema wengo omeb tlebua nakaia unangai mema weng olo wafu blibi Gode Hobe i bobol temo bianea daayebe kesoa i mo kaanibta alang namanimibbabe. I amit nomabiobe. Gode emaye e titilo ni omkayebeta ni mema weng olo nakaia unangai omkayebuobe.
Gode Hobe nibo bekebe bianea daayebe kesoa nibo Gode niniino dobtouleb biobobe. E inanea nibo daayebe kesoa nibo tekein kebuobe. Nibo Gode meletanobe. Nibo baanoba Yesus Klaiste naka ayamobo ge oha bianoba e wengo wafu bianoba Gode meletan anobbio kesoa nibo seimbuobe. Nibo mo funanobta Nibo nib aalo waketoumobo kukub olota nibo daabenota Gode meletan anomabbiobo ge funomobbabe.
Gode funanea Naka eli bobol tem funino ayamobo, i ne wengo naka mak unang maki kla omkayemine gene kesoa e ni dlakanea e dowan wengo ayamo omyebua weng olo ni omkaye binabuobe. Ni weng olo omkayebobo ni mo funanobta Nakaia unangai funaniba I ayamobo geine ge funanomobbabe. Ni funanoba Gode funanea I ayamobo geneko ge fumboba Gode emaye ni bobol tem funino tekein kebebe.
Ib bobol tem funino fiab bianibte! Ibo alo tliaubenamin kukubo mo wafunimibe! Ibo fiab bianiba weng fiab obiam nimibo ib kukub olo ayamobe. Gode baanea Ib kukubo ayam olo namomabibo makob ib bobol temo eit ayamo kiwemomabiobo genebiobe. Ib kukub olo namomabibo makob eit ayamo ulab kesoa o mo misiam anomobabe.
ကြော်ငြာတွေ