Fole Lom teni bainobo galini futano dola omfubesebe. 2:25 - Mian

²⁵ Ibo Gode hekmel wengo wente bianiba wafu bliba i Yudai kukubo nabinabib inaniba ib aalo wetlabeib mole kukub olo ayamobe. O ibo kla daabenamabobe. Ina otane ibo Gode hekmel wengo deibonib mole aalo waketoumin kukub olo ibo mo daabenamabobabe.

Fole Lom teni bainobo galini futano dola omfubesebe. 2:25 ပူးပေါင်းရင်းမြစ်များ

Abosel 7:51

Ibo weng omdibimin nakabe. Ib bobol tem funino makob mililambio tem tab blibi bobol tem funino ulabobe. Ibo klango datana bianiba Gode Hobe amitie dobdibi bianiba makob ib faninwali naniba dobdibi binibbio inabiobe.

Fole Lom teni bainobo galini futano dola omfubesebe. 2:13

Nakaia unangai Gode hekmel wengo wentebib otane klao mo wafu blibba ile Gode mo baabeneta I naka molot unang molotobo genemebabe. Otane nakaia unangai Gode hekmel wengo wenteniba wafu blib ita Gode oye bianea I naka molot unang molotobo ge oyebebe.

Fole Lom teni bainobo galini futano dola omfubesebe. 2:23

Ibo ilib untak ngambianiba baaniba Ni Gode hekmel wengo kla tekein kebuobo gabib otane ibo Gode hekmel wengo omdibihabib kesoa nakaia unangai yateniba funaniba Gode besabo gabiobe.

Fole Lom teni bainobo galini futano dola omfubesebe. 2:26

Kukub mak osa inaminobe. Nakai i aalo mo waketoumin blim otane i Gode hekmel wengo wafunib mole Gode funanea Naka eli makob nakai aalo waketoubibi ulab kesoa i ne meletan motonobo genamabebe.

Fole Lom teni bainobo galini futano dola omfubesebe. 2:27

Nakai aalo mo wetlaim blim otane i Gode hekmel wengo wafu blibi Yuda naka ibo baabeniba Ib kukubo misiamobo gabiobe. Niminbabe, ibo aalo waketou bianiba eka Gode hekmel wengo wente biam blib otane ibo Gode hekmel weng olo klao mo wafu blibba kesoa i ibo baabeniba I kukubo misiamobo gabiobe.

Fole Lom teni bainobo galini futano dola omfubesebe. 2:28

Naka mene Yuda kamwali dofanimibo e moton Yuda naka bleka? Yeye e moton Yuda nakababe. Eka naka make e aalo watlane mole e Gode miina bleka? Yeye e Gode miinbabe.

1 Kolin 7:19

Aalo waketoumin osa eka aalo mo wetlaim blim osa kukub olo Gode kin dimo besabe. Otane Gode wengo kla wente bianiba e wengo kla wafu nin kukub ota mitmakamsabe.

Galesia 6:13

Nakai aalo waketoubibi Mosese hekmel wengo alukumo mo wafu blibba otane i funaniba Galesia teni ni wengo wenteniba i aalo wetlaib mole ni Yuda naka mak unang maki baabenoba Galesia teni ni wengo wenteniba i aalo wetlaibobo ge baabenoba i ni wengo wenteniba ni niniino omfabeniba funaniba Ib kukub olo ayamobo geine ge funanibta i aalo weketoubiobe.

Galesia 6:15

Ibo aalo wetlanimib deibonimib osa kukub olo besabe. Kukub olo nakaia unangai mo daabenomobabe. Gode nibo daabenea bobol tem funin ayamo omyenea kukub ayamo wafu bianoba mema naka unang anobbio kukub olota kukub afeto gaisonobiobe.