Fole Lom teni bainobo galini futano dola omfubesebe. 2:21 - Mian

²¹ Ibo kla funaine! Ibo ina bianiba naka mak unang mak eli aleyebib otane ibmalo kukub ayam olo mo wafu blibbabe. Eka ibo i baabeniba Ibo ayoko mo henimibe gabib otane ibmaye ayok hembinabiobe.

Fole Lom teni bainobo galini futano dola omfubesebe. 2:21 ပူးပေါင်းရင်းမြစ်များ

Matyu 21:13

baabenea Gode e buk temo baanea Ne am sum ole ne beten kenemin amobo ge baanebu otane ibo am olo misiam omkabiba o makob ayok henin nakai amo ulab anobo ge baabenea

Dowan Weng Olo Luke Dolanebuotabe. 11:46

Yesuse baabenea Kukub misiamo hekmel weng tekein kemin naka ib dim osa tam tlamabo kesoa ibo klaine! Nakaia unangai Gode kukubo wafu nomo gabibi ibo hekmel weng afeto homono dolaniba doyiba i hekmel weng olo wafu nomo geniba naatemib otane bumolokobe. Ibo mo daaye bibbabe.

Dowan Weng Olo Luke Dolanebuotabe. 12:47

Eka okok nakae e kimanin nakae bobol tem funino tekein kebe otane e inamin namino klaneta kimanin nakae okoko nanale gabeo mo naim blim kene mole kimanin nakae kla ande dofanamabebe.

Dowan Weng Olo Luke Dolanebuotabe. 19:22

komok sume baabanea Kobo okok naka misiamobo, kleb weng ota kot kebkenobe. Bainobe neko ye naka dleb biania naka maki inamin namino dlaib biamo doise wembiania eka naka maki imen dango dolmaib biamo weleise wembiam binabibe.

Dowan Weng Olo Luke Dolanebuotabe. 4:23

e baabenea Ibo saa weng olo baatneniba Kingkan kobo kebmaye kleb skil sitaneba ayam aneb mole ni katemnoba Kobo bainobo genomo! Kobo Kabaneam bibo bianeba okok sumo klabeba wateme binibbuo ni weng sango wentenobbuo kobo keb damanebbio bib olosa inaneba klaneb mole ni katemnoba Kobo bainobo genomabbiobo ge baatnenom genabiobo ge baabenea

1 Kolin 9:27

Ne funania Gode ne baatnenea Kobo ne wengo nakaia unangai omkayebeba wente bianiba bainobo gabib otane kebmalole ne mo nanemebe gabio nabianeba ne wengo omdibinebeb kesoa ne inamin namin ayamo mo doklamibabo ge baatnenemebo ge fumbi kesoa ne Gode okoko okok kebio ne inamin namin kukub misiamo bobolo wanemino deibonia Gode ele bobol tem funin ota wafu bianita okok kebibe.

Galesia 6:13

Nakai aalo waketoubibi Mosese hekmel wengo alukumo mo wafu blibba otane i funaniba Galesia teni ni wengo wenteniba i aalo wetlaib mole ni Yuda naka mak unang maki baabenoba Galesia teni ni wengo wenteniba i aalo wetlaibobo ge baabenoba i ni wengo wenteniba ni niniino omfabeniba funaniba Ib kukub olo ayamobo geine ge funanibta i aalo weketoubiobe.