Fole Lom teni bainobo galini futano dola omfubesebe. 16:7 - Mian

⁷ eka ne meletani Andlonikase Yuniase i dab osa i baabeniba Fole Klayam blibte ge baabenebo ge baabeine! Andlonikase Yuniase i dabo Yesuse okoko okok kebib kesoa ni dabwalo klabuto makob ge dleb mo daiba klabutam binobbiobe. Yesuse okok dlasanin nakai i dabo baabeniba I Yesuse okok naka ayamobo ge oyebiobe. I sin Yesus Klaiste bainobo geibbiota nele mit bainobo geibiobe.

Fole Lom teni bainobo galini futano dola omfubesebe. 16:7 ပူးပေါင်းရင်းမြစ်များ

Dowan Weng Olo Yone Dolanebuotabe. 14:20

Ne kaania imin hananimi dim ota ibo natem tekein kenibta E Aye i dumo makob bliba nibsa etem nabiobobo genomabiobe.

Dowan Weng Olo Yone Dolanebuotabe. 15:2

Ne tungo yamo mo balinim blim besa dim touno mole Aye weiso tebe tlanamabebe. Eka tungo atosino yamo balibo ole e kuko haketouwebea daabo imin balbi damam bianoa yamo homon balimabobe.

Dowan Weng Olo Yone Dolanebuotabe. 6:56

Nakaia unangai wanita ne diima ne ilemao unalib mole ile ne beketne bliba eka nele i bobol tem wato na blibe.

Fole Lom teni bainobo galini futano dola omfubesebe. 16:10

Afelise Klaiste bainobo galino sbal mabie naka esa eka nakaia unangai Alistobyulase amo blib isa

Fole Lom teni bainobo galini futano dola omfubesebe. 16:11

eka ne meletane make Helotian esa eka nakaia unangai Yesuse bainobo gabibi Nasisase amo blib isa

Fole Lom teni bainobo galini futano dola omfubesebe. 16:21

Timotie ni dabo Klaiste okoko okok kebob naka esa ibo Ayam blibte ge baabenebe. Eka ne meletani Yudai maki Lusias esa Yeson esa eka Sosifata esa i Ayam blibte ge baabeibobe.

Fole Lom teni bainobo galini futano dola omfubesebe. 16:3

Ibo Flisila osa eka o imake Akwila esa baabeniba Fole baanea Ibo ayam blibte ge baabenebo ge baabeine! Ite nete nanoba Yesus Klaiste okoko okok kebinabuobe.

Fole Lom teni bainobo galini futano dola omfubesebe. 16:6

eka Maliao sbal mabianoa ibo daaye binabo unang osa

Fole Lom teni bainobo galini futano dola omfubesebe. 16:8

Eka Amflietase ni dabo Sume bainobo gabob kesoa ne e kla goba bli esa

Fole Lom teni bainobo galini futano dola omfubesebe. 16:9

eka Ebane etem nitem nanoba Yesus Klaiste okoko okok kebob esa eka ne neke kla goba blie Stekis esa i baabeniba Fole Klayam blibte ge baabenebo ge baabeine!

Fole Lom teni bainobo galini futano dola omfubesebe. 8:1

Inamin kesoa memalo nakaia unanga nibo Yesus Klaiste bainobo genoba e tenanoba bobol tem funino makob am biob nibo Gode mo baabeneta Ib kukubo misiam kesoa ne o molo yang kenamabibo ge baabenamabebabe.

Fole Lom teni bainobo galini futano dola omfubesebe. 8:11

Eka Gode Yesuse imin dofaanebue e Hobe ib bobol temo bibe biebe. E Yesuse imin dofaanebio kesoa ibo tekein kebiobe, ib damo kaanomabib otane Gode, e Hobe ib bobol temo bibe bie baabanea Kobo i daabenale genea e ibo daabenea ib damo imin dohaanea hananiba afenomabiobe.

Fole Lom teni bainobo galini futano dola omfubesebe. 9:3

Isleli Yesuse mo bainobo gabibba otane ne funania I bainobo geine ge fumbi kesoa Yesuse ne baatnenea Kobo i alango dokoneba ne i kukub misiamo nabibo yang kenia kobo kemaia aseinin bibo uneba i aseinin bibo onamino deine ge baatnene mole ne bobol ayam funamabi otane e mo inangge baatneim blimobe.

1 Kolin 1:30

Gode ibo daabenea Ibo Yesus Klaiste bainobo geniba ete ibte nabliobe. Klaiste e bobol tem funino nibo omkayebea nibo Gode e okok osa e kukub osa kla tekein kebob kesoa Gode nibo yatenea baabenea Ibo naka molot unang molot kesoa ne naka unangobo ge oyebebe. Sino nibo hengminsa biob otane Klaiste kaanea nib hengmino walubenebua memalo nibo kukub ayamo wafu biobobe.

2 Kolin 11:23

I baaniba Ni Klaiste okoko okok kebuobo gabib otane i okoko klao mo okok kebibbabe. Neta Klaiste okoko klayam okok kebibe. (Ne inangge baai olo makob weng misiam omin nakai weng baaiobe. Weng olo misiamobe.) Ne okoko dot bumolok bli otane i mo inabibbabe. Ne Klaiste okoko kla okok kebi kesoa am homono dimo naka maki ne klabuto ge nemetniba moniba klabutam tam daibbua blia am homono dimo naka maki teniba nebiba binia kaain keke binabibe. Kukub misiam olo ne dimo amitie tam tlene binabo otane naka eli dimo mo tam tleye binabobabe. Niminbabe, neta Klaiste okoko klayam okok kebinabibe.

2 Kolin 12:2

Sino Gode Hobe Klaiste bainobo galin naka ne nemeb utnea abilimo Gode bie ut danea Gode inamin namino aletnenea watem tlibuo bifolo 14 o blimanobiobe. Gode ne dam yeb baka nemeb unebio bleka besa afen smik eta debeitne unebu ese makobe. Ne mo tekein kebibabe. God eta tekein kebebe. E inanea ne nemeb utnea Gode bibo abilim ut danebiobe.

2 Kolin 5:17

Nakae waneta e bobol temo Yesus Klaist ete naniba i bobol temo makob aibbio mole naka ele sin kukubo deibonea mema kukub ota wafu biebe. E makob mema naka ambiebe.

2 Kolin 5:21

Yesus Klaiste hengmin blim otane e nib alango dokonea nib hengmino alukum omeisenea Gode kin dimo e hengmin gam ane kesoa Gode nib hengmino molo yang kenea eta enin sumo omalea enin kino watenea atdimo kaanebio kesoa nibo Gode kin dimo naka molot unang molot anobbiobe.

Galesia 1:22

Ne ina binibuo dimo Klaiste bainobo galin nakaia unangai Yudia betano blibi ne mo natem tekein keim blimobe.

Galesia 2:2

Gode baatnenea Kobo Yelusalem bib one ge baatnene kesota ne Yelusalem bib unibiobe. Ne Klaiste weng ayamo nakaia unangai Yudabai omkayebi dimo ne inamin namin wengo omkayebio wengo bainobo galin nakaia unangai Yelusalem bib ye blibi kima blib naka isa weng olo baabeia wentibbiobe. Ne weng olo nakaia unangai alukumo mo baabeim blimobe. Gode wengo kimanin nakai ilita baabeia wentibbiobe. Ne funania I baaniba Fole wengo nakaia unangai omkayebeo ayamobo ge baaine ge funanita weng olo baabeibiobe. Ne funania Gode wengo kimanin naka eli funaniba Fole wengo nakaia unangai omkayebeo misiamobo geib mole ne okoko sin osa mitmakam blim kesoa sinanoa nami osa mitmakam blim besabe genano ge funaibiobe.

Galesia 2:6

Bainobo galin naka mak unang maki baaniba Gode wengo kimanin nakai niniin sumobo geib otane ne funania I niniin blimobe. Gode funanea Ne kin dimo i makobobo ge fumbebo ge funaibiobe. Ne wengo alukum molot kesoa Gode wengo kimanin naka eli weng afeto mo omnenibta baatnenibta Kobo weng olosa nakaia unangai omkayemale ge baatneim blimobe.

Galesia 5:6

Nib bobol tem funino makob Klaiste bobol tem funino ulab anomobo nibo aalo wetlanomob osa eka mo wetlaim blim kenomob osa besabe. Gode kukub olo watemameo mo funaneta I ne kin dimo naka molot unang molotobo ge funanemebabe. Ina otane nibo Yesus Klaiste bainobo genoba esa naka mak unang mak isa gobe bianoba daayemob mole Gode nibo baabenea Ibo ne kin dimo naka molot unang molotobo genamabebe.

Galesia 6:15

Ibo aalo wetlanimib deibonimib osa kukub olo besabe. Kukub olo nakaia unangai mo daabenomobabe. Gode nibo daabenea bobol tem funin ayamo omyenea kukub ayamo wafu bianoba mema naka unang anobbio kukub olota kukub afeto gaisonobiobe.

Efesas 2:10

Sinanggwano Gode nib bobolo funanea baanea Sinanomo nakaia unanga eli Yesus Klaiste bainobo geniba i Klaist ete naniba kukub ayamo ne baabenia Ibo kukub olo naine genimio namomabiobo ge funanea dlakanebiobe.

Kolosi 4:10

Alistakase ne bakanea klabutam bie esa eka Banabase ninge Mak esa i dabo ibo Klayam blibte ge baabeibobe. Sino ne ibo futano dola omfubenia baabenia Make tenea ibsu tlameo ibo e kukub ayam omaline ge baabeibio kesoa e tlameo inabaine!

Failimon 1:23

Ebaflas esa Yesus Klaiste dowan wengo omkayebe o dafa ota klabuto gebaib biota e tena bianobta e Kobo klayam biebte ge baabkenebe.

1 Yon 4:13

Gode Hobe nibo dobyebio kesoa nibo tekein kebuobe, God etem nibtem nanoba bobol tem makob biobobe.

1 Yon 5:20

Eka nibo weng mak osa tekein kebuobe, Gode miine tenea nibo tekein kemino omye kesoa nibo obianoba Gode motonobo gabuobe. Eka nibo afen smike amit nine mitmakame God esa e miine Yesus Klaist esa i baka biobobe.

Lebelesen 1:9

Ne Yon ib nek netabe. Nib dabwalo Yesus emibe. Nibo Gode kimanino tem wat biob kesoa nibo Yesus emibe. O dafa ota nakai Gode wasi dofa blibi nibo bobol tem abil osa enin osa omkayebiobe. I inayebib otane nibo alukum sbal mabuobe. Ne Gode wengo omkeima biania eka Yesuse dowan wengo omkeima biam bli o dafa ota klabuto ge nemeb teniba aa ubile niniino Fatmos ele daib biotabe.