Fole Lom teni bainobo galini futano dola omfubesebe. 16:5 - Mian

⁵ Eka ibo bainobo galin nakaia unangai i kam i amo miniba lotu kebinabib isa baabeniba Fole ibo Klayam blibte ge baabenebo ge baabeine! Eka ne neke Esia nakae Efinitase ne kla goba blie e Yesuse sin bainobo genea eka Esia ten nakaia unangai mak isa mit bainobo genaibbio naka esa

Fole Lom teni bainobo galini futano dola omfubesebe. 16:5 ပူးပေါင်းရင်းမြစ်များ

Matyu 18:20

Nakai bain asua asumatnaea mak keniba miniba ne bobolo funom gaibo ne i baka biamabibo ge baabesebe.

Abosel 16:6

Gode Hobe Fol esa e meletan isa baabenea Ibo mo moniba Esia betano mo unaniba betan yo seli ne wengo mo omyaibe gene kesoa i deiboniba moniba Flisia betan osa Galesia betan osa o tle tle ye unaniba

Abosel 18:12

Galioe Glik teni komok anea Yudai miniba baaniba Nibo Fole kot kebanomo ge baaniba afu debeb moniba Galio esu unaniba

Abosel 18:27

dalanea Glik betan unang genamsea Efesas bib seli bainobo galin nakaia unangai Klayam one ge baabaniba futano dolaniba baaniba Bainobo galin nakaia unangai Akaia betano blib ibo Abolose natlameo daabaine ge baaniba dola omfubeiba e ometnea monea Glik betan ye bianea nakaia unangai Gode daabe bia e bainobo gabibi daaye binebiobe.

Abosel 2:9

Nibo bib mak bib mako bianoba maki Fatia betan da te maki Midia betan da te maki Ilam betan da te maki Mesobotemia betan da te maki Yudia betan da te maki Kabadosia betan da te maki Fontas betan da te maki Esia betan da te

Fole Lom teni bainobo galini futano dola omfubesebe. 11:16

Eka nakai Yuda ni kukubo omeiseniba blete mikiktemo halo omfanimibo Gode omalib mole blete ye alukum God emiobe. Eka nakai ase kimkime haloniba Gode tabalib mole e tung osa alukum God emiobe. Inamin kesoa Yudai fanine Eblahame God emi kesoa e meletan isa alukum God emiobe.

Fole Lom teni bainobo galini futano dola omfubesebe. 15:26

Niminbabe, bainobo galin nakaia unangai Masedonia betan ye blib isa eka Akaia betan ye blib isa funaniba Ni nekwali bainobo galin naka mak unang maki Yelusalem bib ye blibi inamin namino blim kesoa ni inamin namin olo i daabenomo geniba i sinwalo monio olminib kesoa ne oletnia Yelusalem bib unamabibe.

Fole Lom teni bainobo galini futano dola omfubesebe. 16:12

eka Tlaifinao Tlaifosao i dab osa baabeniba Fole Klayam blibte ge baabenebo ge baabeine! Unang asu eli Sume okoko sbalma okok bliobe. Eka ne neko kla gobo blio Fesiso Sume okoko sbalma okok bio osa

Fole Lom teni bainobo galini futano dola omfubesebe. 16:4

Wasi nakai ne nenanom gabibo i kamo mo funanibta Ni Fole daabanob mole i nisa yenanomabiobo geim blimobe. I ne daatneib kesoa i ne mo nenaibta kaaim blimobe. I ne inatneibbio kesoa ne i kamo Gangobo gabinabio nenekiembabe, Yudaba nakaia unangai bib mak bib mako mina bianiba lotu kebinabib isa i kamo Gangobo ge oye binabiobe.

Fole Lom teni bainobo galini futano dola omfubesebe. 16:6

eka Maliao sbal mabianoa ibo daaye binabo unang osa

Fole Lom teni bainobo galini futano dola omfubesebe. 16:8

Eka Amflietase ni dabo Sume bainobo gabob kesoa ne e kla goba bli esa

1 Kolin 16:15

Ne nekwal ibo ne Stefanas esa e alel melel isa i weng sango baabenamabio ibo kla wentine! I Yesuse sin bainobo ge blibta omito Glik seli mak isa i Yesus Klaiste wengo wenteniba bainobo geibbiobe. Stefanas esa e alel melel isa i sin Yesuse bainobo geniba e okoko sbalma okok kebianiba i bainobo galin nakaia unangai maki daayebiobe.

1 Kolin 16:19

Bainobo galin nakaia unangai Esia betano bib mak bib mak ye blibi Ibo klayam blibte ge baabeibobe. Eka Akwila esa eka e alelo Flisila osa eka bainobo galin nakaia unangai teniba i kamwali am ele mina bianiba lotu kebib isa ibo baabeniba Klayam blibte ge baabeibobe. I ib sinwalo Sume meletan kesoa i ibo gobe bliobe.

2 Kolin 1:1

Fol neta futan olo dolanita Gode meletani Yesuse bainobo galin nakaia unanga ibo Kolin bibo blib ibsa eka Yesuse bainobo galini Glik betano blib ibsa omfubenamabibe. Nib neke Timotie ne beketne bianea daanebebe. Gode ele bobol tem funin ye ne Yesus Klaiste okok nemasanin naka nemakanebiobe.

2 Kolin 9:2

Ne tekein kebibe, ibo funaniba Ni i kla daabenomo geibbio kesoa ne nakaia unangai Masedonia betan ele blibi kin dimo ne ib niniino dotouleb biania baabenia Bifole blimambe dime Kolin bib seli Glik betan ye blibi inamin namin mako klaniba Bainobo galin nakaia unangai inamin namin blimi daabenomo gabinibbiobo ge baabesia wenteniba naka homon unang homoni funaniba Inamib yole nisa daabenomo gabiobe.

Kolosi 4:15

Ibo Leodisia bib seli bainobo galin nakaia unanga isa eka Nimfa osa eka bainobo galin nakaia unangai teniba o amo mina bianiba Gode niniino dobtouleb blib isa baabeniba Fole baanea Ibo klayam blibte genebo ge baabeine!

Failimon 1:2

Ni dabo keb miine Akibas esa keb alelo Abia osa Yesus Klaiste bainobo galin nakaia unangai keb am tam minabib isa Klayam nabiobo ge baabenobobe. Abiao ni unang dikinobe. Eka Akibase okoko ni okoko ulab okok kebianea Yesus Klaiste dowan wengo nakaia unangai sbalma omkaye binabebe.

Yems 1:18

Gode emaye ele bobol tem funanea Ne weng ayamo i bobol temo omabbebeia i bainobo geine ge funanea inanea nibo e melel ananobbuo makob imen sano dolmanobbua mikiktemo elekiem elekiem damanoa omito alukum damanabo inaminobe. Nibo sin e bainobo genobta mitdata naka mak unang mak isak bainobo genomabiobe.

3 Yon 1:1

Ae ne nek Gaias kobo ne bainobo galin nakaia unangai kimanin naka neta keb futan olo dola omfubkenamabibe. Ne kobo kla gobke blibe.

Lebelesen 14:4

Naka eli alelwali mo dlim blim eka i unangi taman osa mo dlebnim blimobe. I naka ayamobe. I eil sibsib mene wengo kla wentebiba e monea betan ato da unang gameo i bekeba haablib itabe. Naka eli sino dabalim nakaia unangai isak tem ele blibta Gode i hengmino walubenea dleb utnea abilim ut danebua i Gode okok osa eka eil sibsib mene okok osa klabib kesoa i makob Gode meme hekwalobe.