Fole Lom teni bainobo galini futano dola omfubesebe. 16:2 - Mian

² Ne ibo baabenamabibe, Fibio ib sinwalo ibo Sume bainobo gabib kesoa o monoa ibsuo natlamo ibo baaboniba Obo ye tlebo ge baaboniba omeb taniba ib am tam daine! Inanimibo kukub olo bainobo galin nakaia unanga nib kukubobe. Eka o inamin namino blim biamo ibmio douline! Niminbabe, o bainobo galin nakaia unangai homoni daaye bianoa nesa daane binabobe.

Fole Lom teni bainobo galini futano dola omfubesebe. 16:2 ပူးပေါင်းရင်းမြစ်များ

Matyu 25:40

Komok Sum ne baabenia Bain ye ibo ne ningwala nengwalai niniin blimi daaye binibbuo makob neta daane binibbiobo ge baabenamabibe.

Abosel 9:13

Ananaiase baabanea Sum kobo naka homon unang homoni baaniba Sole Yesuse bainobo galin nakaia unangai Yelusalem bibo blibi enin kino omkayebea

Abosel 9:15

Sume imin baabanea Kobo one! Ne naka ele ne okok naka dofakaia e ne okoko okok kebianea ne wengo omeb monea nakaia unangai Yudaba isa eka bib mak bib mak seli komokwal isa eka Islel ten isa omkaye bianamabebe. Ne Sole baabania Kobo ne niniino omkeimamebo dafao naka maki teniba enin kino omklomabiobo ge baabanamabibo gesea

Abosel 9:36

Yesuse bainobo galin unango niniino Tabitao Yoba bib ye biota Glik teni o niniino Dokas ge nganwebiba o okoko amitie klayam okok kebianoa nakaia unangai imena moniao blimi misim okaye binabobua

Abosel 9:39

baka monea Dokaso niniino mako Tabitao am tam unanea utnea biin asal uto tem ut temea sosoni alukum teniba Fita esu ele miniba mebianiba Dokaso youmo bikibenobuo Fitae alebasiba

Abosel 9:41

o kino bomanoa Fitae atemnoa hana ute tounsoa e kweilone tobwensea alefunoa omfaanea hana ute masoa deibonea unang soson isa bainobo galin nakaia unangai mak isa nganabenea imin tam temiba o mo alebenea ele omfaiobo ge baabenea

Fole Lom teni bainobo galini futano dola omfubesebe. 15:7

Bainobo galino sbalma blib ibsa eka bainobo galino mo sbal maim blim ibsa ib sinwalo alukum nekwal kesoa ib bobol temo makob omfaniba makob sino Klaiste ibo baabenea Ibo ne meletan kesoa nibo makob anomo genebio inaniba makob aine! Ibo inanimibo nakaia unangai dabalim olo blibi Gode niniino dobtouleb nomabiobe.

Fole Lom teni bainobo galini futano dola omfubesebe. 16:15

eka Filologas esa eka Yulia osa eka Neliase e unango i mikim osa eka Olimfas esa eka Gode bainobo galin nakaia unangai i baka blib isa alukum baabeniba Fole ibo Klayam blibte ge baabenebo ge baabeine!

Fole Lom teni bainobo galini futano dola omfubesebe. 16:23

Eka Gaias esa Ayam blibte ge baabenebe. Fol ne e am ele blibe. Yesuse bainobo galin nakaia unangai teniba e am ele mina bianiba lotu kebinabiobe. Eka Elastase bibam olo monio kima binabe naka esa eka nib neke Kwotas esa Ayam blibte ge baabeibobe.

Fole Lom teni bainobo galini futano dola omfubesebe. 16:6

eka Maliao sbal mabianoa ibo daaye binabo unang osa

Fole Lom teni bainobo galini futano dola omfubesebe. 16:9

eka Ebane etem nitem nanoba Yesus Klaiste okoko okok kebob esa eka ne neke kla goba blie Stekis esa i baabeniba Fole Klayam blibte ge baabenebo ge baabeine!

Efesas 5:3

Ibo tamano hengamin kukub osa eka bobol temo misiam omkalin kukub osa eka bobol wayemin kukub osa mo namibe! Ibo Gode meme kesoa ibo kukub olo alukum deibueine!

Filibai 1:27

Inamin namino ne dimo tam tlebo olo ibo o bobolo mo funimibe! Ibole Yesus Klaiste dowan wengo ne aleyebi ota kla wafueine! Kukub olo kukub afeto gaisonobiobe. Inanomabib kesoa ne ibsuo imin natlamio ayamobe. Eka ne ibsuo mo natlim blim kenimio naka maka ye te baatneniba Filibai bib seli bainobo galin nakaia unangai i bainobo galino sbal maniba i okoko makob okok kebianiba eka i bobol tem funino makob aniba fumbianiba Naka mak unang maki Yesus Klaiste dowan wengo wenteniba bainobo geine ge fumbianiba aleyebiobo ge baatnenimib nakai weng ota wentamabibe.

Filibai 2:29

Ibo meb bianibta ne okok daatnenimibba kesoa ibo Ebaflodaitase dabaiba tenea nesu ele tlanea ne okoko daatnenebiobe. E inanea Yesus Klaiste okoko okok kebianea ginino omonea genam binea kaain kenane kesoa e imin monea ibsu natlameo ibo baabaniba Kobo klayam nanebta Fole okoko daahabi tlebobo ge baabaniba seinhamine! Ete ibte naniba Sume bainobo gabib kesoa ibo makob dab tlemin dikinobe. Naka mak unang maki okoko makob e okoko ulab okok blib isa baabeniba Ib okoko nabib osa ayamobo ge baabeine!

Kolosi 4:10

Alistakase ne bakanea klabutam bie esa eka Banabase ninge Mak esa i dabo ibo Klayam blibte ge baabeibobe. Sino ne ibo futano dola omfubenia baabenia Make tenea ibsu tlameo ibo e kukub ayam omaline ge baabeibio kesoa e tlameo inabaine!

1 Timoti 2:10

Ina otane unangi Ni Gode wengo wafu biobobo gabib mole okoko ayam okok bianiba naka mak unang maki daabeine! Kukub ayam olo i makob youm ayamo kimomabiobe.

Taitas 2:3

Eka konokmonwal isa baabeneba Ibo Gode bobolo fumbianiba e kukubo kla wafueine! Ibo naka mak unang maki weng dobo wengo mo oye bianiba eka aay misiamo mo wembiam nimibe! Ibo unang maki kukub ayam ota aleyemine ge baabeneba

Failimon 1:12

Ne Yesus Klaiste dowan wengo omkayebi o dafa ota klabutam blibe. Ne ele blio kobo mo daatnenamabebba otane ne keb okok nakae Onisimase kla goba blia e ele bianea keb alango dokonea ne daanemeko gabi otane ne kobo mo baabkeim blim kesoa ne e mo watanamabibabe. Ne naka ele gobania futan olo omania dabaia monea kebsu natlamabebe. Ne kobo mo baabkenita Onisimase dobneba daatneneko genimibabe. Kobo Ae genemeb Yeye genemebo kleb bobol temobe.

Failimon 1:17

Kobo funaneba Fole Klaiste okok naka makob ne ulabobo geneb mole ne natlia nemeb taneba keb am tam danamabeb inaneba Onisimase debeb tam danale!

2 Yon 1:10

Naka make Klaiste aleyebeo wengo mo wafueim blim bianea ibo aleyemang genea tenea ib am ele tle mole ibo mo baabanibta Kobo ye tlebo genibta debeb tam ta ib am tamo mo danimibe!