Fole Lom teni bainobo galini futano dola omfubesebe. 15:3 - Mian

³ Nibo tekein kebuobe, Klaist esa ele bobol tem funino mo namin blimobe. E Gode kukubo gobobie ota e nabinabebe. Gode buk temo kukub misiamo Klaiste dimo tam tlemabo wengo baanoa Nakaia unangai God kobo weng dobo weng okemibo kebkobbabo neta onemomabiobo genobiobe. Inamin kesoa e Gode bobol tem funin ota wafu bianea nakaia unangai deibenea i e weng dobo weng ohabinibbiobe.

Fole Lom teni bainobo galini futano dola omfubesebe. 15:3 ပူးပေါင်းရင်းမြစ်များ

Matyu 10:25

Kukub misiamo tenoa kimanin nakae dimo tlo mole o e okok nakae dim osa tam tlamabobe. Eka kukub misiamo tenoa aleyemin nakae dimo tlo mole o e alehabe nakae dim osa tam tlamabobe. Niminbabe, i naka makobobe. Inamin kesoa naka maki ib kiminan naka ne hob misiami aye niniino taisaniba Bielsebul geniba niniin misiam nganatnenib mole ne melel ibsa dot niniin misiam nganabenomabiobe.

Matyu 26:39

e tanea meb ye dlong dlong baan bilbunea munung baan bilanea Gode baabanea Ay kobo Ae geneb mole ne bobol tem abilo omtlatnenale! Ina otane kobo ne bobol tem funino mo wafunebta nanemebe! Kleb bobol tem funin iwat nanale ge oha bianea beten kenea

Matyu 26:42

e imin tanea beten kebianea Aalebe baabanea Ay kobo ne enin kin olo watemale geneb mole ne enin kin olo watemano gabi kesoa kobo kleb bobol tem funin iwat nanale ge baabanea

Matyu 27:44

eka ayok henin nakai asuei atdimo dlasaniba silo bikibeibbue isa inaniba Yesuse weng dobo weng oha biam monsiobe.

Dowan Weng Olo Yone Dolanebuotabe. 15:10

Ibo inaniba nene weng baanimi iwat namib mole ne ibo amitie kla gobenamabibe. Nesa sino inania ne Aye ele weng baaneme iwat ina biania e ne gotne bie kukubo bobolo kla fumbinibiobe.

Dowan Weng Olo Yone Dolanebuotabe. 15:24

Ne tenia okok homono sino nakai inamin okoko mo nabinabibbao naia i watemibbiobe. Ne inamin okoko mo naim blim biamio i ne mito mo tekein kenibta God eta nemane tlibiobe genomabibbabe. Otane ne okok olo nabio i wateniba i sma ye ne Aye ni dumo makaa dlabliobe. I inabib kesoa ne Aye ni dumo baanoba I hengmin gamobo gabuobe.

Dowan Weng Olo Yone Dolanebuotabe. 4:34

Yesuse baabenea Ne nakae nemanea tlibue bobol tem ota wafu biania e baatnenemeo ne e weng ota wente biania okok bli kesoa ne okoko okok kebia blimansote genitabe. Imeno ayam otane ne Gode okoko okok kebio kukub olo dot ayamobe. Ne yo inanimi olo makob ne imenobe.

Dowan Weng Olo Yone Dolanebuotabe. 5:30

Yesuse Yudai komokwali imin baabenea Ne okoko nabio nene bobol tem funino mo nabibabe. Ne nakaia unangai kot kebenang gamio Gode tekein kemino omneta klayam kot keye binabibe. Niminbabe, ne namane tlibio nakae bobol tem funin ota wafu blibe. Ne nene bobol tem funino mo wafu blibabe.

Dowan Weng Olo Yone Dolanebuotabe. 6:38

Niminbabe, ne abilimo deibonia daakenia dabalim ele tlibuo ne nene bobol tem funin ota namano genita tlibiobabe. Yeye ne tenia ne namane tlibio naka ele bobol tem funin ota namang genita tlibiobe.

Dowan Weng Olo Yone Dolanebuotabe. 8:29

Eka ne Aye ne nemane tlibue e mo deitnenemebabe. Ete nete na biobobe. Niminbabe, ne e okoko kla okok kebi kesoa e seinebebo ge baabesea

2 Kolin 8:9

Ibo tekein kebiobe, Sume Yesus Klaiste abilim uto inamin namino homon biba binabo otane e ibta dohalilaneta daak teneta dabalim ele tlaneta e afobeing blim binebiobe. E inanea ibo daabenebio kesoa ibo abilim uto inamin namino homon olomabiobe. Ne weng ele baabei olo ne tekein kenia I Yesuse kukubo nanebu olo bain inaniba naka mak unang maki daabenomabiba bleka? genano genita baabeiobe.

Filibai 2:5

Ibo ib bobol tem funino makob Yesus Klaiste bobol tem fumbe inamin fumbianibte!

Filibai 2:8

E nakaneo ele untako mo nganim blimobe. Gode baabanea I kobo kanaiba kaanale gene kesoa e Ae genea i makob naka misiami inaiba kaanabib inaniba e atdimo dabasaniba silo bikiniba anaiba kaanebiobe.