Fole Lom teni bainobo galini futano dola omfubesebe. 13:8 - Mian

⁸ Ibo naka maki baabeniba Ib monio ni oyib biota sinanota nisak yang kenomo ge baabeniba oiseibbio mole ibo hebmamsab yang keine! Gode nibo kla gobe bie kesoa nibsak yang kenoba naka mak unang maki gobesese nomo! Niminbabe, nakai naka mak unang maki kla gobe blib ile hekmel wengo kla wafu bliobe.

Fole Lom teni bainobo galini futano dola omfubesebe. 13:8 ပူးပေါင်းရင်းမြစ်များ

Matyu 7:12

Ibo funaniba Naka maki ni kukubo yota nayemine gabib mole ibsak kukub olota i nayemine! Mosese hekmel weng osa Gode weng omkeimalin naka isa weng olo inangge baaniba dolaibbiobo ge baabesebe.

Dowan Weng Olo Yone Dolanebuotabe. 13:34

Ne hekmel wengo memao baabenamabibe, ne ibo kla gobe bli kesoa ibsa inaniba ib sinwalo kla gobesese nine!

Fole Lom teni bainobo galini futano dola omfubesebe. 13:10

Nakae naka maki kla gobe biameo e naka eli kukub misiamo mo omyamebabe. Inamin kesoa nakae naka mak unang maki e baka blibi kla gobe bie naka ele Gode hekmel wengo kla wafu biebe.

Fole Lom teni bainobo galini futano dola omfubesebe. 13:7

Gabmanwali ibo Inamin namino ni oyine genimibo oyine! Gabmanwali ibo baabeniba Ibo ni inamin namin okoko takis monio okayemine geib mole ibo okayemine! Eka ibo gabmanwali wengo omibo wente bianiba ili weng baanimib iwat nabianiba i niniino dotouleb nine!

Galesia 5:14

Ne weng ele baabenamabi olo Mosese hekmel wengo alukum weng olo tem wat biobe. Ibmalo naniba ilib aalo kima blib inaniba naka mak unang mak isa gobe bianiba daayemine!

Kolosi 3:14

Ibo kukub ayam olo alukum nabianiba naka mak unang mak isa kla gobe bianiba daayemine! Naka mak unang maki gobesesenin kukub olo dot ayamobe. Kukub olo kukub afeto gaisonobiobe. Ibo naka mak unang maki kla gobe nib mole ib sinwal ib bobol temo makob anomabiobe. Ibo inaib mole ib sinwalo mo dosuanasese nomabibbabe.

1 Timoti 1:5

Ina otane ne funania I kukubo afet ota nabianiba i bobol temo kining aniba fiab bianiba Gode bobolo fumbianiba bainobo geine! I inamib mole i Gode goba bianiba eka i nakaia unanga isa gobeniba daayemomabiobo ge funaiobe.

Yems 2:8

Sinanggwano Gode hekmel wengo e buk temo dolanea baanea Ibo ilib unaalo gobo blib inaniba naka mak unang maki ibo baka blib isa gobeine ge baanea dolanebuo ibo wenteniba inaib mole kukub olo ayamobe.

1 Yon 3:10

Nibo nakaia unangai kukubo yatemnoba Eli Gode meletanobe eka elile Gululame meletanobe genom gob mole i kukub nabib ota yatemomo! Nakaia unangai wanita kukub ayamo mo wafunamino deibo nabianiba bainobo galin naka mak unang maki mo gobenim blim kenaib mole i Gode meletanbabe.