Fole Lom teni bainobo galini futano dola omfubesebe. 13:14 - Mian

¹⁴ Ibo Sume Yesus Klaiste deibaiba eta ibo inamin namino nabibo kimaneko! Ibo ilib bobol tem funin misiamo mo wafu nimibe!

Fole Lom teni bainobo galini futano dola omfubesebe. 13:14 ပူးပေါင်းရင်းမြစ်များ

Efesas 4:24

Gode kining naka molot kesoa ibo ib bobol tem funino makob e bobol tem funino ulab aine! Ibo inanimibo ib bobol temo amitie ayam fumbianiba kukub ayamo wafunomabiobe.

Galesia 3:27

Niminbabe, ibo Yesus Klaiste bainobo geniba naka maki e niniino dimo ibo aaye fuelabeiba ibte Klaist ete naniba ib bobol tem osa Klaiste bobol tem osa makob aniba ibo makob Klaiste ulab aibbio kesoa Gode fumbianea I makob Klaiste ulabobo ge fumbebe.

1 Fita 2:11

Ne nekwal ibo dabalim olo ib bibam tembabe. Abilim ota ib bibam tem kesoa ne weng olo baabenamabio ibo dabalim olo bobol tem misiam funino mo wafu bianibta ib skila kweila kina klanga sitala bobol temao kukub misiam olo bobolo mo wayemone! Ib bobol tem funin misiam otem ayam otem nanoa awa gembo kesoa ibo ib bobol tem funin misiam olo deiboniba bobol tem funin ayam ota wafueine!

Galesia 5:24

Nakaia unangai Yesus Klaiste wengo wafu blib ile sino Klaiste atdimo kaanebuo makob i tena kaaibbiobe. I inaibbio kesoa i bobol tem misiam funin kukub olo i bobolo imino mo wayemobabe. I sino hengmin kukub olo wafu binibbu otane memalo ite Yesus ete naniba atdimo kaaibbio kesoa i kukub misiam olo titil blimanobiobe.

Kolosi 2:23

Nakai abiseli niniino dotouleb blibi obianiba Ni niniino omabbunoba abiseli niniin ota dotouleb biob kesoa ni nini tako mo ngambobbabo gabianiba eka kukub afet osa nabianiba i damo enino omkawebib kesoa naka maki yateniba baaniba Naka eli hekmel weng ayam ota wafu bianiba i niniino omabbu bliobo ge oyebiobe. I inabib otane kukub olo i mo daabenota i bobol temo kukub misiamo mo deibonomabibbabe.