Fole Lom teni bainobo galini futano dola omfubesebe. 13:13 - Mian

¹³ Nibo kukub ayamo namomabbuo makob nakaia unangai tab dim haablibo ulab ota namomo! Nibo aa misiamo mo dowonobta kukub misiamo mo namobe! Eka taman osa mo hengamobe! Nibo dleb wengo mo obianoba eka naka maki inamin namino bobolo mo waye biam nomone!

Fole Lom teni bainobo galini futano dola omfubesebe. 13:13 ပူးပေါင်းရင်းမြစ်များ

Dowan Weng Olo Luke Dolanebuotabe. 1:6

I kamo Gode kin dimo kukub ayamo wafu bianiba Sume hekmel weng osa kla wafuna bianiba i kukub misiamo mo namin blim bianiba

Dowan Weng Olo Luke Dolanebuotabe. 16:19

Yesuse imin baabenea Sinanggwano moni naka make bianea e youmo ayam ayamo sbalo olota webianea am obba ye bomanomo bomanomo amitie kibianea eka imen ayam ayamo wembiam nabea

Dowan Weng Olo Luke Dolanebuotabe. 21:34

Yesuse e okok aleyemin nakai baabenea Ibo klaine! Ibo aa misiamo mo wembianiba eka inamin namin kukubo mo gobona unanibta ne bobolo mo dokobenomone! Inamin namin kukubo ib dimo tam tloa ne bobolo dokobenomo dim ota ne hebmamsab makob ano binaiba hebmamsab monoa kulani mayenabo inanita tlamabibe.

Abosel 2:15

Ib bobol temo fumbibo Naka eli gabamon tol temo mima fube biota weng namin namin bliobo gabib otane i gabam tol temo mo mima fubeim blimobe. Memale afoko tubutubu tebo olo mole aay misiam unalin amba

1 Kolin 3:3

Ibo sin kukubo amitie wafu bianiba kukub misiamo sma ye nabiobe. Ibo ina bianiba ib nekwal maki bainobo gabibi dosuambiba ib sinwalo dleb weng obib kesoa ne tekein kebibe, ibo sin kukubo sma ye nabianiba nakaia unangai bainobo gabibbai kukub ota ibo wafu bliobe.

Galesia 5:19

Ninib bobol tem funin misiamo wafunin kukub olo inaminobe. Nakaia unangai tamano henga bianiba kukub misiam olo namin kukub osa eka bobolo wabenoa inamin namin olo nanomo galin kukub osa eka

Galesia 5:21

eka naka maki bobol tem misiam fun yatememin kukub osa eka aay misiamo dowoniba gabam tol temo mima fubenamin kukub osa nabianiba eka kukub misiamo afet afet osa namin kukub osa otabe. Nakaia unangai ili bobol tem funino wafu blibi kukub misiam olo nabinabiobe. Sino ne ibo baabenia Ibo kukub olo mo wafu nimibe ge baabeibio kesoa ne memalo imin baabenamabibe, ibo kukub olo mo wafu nimibe! Nakaia unangai kukub olo wafu blibi mo monibta Gode kimanin bibo mo nomabibbabe.

Efesas 4:1

Ne Sume okoko okok kebi o dafa ota naka maki klabuto ge nemeb teniba klabut am ele daibbua bianita weng olo baabenamabi kesoa ibo wentine! Gode ibo dlakanea hengmino temo blibo dotlanea baabenea Ibo ne kukubo kla wafueine genebio kesoa ibo e wengo kla wenteniba e kukubo wafueine!

Efesas 4:17

Inamin kesoa ne nib Sume weng olo ibo baabenimio wentine! Ibo nakaia unangai Gode wengo mo wentebibbai i kukubo mo wafu nimibe! I ili bobol tem funin misiamo wafu bliba i bobol temo watwat dayebo kesoa i bobol tem funin ayamo mo fumbibbabe. I bobol tem misiam fumbianiba Ni Gode wengo wentemino denomabbiobo geib kesoa Gode e afen smike mo dobyim blimobe.

Efesas 5:15

Ibo kukub misiamo mo namibe! Ibo bobol ayam fumbianiba kukub ayamo namine! Nakai bobol tem funin blim bianiba kukub misiamo nabibi kukubo ibo mo namibe!

Efesas 5:18

Eka ibo aay misiamo mo dowoniba ib gabamon temo mimafubenoa weng namin namin nimibe! Ibo inaniba weng namin namin nib mole kukub olo ibo watwat dabenamabobe. Ina otane ib bobol tem wato Gode Hobe dababbaine!

Efesas 5:8

Sino ibo kukub ayamo mo tekein keim blim binibbio dimo ibo makob mililam bio tem tab bianiba ib kukub misiamo nabinibbuo makob naka eli kukub misiamo nabib inaniba ibsa ina binibbiobe. Otane memalo ibo Sume meme aniba kukub ayamo tekein kebianiba ibo makob ayal dim blib kesoa ibo kukub misiamo deiboniba kukub ayam ota wafueine!

Filibai 1:27

Inamin namino ne dimo tam tlebo olo ibo o bobolo mo funimibe! Ibole Yesus Klaiste dowan wengo ne aleyebi ota kla wafueine! Kukub olo kukub afeto gaisonobiobe. Inanomabib kesoa ne ibsuo imin natlamio ayamobe. Eka ne ibsuo mo natlim blim kenimio naka maka ye te baatneniba Filibai bib seli bainobo galin nakaia unangai i bainobo galino sbal maniba i okoko makob okok kebianiba eka i bobol tem funino makob aniba fumbianiba Naka mak unang maki Yesus Klaiste dowan wengo wenteniba bainobo geine ge fumbianiba aleyebiobo ge baatnenimib nakai weng ota wentamabibe.

Filibai 2:3

Ib okoko sbal okok kemibo mo funanibta Ni inanoba sbal okok kemoba naka mak unang maki yateniba ni niniino dotouleb nine ge funanimibe! Eka ib okok ayamo okok kemibo naka mak unang maki mo baabenibta Ni okoko ayam okok kebuobo genimibe! Eka ibo mo funanibta Naka maki ayam otane nita i gaisenobbiobo ge funanimibe! Ib bobol temo fumbianiba naka mak unang maki ni gaiseibbiobo ge funine!

Kolosi 1:10

Ibo inanimibo Sume ibo baabenea Kukub olota namine gabe wengo kla wente bianiba e kukubo kla wafu bliba e ibo seinyemabebe. Ibo inamibo inamin namin kukub ayamo nabianiba Gode bobol tem funino tekein kenaniba ib tekein kemino sum anamabobe.

Kolosi 3:5

Sinanomo Gode ibo e titilo ayal inamin einobuo omyamabe kesoa ibo dabalim olo inamin namin kukubo bobolo mo wayemone! Kukub olo inaminobe. Unang taman hengamin kukub osa eka taman bobol funin kukub osa eka unang maki yatenoba taman deib dleb denobtabo ge funin kukub osa eka inamin namino bobolo wayemin kukub osa ibo mo namibe! Nakaia unangai inamin namino bobolo wayemo mole inamin namin olota i godu benoa i God motone deibanomabiobe.

1 Tesalonaika 2:12

am mak bomanomo am mak bomanomo ni weng ayamo sbalma omkaye bianoba baabenoba Ibo kukubo ayam wafueiba Gode yatenea seinye bianea bobol ayamo omyeko! Gode ibo dlakanea baabenea Ibo ne wengo wentemibo ne dleb monia ne bib daia ayam aniba makob ne ulab anomabiobo genebio kesoa ibo e wengo sbalma wente bianibte ge oye binabuobe.

1 Tesalonaika 4:12

Ibo inaniba ibmaye imen wemin okoko klamib mole bainobo galin nakabai yateniba funaniba Naka eli ayamobo genomabiobe. Eka ibo ib nekwali mo baabenibta Ni imeno mo oyine genimibe!

1 Tesalonaika 5:17

amitie Gode nganhamine!

Yems 4:5

Weng olo dim biamo Gode buk tem wengo mo baanota Gode e Hobe dobyebue e nib bobol temo bianea fumbianea I nemi kesoa i ne mo deitnenibta dabalim okoko bobolo mo funimibe ge fumbebo genomobabe. Ibo funaine! Weng olo besa wengbabe.

2 Yon 1:4

Ne sino wentia i baaniba Ob memei maki Aye baanea Ne moton wengo kla wafueine genebio i kla wafu bliobo gesiba wentenia ne kla seimbinibiobe.

Futan olo Yut eta dolanebiobe. 1:23

Eka mak ile makob imeno aso ulabua nakai hebmamsab otlanabib inaniba i hebmamsab Gode wengo omyeniba daabeiba i aseinin bibo mo unaibe! Eka mak ile dohalilaniba daabenomabib otane i kukub misiamo ibo omyaib kesoa ibo klaine! I kukub misiam olo makob youmo ninikanobio inabenobio kesoa ibo kukub olo takabonibte!