Fole Lom teni bainobo galini futano dola omfubesebe. 12:6 - Mian

⁶ Gode elekiem olokiem nibo daayebeo afet afet kesoa nib okoko titil osa afet afet omkayebebe. Nibo okoko Gode omyebio yota okok kemomo! Nakaia unangai wanita Gode Hobe wengo omye mole i kla motomaniba Weng olo Gode buk tem osa inang genobiobe genibta naka mak unang mak isa omyine! Eka temiba Gode buk temo inamin wengo blim bio mole weng olo naka mak unang maki mo omyaibe!

Fole Lom teni bainobo galini futano dola omfubesebe. 12:6 ပူးပေါင်းရင်းမြစ်များ

Matyu 23:34

Ibo inamomabib kesoa kla wentine! Ne Gode weng omkeimalin naka isa eka tekein kemin naka isa eka Gode wengo aleyemin naka isa dlaia moniba ibsu natliba ibo maki yenaiba kulilaiba eka mak ile atdimo dlasaniba silo bikiniba yebianiba eka mak ile Gode amo tem tam yafuniba tek tebeloniba yemdeiba uniba kambliba moniba bib mak bib mak ye haabliba kan haanomabiobe.

Matyu 25:22

eka e abuko K2,000 o olan unebio naka esak tenea baabanea Sum kobo keb monio K2,000 o onen unebbuo ne okok kebiania o blofeto imin K2,000 olibiobo ge baanea olminea K4,000 ansoa olansea

Dowan Weng Olo Luke Dolanebuotabe. 11:49

Gode tekein kemino ayam kesoa baanea Ne weng omkeimalin naka isa ne okok dlasanin naka isa dlaia moniba isu temiba nakaia unangai teniba ne weng omkeimalin naka isa eka ne okok dlasanin naka isa maki yanaiba kaaniba eka maki enin sumo omyenanomabiobo genebiobe.

Abosel 13:1

Nakai niniino Banabas esa Simione e niniin mako Milil esa eka Lusias Sailini naka esa Isleli komoke Helote ninge Maneyen esa Sol esa itabe. Naka eli maki Gode weng omkeimalin nakabe. Eka mak ile e wengo aleyemin naka nabe. I Yesuse bainobo galin nakaia unangai Antiok bibo blibi bekebe bliba

Abosel 15:32

Yudase Sailase i dabo am homono dimo ye baka bianiba Gode weng omkeimalin naka kesoa Yesuse dowan wengo bainobo galin nakaia unanga eli aleyebiba i bainobo galino sbalma wafueib ole

Abosel 2:17

Gode baanea Mubiang amo meb tlamo dimo ne Hobe dabaia monea nakaia unangai dimo alukum onon tlanea ib memei alukum unang ten isa naka ten isa i ne wengo omkeimabiba eka ne ib naka tembali inamin namino daam deib aleye biania eka hangkalebminwali daam moton aleye biam blia watememomabiobe.

Abosel 21:9

Filibe meme unang teni asuke asuke nai imakwali mo dlim blimobe. Isa Gode weng omkeimalin wanggelobe.

Fole Lom teni bainobo galini futano dola omfubesebe. 1:11

Ne bobol temo funania Ne monia ibsu natlania Gode wengo ibo omkaye bia Gode Hobe bobol tem funin ayamo omyenea dosbal manea ib bainobo galino sbalma wafueine gabibe.

Fole Lom teni bainobo galini futano dola omfubesebe. 12:3

Gode ne daatnenea e okok olo omnebio kesoa elekiem olokiem ibo ne weng olo baabenamabibe. Ibo untako mo ngambianibta Ni naka sumobo ge funimibe! Ib bobol temo fumbianiba Ne Yesuse bainobo gabi ota Gode titilo ne omnebu ota omonita okok kebibo, ne nene titilo mo okok kebibabo ge funine!

1 Kolin 12:18

Gode nibo klaneo klango mo deiboneta kino olota ulabeim blimobe. E ele bobol tem funin ye funanea ne inaneme genea skil osa kweil osa kin osa klang osa mukung esa klanebiobe.

1 Kolin 13:2

Gode Hobe e titilo nibo omkayebea nibo Gode wengo naka mak unang maki omkaye bianoba eka e wengo sino ayok binabo osa eka e weng mak osa o mitmakamo alukum tekein kebiam bianoba nib bainobo galino sbalma biob kesoa nibo amgolim mako baabonoba Obo betan olo deiboneba moneba betan afet mawenale genomobo o bain inanoa nibo inamin namin olo bain inanomabbu otane nibo naka mak unang maki klao mo gobenoba daayemin blim kenob mole Gode kin dimo nib okok olo mitmakam blim besabe. Ina otane nibo naka mak unang maki kla gobenoba daaye bianoba inamin namin okok olo okok kemob ota Gode kin dimo okok olo mitmakamsabe.

1 Kolin 14:1

Ibo ne weng olo wenteniba naka mak unang maki kla gobeine! Naka mak unang maki gobenin kukub olo dot ayamobe. Ne weng mako baabenamabio inaminobe. Gode Hobe e titilo ibo afet afet omkayebe kesoa ibo fumbianiba Gode titilo ni alukum omyeko ge funine! Gode wengo naka mak unang maki ili wengo omkayemin titilo dot ayam kesoa ibo o bobolo kla wayemoko!

1 Kolin 14:24

Otane ibo lotuo kimanom gaibo Gode wengo ilib weng omkeima bianiba nakaia unangai omkayemibo nakaia unangai mo bainobo gabibbai teniba weng olo wentaibo i kukub misiamo nabib osa eka bobol tem misiamo fumbib osa funaniba Ni kukub olo nabobo misiamobo, i weng ota bainobo, ni Gode kukubo mo wafu biobbabo ge funaniba i Gode niniino dobtouleb bianiba baaniba Bainobo, Gode ibo bekebe biebo genomabiobe.

1 Kolin 14:29

Nakai asua asumatnaea mak ita Gode wengo omkeimamib ole eka mak ibole i weng olo moton sam bianiba Olo bain Gode wengobe eka olole Gode wengbabe gabianiba moton sam bianibte!

1 Kolin 3:5

Ibo kla funaine! Ibo nimin kenibta baka bianiba mak Ni Abolose meletanobo gese maki baaniba Ni Fole meletanobo gese blibe? Ni dabo besa Gode okok nakabe. Sume emaye ni okoko afet afet omkayebe kesoa ni e okoko okok kebianoba e wengo ibo omkayeboba wenteniba bainobo geibbiobe.

1 Kolin 7:7

Ne alelwal blim kaket kesoa ne funania Nakaia unangai souwal tembal blibi nakai alelwali dlonamino deiboniba besaniba eka unang isak imakwali dlonamino deibonaniba besa ne ulab nib mole kukub olo ayamobo ge fumbibe. Ina otane nakaia unanga nibo Gode e titilo afet afet omyebio kesoa nibo kukub afet afet wafu buobe. E nakaia unangai maki baabenea Naka kobo alelo omone! Eka unang obo imake dobone genemeo i inanomabiobe. Eka e baanea Nakao inamin kobole alelwali mo dlaebe! Eka unang obo inamin obole imakwali mo dlaebe ge baabenea e titilo omyameo i bain inaniba besa kaket nomabiobe.

2 Kolin 8:12

Naka mak unang maki teingo kikibib mole Gode funanea Kukub olo klayamobo genamabebe. Nakae inamin namino men biba biamo Gode e mo baabaneta Kobo nakaia unangai inamin namino homon dokayemale genemebabe.

Efesas 3:5

Sinanggwano Gode e weng ayok olo nakaia unangai dabalim olo binibbuei mo alebeim blimobe. Otane memalo e Hobe Yesuse okok dlasanin naka nisa eka Gode weng omkeimalin naka isa ni alebenebio kesoa ni Gode weng ayok olo tekein kebuobe.

Efesas 4:11

E titil ayamo e bainobo galin nakaia unangai i okoko afet afet omkayemonebiobe. Maki Yesuse okok dlasanin okok omkaye bianea eka mak ile Gode weng omkeimalin okok omkaye bianea eka mak ile Gode wengo ometniba moniba bib mak bib mako omkayem haanin okok omkaye bianea eka mak ile Gode bainobo galin nakaia unangai kima bianiba e wengo omkaye bianiba e wengo aleye bia nin okok omye nanebiobe.

Filibai 3:15

Bainobo galino sbalma blib naka unang ibo ne weng ele baai olo kla wenteniba ib bobol temo makob ne bobol tem funino ulab aine! Ina otane mak ibo ib bobol temo afet fumbib mole God eta ibo bobol tem funin ayamo omyeko!

1 Tesalonaika 5:20

Eka Gode weng omkeimalin nakai i wengo omkeimamibo ibo weng dobo wengo mo oyemibe!

2 Fita 1:20

Ibo kla wentine! Nibo tekein kebob yotabe. Gode weng omkeimalin nakai wengo dolaibbuo ili bobol tem funino mo dolaim blimobe. Gode emaye baabenea Ibo ne weng olo dolaine geseta e Hobe weng olo omyeta dolaibbiobe.