Dowan Weng Olo Make Dolanebuotabe. 6:34 - Mian

³⁴ Yesuse weseme obeb watnea ken wat obanea daak tlanea temea naka homon unang homoni teniba waisa blib kesoa yatenea kla dohalilanea funanea I makob eil sibsibi i kimanini blim bliba nabinabibi ulabobo genea e Gode weng homono omkaye monsebe.

Dowan Weng Olo Make Dolanebuotabe. 6:34 ပူးပေါင်းရင်းမြစ်များ

Matyu 14:14

Yesuse weseme tem watnea ken wat obanea daak tlanea temea nakaia unangai homoni teniba waisa blib kesoa yatenea dohalilanea ginin gami klayebea

Matyu 15:32

Yesuse e okok aleyemin nakai nganabenea tesiba baabenea Ne nakaia unanga eli dohalimbibe. I ne beketne bliba amo asumatna blimano i imen teb bliobe. Ne dlasia imen teb bebianiba deib tama deibo beit doka bianoa kin bobob yemo kesoa ne mo dlaia unaibbabo gesea

Matyu 9:36

E nakaia unangai homoni yatenea bobol ilum omfubanoa kla dohalilasebe. Niminbabe, i daabenamin nakai blim kesoa misiam bianiba bobol misiam fumbianiba makob eil sibsibi i kimanini blimi ulab blibtabe.

Dowan Weng Olo Make Dolanebuotabe. 6:33

otane naka homon unang homoni yatemiba i unib kesoa yatemniba nakaia unangai bib sum sumo blibi alukum dalo obetniba Yesuse mema weseme tem bebea ita sin gaisaniba moniba ibuantem ye bebiba

Dowan Weng Olo Make Dolanebuotabe. 6:35

E inayebea afoko dawabbanoa e okok aleyemin nakai teniba baabaniba Betan olo naka blim kesoa afoko dawabbanang gobo

Dowan Weng Olo Make Dolanebuotabe. 8:1

Am olo dimo naka homon unang homoni imin teniba Yesus esu ele mibianiba amo asumatna yo dimo i imen blim bianiba imen teb aalan tab tlib kesoa e okok aleyemin nakai nganabenea tesiba baabenea

Dowan Weng Olo Make Dolanebuotabe. 8:2

Ne nakaia unanga eli dohalimbibe. I ne beketne bliba amo asumatna blimano i imen teb bliobe.

Dowan Weng Olo Luke Dolanebuotabe. 9:11

nakaia unangai wentiba naka maki baabeniba Yesuse Betsaida bib unebo gesiba wenteniba kan motemiba Yesuse yatemnea Klayam nata tliobo genea Gode nakaia unangai kimanamabeo wengo omkaye bianea ginin gami klaye biam bia

Hiblu 2:17

Gode funanea Ne miine okoko makob ne amo kimanin nakai komok sume okoko ulab okok kebianea nakaia unangai dohalilanea daabenea i hengmino walubeneko ge funane kesoa Yesuse makob e ningwala nengwala nib ulab anea naka moton anebiobe.

Hiblu 4:15

Nib bobol temo funanoba Inamin namin kukub misiamo nanomo ge funanomobo nibmalo mo baanobta Yeye genomabbiobabe. Baye nanomabbi otane Gode amo kimanin nakai komok sum ele nibo dohalilanea daaye binabebe. Niminbabe, sino kukub misiam olo e dabamanoa inamin namin kukub misiam olo nanale ge baabano otane e mo wenteneta naim blimobe. E inanebio kesoa nibo dohalim bianea daaye binabebe.