Dowan Weng Olo Make Dolanebuotabe. 5:7 - Mian

^7-8 Yesuse baabanea Hob misiam kobo naka ele deibaneba one gesea hob misiam ele ngambianea Yesus kobo God Sume miinobo, kobo ne fatnatnenamabebe? Gode niniin dim ota baabkeiobo, kobo ne enino mo omnaebe ge ngambea

Dowan Weng Olo Make Dolanebuotabe. 5:7 ပူးပေါင်းရင်းမြစ်များ

Matyu 16:16

Saimon Fitae baabanea Gode Kemfakamin Naka Klaist kebtabe. Gode amit afen binabe miin kebtabo gesea

Matyu 26:63

otane Yesuse kimik gesea Gode amo kimanin nakai komok sume imin baabanea Ne Gode amit afen bie niniino taisai kesoa kobo moton baatnenale! Kobo Gode miin eka e Kemfakamin Naka kebta biaebo baatnenale gesea

Matyu 4:3

Gululame tenea Yesuse baabanea Kobo baaneba Ne Gode miinobo gabeb kesoa kobo tom olo baaboneba imen anoa dowonale gesea

Matyu 8:29

naka eli Yesuse ateniba ngam bianiba Gode miin kobo ni fatnabenamabebe? Kobo teneba enin sumo omyang genebtio? Ni enin amo mo tam tlim blim biobo ge nganha bianiba temiba

Dowan Weng Olo Make Dolanebuotabe. 1:24

Yesuso, Nasalet bib sak kobo ni fatnabenamabebe? Kobo teneba ni yenanang genebta tlebo? Kobo ni mo yenanemebe! Deibenale! Ne tekein kebibo kobo naka kining Gode miinobo ge ngansea

Dowan Weng Olo Make Dolanebuotabe. 14:61

Yesuse Gode amo kimanin nakai komok sume wengo mo yang kebaim blim deibasea e imin baabanea Kobo Gode Kemfakamin Naka Gode miin kining kebta bleka? gesea

Dowan Weng Olo Make Dolanebuotabe. 3:11

Am obba ye bomano bomano yo nakaia unangai hob misiami bekebe blibi Yesuse atemaibo dlong dlong golbua daak toulaniba ngambianiba Kobo Gode miinobo ge nganha binabibbua amo yo dim osa naka mak unang maki hob misiami bekebe blibi teniba ateniba dlong dlong golbua daak toulaniba nganha bianiba Kobo Gode miinobo ge nganhamsiba

Dowan Weng Olo Make Dolanebuotabe. 5:6

am olo dimo temea Yesuse skeim ye bie kesoa atemnea blublu tenea esu ele tlanea dlong dlong golbuasea

Dowan Weng Olo Luke Dolanebuotabe. 1:32

E damanemeo niniin sum anamabebe. Sume ne miinobo ge ohamabebe. Eka e makob e fanine Debite Yudai komoke ulab kesoa Gode Yesuse dofakanea e nakaia unangai kimanamabebe.

Dowan Weng Olo Luke Dolanebuotabe. 4:34

Yesuso, Nasalet bib sak kobo ni fatnabenamabebe? Kobo teneba ni yenanang genebta tlebo? Kobo ni mo yenanemebe, deibenale! Ne tekein kebibo kobo naka kining Gode miinobo ge ngansea

Dowan Weng Olo Luke Dolanebuotabe. 6:35

Ina otane ibo wasi nakai gobeniba daabeine! Ib inamin namino i doyaibo ibo mo funanibta i yang kebeine genimibe! Ibo misim doyib mole Gode abilim ut bie ib kukubo yang kebenea ibo e melel anomabiobe. E nakai goba blibbai daaye bianea eka naka misiami daaye biam biebe.

Dowan Weng Olo Luke Dolanebuotabe. 8:28

Am homono dimo hob misiami naka ele kukub misiamo omkahabiba e kimanin nakai sen sayo tebeloniba skilona kweilonao gebanimibo waa dibiyebea hob misiami debetniba moniba ibuantem ye une binabibbua Yesuse tesea naka ele Yesuse atemnea amdofa ngansea Yesuse naka ele atemnea hob misiami baabenea Naka ele deiba unine gesea naka ele daaknea Yesuse skil tama bie daak aaunanea Yesuse baabanea Yesuso, God Sume miin kobo ne fatnatne namabebe? Ne kobo baabkeiobo, kobo ne enino mo omnaebe ge baabasea

Dowan Weng Olo Yone Dolanebuotabe. 20:31

Ina otane weng ele dolai olole ne funania Nakaia unangai tekein keniba Yesuse Gode Dofakamin Naka eka e Gode miin nabo geniba e bainobo geniba afen smike doboniba amit nine genita weng olo dolanamabibe.

Abosel 16:17

Ni inanoba hetananobbua unang olo Fol ni dabwalo amitie dosileb haabianoa ngambianoa Naka eli God Sume okok nakabe. I Gode nibo hengmino temo biobo dotlanamabe wengo alebenomabiobo ge ngambianoa

Abosel 19:13

Fole ina bianea okok kebea eka Yudai maki i hob misiami kulilaiba unemin okoko okok kem haabianiba maki i sinwalo baaniba Nibo Sume Yesuse niniino taisanoba hob misiami kulilanoba unine geniba hob misiami baabeniba Fole Yesuse wengo omkeimabeo niniin ota taisonoba baabenomabbiobo ibo naka eli deibe unine ge baabesiobe.

Abosel 8:36

i kalise obetniba bebianiba aaye make ye bie kesoa atemniba Itiobia nakae Filibe baabanea Aaye ele biebo, niminsabmin ota ne deibo waitne biota aaye fuelanamino debline? gesea

Fole Lom teni bainobo galini futano dola omfubesebe. 16:20

God ele bobol ayamo mitmakamobe. E bobol ayamo ibo omyebua Gululame ib skilo tabab tem daak dobtamanea e titil blimanamabeo amo meb anobe. Nib Sume Yesus Klaiste ibo daayemeko!

Hiblu 2:14

Nakaia unanga nibo Yesuse baabenea Ibo ne melelobo ge baabenebio nibo naka moton kesoa esa makob naka moton nib ulab anebiobe. Gululame kaanamin titilo kima bie kesoa Yesuse funanea Ne Gululam esa e titil osa watwat dabenano genea deskinanea makob naka nib ulab aneta kaanebiobe.

Hiblu 7:1

Melkisedeke sinanggwano Selem bib seli komok sum binebiobe. E Gode abilim ut bie e amo kimanin nakai komok sumobe. Sinanggwano Eblaham esa eka e awa genalin naka isa moniba makaai komokwal isa eka i awa genalin naka isa isu ye mo tenaniba gembianiba Eblaham esa e awa genalin naka isa i tata keniba makaai komokwal isa i awa genalin naka isa yaloniba tebiba eka Melkisedeke tebenaniba deib ye tetenaniba Melkisedeke Eblahame baabanea Gode kobo kla kimanea daabkeneko ge baabanea

Yems 2:19

Ibo Gode elekiem biebo geniba bainobo gabibo ayam otane ib bainobo galino menobe. Hob misiam isa Gode elekiem biebo geniba bainobo gabib otane i tekein keniba i aseinin bib unomabib kesoa i tosiambiobe. Inamin kesoa ibo baaniba Ni bainobo gabuobo gabib mole ibo kukub ayamo wafueine!

2 Fita 2:4

Sinanggwano abiseli mak isa inaniba hengaibo Gode i mo deibeim blimobe. E dlanea moniba aseinin bib unibbiobe. Memalo i dabale mililanea holo unebue tem daak bianiba Gode i kukubo klanamabeo amo waiso bliobe.

1 Yon 3:8

Sinanggwanosa memalosa Gululame amit ye hengabe kesoa nakae waneta hengmino amit hengabe mole e Gululame meletanobe. Gululame ina binabe kesota Gode miine daak tenea dabalim ele tlanea Naka Misiam ele okoko alukum watwat dabanang geneta daak tlebiobe.

Futan olo Yut eta dolanebiobe. 1:6

Sinanggwano abisel mak isa inaniba Gode okok ayamo omye otane i e wengo ombiabaniba i bibamo deiboniba ili bobol tem funin ota wafu bianiba hengamib kesoa Gode sen saye gebenebua mililambio tem tabo amit ye bliobe. I ye bianiba Gode nakaia unangai kukubo klanamabe am sumo tlamabo waiso bliobe. Am olo tlamo dim ota Gode abisel eli kukub misiamo naibbuo yang kenea dlanea aseinin bib unomabib kesoa ibo weng sang olo mo dokobenomone! Gode dim omin nakai ib isak temo blib elisa watwat dabenamabebe.

Lebelesen 12:12

Inaibbio kesoa abilimo biob nibo seinomo! Otane dabalimo blib ibsa eka aaye sole tem daak blib ibsa ibo klaine! Ni dohalimbuobe. Niminbabe, Gululame ibsu daak natlanea e funanea Gode ne kukub misiamo yang ketnenamabe dimo meb tlo kesoa ne hebmamsab nakaia unangai enin sumo omkayemano ge funanea e alo sumo tlihabua e enin sumo ibo omkayemabebo gesoa wentibe.