Dowan Weng Olo Make Dolanebuotabe. 16:6 - Mian

⁶ baabenea Ibo mo tosianimibe! Ne tekein kebibe, ibo Yesuse Nasalet bib sake atdimo dabasaniba silo biki anaibbu eta hen tebib otane e olo mo biebabe. E hananea unebe. Ibo teniba e dofa unibbuo biin alango watemine gesea i taniba biino watemsiba

Dowan Weng Olo Make Dolanebuotabe. 16:6 ပူးပေါင်းရင်းမြစ်များ

Matyu 12:40

Sinanggwano aning sumo Yonae dobtabbanobua amo asumatna o dimo aningo amun tem tab binebio yo Abilim Da Tlemin Naka nesa inania amo asumatna o dimo dabal tem daak biamabibe.

Dowan Weng Olo Make Dolanebuotabe. 1:24

Yesuso, Nasalet bib sak kobo ni fatnabenamabebe? Kobo teneba ni yenanang genebta tlebo? Kobo ni mo yenanemebe! Deibenale! Ne tekein kebibo kobo naka kining Gode miinobo ge ngansea

Dowan Weng Olo Make Dolanebuotabe. 1:27

nakaia unangai alukum atemniba smiko deibe unoa i sinwalo obianiba E weng ele omkeimane yo mitmakamo fatnamine? E weng olo mema wengobo makob komokwali wengo ulab kesoa e hob misiami sbal weng baabenea e wengo wenteniba naka ele deiba uniobo ge omonsiobe.

Dowan Weng Olo Make Dolanebuotabe. 10:34

i ne weng dobo weng one bianiba tlane biam bianiba eka mima helane biam nane bianiba tek tebelo nebiam biniba nanaiba kaania amo asu kenia make dime imin hananamabibo ge baabesebe.

Dowan Weng Olo Make Dolanebuotabe. 14:33

e Fitae dobonea eka Yemse e ninge Yone i dabo dlonanea dletnea bebianiba Yesuse tosianin obba sumo tam tlubana bianoa eka bobol tem abil sumo tam tlubanasoa

Dowan Weng Olo Make Dolanebuotabe. 9:15

eka nakaia unanga eli temiba Yesuse tle kesoa atemniba i dlou unaniba hebmamsab blublu moniba esu unaniba baabaniba Kobo ye tlebo? ge baabasiba

Dowan Weng Olo Luke Dolanebuotabe. 24:46

baabenea Gode buk temo baanoa Gode Dofakamin Nakae enin kino watemnea kaanea amo asu kenea make dime imin hana tlea

Abosel 2:24

i Yesuse imin hananamin deibo mo waisaim blimobe. Gode Yesuse imin dofaanea kaanamin kukubo omakibilanea hananebiobe.

Abosel 4:10

Ibsa eka Islel nakaia unanga isa alukum kla wentine! Ibo alukum Yesus Klaiste Nasalet bib sake atdimo dabasa anaiba kaanea Gode imin dofaanea hananebue e titil ota gilok alo binobio nakae klaubanota ibo atemiobe.