Matyu 5:8 - Mian

⁸ Nakaia unangai hengmino deiboniba Gode bobol tem funino wafu blibi seinine! Sinanomo i Gode keim atemomabiobe.

Matyu 5:8 ပူးပေါင်းရင်းမြစ်များ

Abosel 15:9

Gode mo funaneta Yudai naka afeti gaiseibobo ge fumbebabe. E bobol temo fumbeo Yuda isa Yudaba isa makobobo ge fumbe kesoa Yudabai Yesuse bainobo gabibi hengmino omtlabenamabebe.

1 Kolin 13:12

Memalo nibo meme gwabi nabinabib inanoba inamin namino alukumo mo tekein kebobbabe. Besa ato ota tekein kebuobe. Makob nibo tenoba aayo eino biamo kikib ye mabianoba aa kikito dokamobo nib kibio klao mo watenabobba inanoba nibo Gode kukub osa alukumo mo tekein kebobbabe. Memalo nibo inanoba atosin ota tekein kebuobe. Sinanomo nibo Gode kibio atem nabianoba eka makob e nanea nib kukubo kla tekein kebe inanoba nibsa e kukubo kla tekein kenomabbiobe. Am olo dimo inamomabbuo nakai Gode wengo naka mak unang maki omkayebibo imino mo omyena bianiba eka nakaia unangai weng afeto o mitmakamo i mo tekein kebibbao imino mo obianiba eka nakaia unangai tekein kemin homono tekein kebibo imino mo tekein kenanomabibbabe. Am olo dimo inamin namin olo alukum blimanamabo

2 Kolin 7:1

Ne nekwal ibo ne ibo kla gobe blibe. Gode baabenea Ibo ne meme anomabiobo genebuo weng olo bain kesoa nibo Gode tolo tosiam bianoba sbal manoba nib damo hengmino namino deibonoba eka bobol tem misiam funino deibo nanoba Gode kin dimo kining anomo!

Taitas 1:15

Naka maki i bobol tem funino ayam bianiba Gode bobolo fumbibi baaniba Inamin namino dabalim olo buo alukum ayamobo, o awembabo gabiobe. Eka maki Yesuse mo bainobo gabibbai i bobol tem funino misiam kesoa i baaniba Inamin namino alukum misiamobo gabib kesoa i bobol tem funino misiamobe. I hengmino hengabibo mo tekein kebibbabe.

Hiblu 10:22

Weng asu olo bain kesoa nibo God esu unomo! Yesuse kaanea e ilemo singanea nib bobol temo hengmino fubabenebio kesoa hengmino nib bobol temo blimobe. Nib bobol temo kining bioba i aay ayamo eito fuelabeibbio kesoa nibo nib bobol temo dim omin kukubo deibonoba nib bainobo galino sbal manoba monoba God esu unomo!

Hiblu 12:14

Ibo ib bobol temo fiab bianiba naka mak unang maki gobenin kukubo sbalma wafu bianiba eka kining anamin kukub osa kla sbalma wafunine! Nakae mo kining aim blim kene mole e mo moneta Sume God esuo mo unamabebabe.

Hiblu 9:14

Til gouta eil blumakauai besa kulanobe. I ilem osa kwetab osa o titil blimobe. Okobbabe. Klaist eta naka ayam hengmino blimobe. Gode Hobe e daabanea atdimo kaanea e ilemo singanea Gode olanea ilem olo nakaia unanga nib bobol tem funino daabonea nib hengmino omtlabenebio kesoa nibo Gode kintaline wengo wafunomabbiobe.

Yems 3:17

Ina otane nakai Gode bobol tem funino wafu blib ile naka ayamobe. I difib sanino deiboniba gilan bianiba naka maki gobe bianiba dohalim biobe. I mo funanibta Ni naka misiami deibenoba ayam ita daabenomo genimibbabe. I nakai alukum gobe bianiba daaye bianiba kukub ayam wafu bianiba i dim wengo mo obiam blibbabe.

Yems 4:8

Ibo Gode bobolo amitie fumbianiba nganhamib mole e ib wengo wentenea daabenamabebe. Hengmin gam ibo kukubo asu wafu bianiba hengabib kesoa hengmin kukubo deiboniba kukub ayam ota wafueine!

1 Fita 1:22

Ibo Gode bain wengo wenteniba bainobo geniba ib bobol temo kining am blib kesoa ibo bainobo galin naka maki besa sitalo mo baabenibta ni ibo gobe biobobo genimibe! Ibo ib bobol temo bain omyenibta kla gobeine!

Lebelesen 22:4

I ina bianiba Gode kla atemnabibta e i debelon dimo e niniino dolabenamabebe.