Matyu 5:12 - Mian

¹² Inayemib mole ibo bobol ayam fumbianiba seinine! Ina binib biamo sinanomo Gode abilim uto inamin namin ayamo homon doyamabebe. Sinanggwano i Gode weng omkeimalin naka isa inaye bianiba enino omkaye bianiba yebiam binibbiobo ge baabesebe.

Matyu 5:12 ပူးပေါင်းရင်းမြစ်များ

Matyu 16:27

Abilim Da Tlemin Naka ne abiseli dlonia eka ne Aye titilo ayal inamin einobuo omonania dleb tenia nakaia unangai kukubo dabalim olo nabinib biamo molo yang kebenamabibe.

Matyu 6:16

Yesuse imin baabenea Ibo Imeno halanoba Gode bobol ota fumbianoba beten kemomo gaibo ibo dim omin nakai kukubo mo wafunimibe! I imen teb yemin kibi kibal welasaniba haabliba nakaia unangai yateniba baaniba I imeno halaniba beten kebib kesoa i naka ayamobo geine geniba nabinabib yo ibo mo inamibe! Ibo olo funaine! I inabiba nakaia unangai dabalim ele blibi i niniino dotouleb binib biamo kukub olo makob i kukub ayamo sin yang keib biamabo kesoa i kukub ayamo imin yang kenamino blimobe.

Dowan Weng Olo Luke Dolanebuotabe. 13:34

Ayoo, Yelusalem bib sel ibo ne dohalimbibe. Ibo Gode weng omkeimalin nakai yebiba kulila biam eka Gode dowan weng omkeimalin nakai dlabene tlaibo tom dum yenaiba kulila biam nabinabibo, ne amitie ibo dolmina biania makob kakaluko memei belo tabab tem daako dlanoa kima binabo inania kimanano gabi otane ibo nesuo deitne bliobe.

Dowan Weng Olo Luke Dolanebuotabe. 6:23

Inayemib mole ibo bobol ayam fumbianiba seinine! Ina binib biamo sinanomo Gode abilim uto inamin namin ayamo homon doyamabebe. Sinanggwano i faninwali Gode weng omkeimalin nakai inaye binibbiota ibsa nayemomabiobe.

Dowan Weng Olo Luke Dolanebuotabe. 6:35

Ina otane ibo wasi nakai gobeniba daabeine! Ib inamin namino i doyaibo ibo mo funanibta i yang kebeine genimibe! Ibo misim doyib mole Gode abilim ut bie ib kukubo yang kebenea ibo e melel anomabiobe. E nakai goba blibbai daaye bianea eka naka misiami daaye biam biebe.

Abosel 16:25

aala bliba ibalanoa Fole Sailase i dabo Gode nganha bianiba e niniin dobtouleb nin anso ngambiba klabut naka maki biin mak mak ye aala blib isa wenten tlanabiba

Abosel 5:41

Yesuse okok dlasanin nakai Isleli komokwal isa naka gang isa deibeniba taniba bib tam unaniba funaniba Ni Yesuse wengo omkayebob o dafa ota i enino omyiba Gode nibo baabenea Ib kukubo ayamobo ge baabenebo geniba seinmonsiobe.

Fole Lom teni bainobo galini futano dola omfubesebe. 5:3

Eka weng mak ole enino nib dimo tam tlemo osa seinwebuobe. Nibo tekein kebuobe, enino nib dimo tam tlamo dosbal manoa nibo kukub ayamo sbalma wafunomabbiobe.

1 Kolin 3:8

Ni dab ni okoko makob naka asu dabi naniba make imen sano dosambea eka make aliamo beta biam nomabib inanoba ne Gode wengo ibo sin omyena bia eka Abolos ele ne abuk tenea ibo daabenea Gode wengo omyenea dosbalma nanebiobe. Ni dab ni okoko makobobe. Sinanomo ni dab ni okok olo nabobo Gode klanea okok olo kinea o molo yang kenamabebe.

2 Kolin 4:17

Memalo ni enin kino watemebob olo unobe. Otane o ni daayebo kesoa sinanomo Gode titilo ayal inamin einobuo ni omya o amit bianoa ni enin kin olo watemebobo gaisonamabo kesoa ni baanoba Enin olo menobo gabuobe.

Filibai 1:29

Gode ibo dlakanea baabenea Ibo Yesus Klaiste bainobo geine ge baabenea eka weng mak osa baabenea Ibo Yesus Klaiste wengo omkeimamomabibo dafa ota naka maki teniba enino omkayemomabiobo ge baabenebiobe.

Filibai 2:17

Ne ibo daabe blia ibo Yesuse wengo wente bianiba e okoko okok kebinibbua memalosa okok kebib kesoa ne seinyebibe. Ne ina binibio kesoa nakaia unangai e ananoba kaaneko gabiobe. I ne nenanimib osa ne ibo sma ye seinyemabibe.

Kolosi 1:24

Yesus Klaiste nakaia unangai e bainobo gabibi daayebe o dafa ota e enin kino watemebiobe. Ibo makob Yesuse damo ulabobe. Nesa inania Klaiste okoko okok kebiania ibo daayebi o dafa ota ne enin kino watemebi kesoa ne seimbibe. Naka mak unang mak isa inaniba Klaiste okoko okok kebianiba e bainobo galin nakaia unangai daayebiba eka naka mak unang maki teniba i enino omkayemomabib otane sinanomo enin olo blimanamabobe.

Kolosi 3:24

Ibo Sume Yesus Klaiste bobolo fumbianiba okok kebib kesoa ibo tekein kebiobe, sino e baanea Sinanomo ne inamin namin ayamo ne bainobo galin nakaia unangai doyamabibo genebio kesoa e bain inanea ibo okoko ayam okok kebinib biamo molo yang kenea doyamabebe.

1 Tesalonaika 2:15

Sinanggwano Yuda nakai Gode weng omkeimalin nakai yebinibbua i molobsel isa inaniba Yesus Sume ananibbuo memalo i ni enin sumo omkayebibo Gode i kukubo mo gobo biebabe. I naka maki alukum i makaabe.

Hiblu 10:34

Naka mak unang maki bainobo gabib o dafa ota bainobo galinba nakai teniba ge dleb moniba klabutamo dokabibo ibo nakaia unanga eli dohalim bianiba moniba daaye binibbiobe. Naka maki ib afobeingo ayok oise unebibo ibo alo mo tliyemin blimobe. Ibo funaniba Gode inamin namin ayamo omfubenebuo afobeing olo gaisonobio kesoa ni afobeing olo bobolo mo fumbobbabo, Gode inamin namin olo doyebuo amit namabobo ge fumbianiba seimbinibbiobe.

Hiblu 11:26

Mosese Gode Dofakamin Nakae kukubo wafu bie kesoa nakaia unangai ateniba kukub misiam omkaha binibbu otane e funanea Ne Isibo inamin namino bobolo mo wanebobabo, ne Gode inamin namin ayamo donamabeo bobol ota funano genea e kukub ayamo sbalma wafu binebiobe.

Hiblu 11:33

Nakai niniino baabei eli Gode bainobo gabib kesoa elekiem elekiemi moniba awao gonom gaibo i tata keniba makaai gaise gaise binibbiobe. I kukub ayam wafu binib kesoa Gode inamin namin ayamo doyamabibo genebuo dlibbiobe. I inaniba i bainobo galino sbalma bliba naka maki Gode mo bainobo gabibbai teniba bainobo galin naka eli maki dleb moniba til laioni daam tem daak daoba til laioni ina doweine geniba inabenimib osa til laioni naka eli mo ina unalin blim deibebe binibbiobe.

Hiblu 11:6

Eka nakaia unangai mo bainobo gabibba ile i kukub ayamo wafu blibo Gode watenea funanea I kukub ayamo ye wafu blib otane ne mo seinyebibabe. Niminbabe, i ne mo bainobo gabibba kesoa i naka molot unang molotbabo gabebe. Nakaia unangai God esu unomo geib mole i fumbianiba Bainobo, Gode bain ye bianea inamin namin ayamo nakaia unangai e bainobo gabibi omyamabebo ge funaine!

Yems 1:2

Ne nekwal ibo wentine! Inamin namin kukub misiamo ibsuo tam tlamabuo ibo ye seimbibte!

Yems 5:10

Nekwal ibo sinanggwano Gode weng omkeimalin nakai Gode wengo omkaye binibbuei i kukubo funaniba kukub olo wafueine! I wasi nakai enin sumo omkayebib otane i kukub ayamo sbalma wafu binibbio kesoa

1 Fita 4:13

Sino enin olo Klaiste dim osa tam tlubanobiobe. E enin kino watemebio kesoa Klaiste bainobo gabib naka unang ibsa inaniba i enino ibo omyomabiobe. I ibo inayemibo seinine! Ibo inaib mole Klaiste imin tlea e titilo keimanomo dimo ibo dot seinin sumo seinomabiobe.