Matyu 27:42 - Mian

⁴² baaniba E naka mak unang maki daaye binabe otane emalo ele skilo mo daabanamabebabe. E bain Isleli komok sum eta biameo emaye ele skil daabanea atdimo deibo daak tleta ni atemnobta e bain Gode miinobo genomo!

Matyu 27:42 ပူးပေါင်းရင်းမြစ်များ

Matyu 2:2

kil baaibo Mene mema dofaibe Yudai komok sum anamabe fab biene? E dofaibo dimo awitnino mako afoko tlebo da ye mawesota ni watenobta teta e niniino dobtouleb nom geta tlobobo gesiba

Matyu 27:37

i weng mako dolaniba Yesuse gabam obeb ut da bie ut omginiba baaniba NAKA ELE YESUS ETABO, E YUDAI KOMOK SUMOBO ge baaniba omgi deiboniba

Matyu 27:40

baabaniba Kobo baaneba Ne Gode am sumo galafania amo asumatna kenia genamabibo genebbio kesoa kobo bain Gode miin biaebo kebmaye kleb skil daabkenota atdimo deibo daak tele ge oha biam nabiba

Matyu 27:41

Gode amo kimanin nakai komokwal isa eka hekmel weng tekein kemin naka isa eka Yudai komokwal isa aben giha bianiba

Dowan Weng Olo Make Dolanebuotabe. 15:31

Gode amo kimanin nakai komokwal isa eka hekmel weng tekein kemin naka isa aben giha bianiba isinwalo weng dobo weng oha bianiba baaniba E naka mak unang maki daaye binabe otane emalo ele skilo mo daabanamabebabe.

Dowan Weng Olo Make Dolanebuotabe. 15:32

E Gode Dofakamin Naka Isleli komok sum eta biameo emaye ele skil daabanea atdimo deibo daak tleta ni atemnobta e bain Gode miinobo genomo ge ohabiba eka ayok henin naka asuei atdimo dlasaniba silo bikibeibbue isa inaniba Yesuse weng dobo weng oha biam monsiobe.

Dowan Weng Olo Luke Dolanebuotabe. 19:38

ngambianiba Komok Sum ele Sume niniin dim ota tlebo, Gode daabaneko! Gode nibo seinyebebo, nibo e niniino dobtouleb nomo ge ngan nganiba bebiba

Dowan Weng Olo Luke Dolanebuotabe. 23:35

eka nakaia unangai mabianiba atemebiba komokwali weng dobo weng oha bianiba baabaniba E naka mak unang maki daaye binabebo, e Klaist Gode Dofakamin Naka eta bie mole emaye ele skil daabaneta atdimo deibo daak tleko gesiba

Dowan Weng Olo Luke Dolanebuotabe. 23:37

baabaniba Kobo Yudai komok bieb mole kebmaye atdimo deiboneba daak ele ge baabasiobe.

Dowan Weng Olo Yone Dolanebuotabe. 1:49

Nataniele baabanea Aleyemin naka kobo Gode miin Isleli komok sum kebtabo ge baabasea

Dowan Weng Olo Yone Dolanebuotabe. 12:13

Yesuse til dongki mene make dobonea e dim ut tounea teseo sinanggwano Gode buk temo baanoa Yelusalem bib sel ibo mo tosianimibe! Ib komok sume til dongki mene dim ut toumbia debeb tebebo genobuo e bain inanea tebea nakaia unangai flim aan inamino haa oleb moniba esu unaniba ngambianiba Islel ten nibo nib komok sume niniino dobtouleb nomo! E Sume niniin dim ota tlebo, Gode daabaneko ge ngan monsiobe.

Dowan Weng Olo Yone Dolanebuotabe. 12:47

Nakaia unangai ne wengo wentebibbai ne mo baabenita Ibo bib misiam unomabiobo genimibabe. Niminbabe, ne dabalim olo mo tenita nakaia unangai oyebianita inamin ibo bib misiam unomabiobo, eka inamin ibo bib ayam unomabiobo galano genita tlim blimobe. Ne tenia i daabenia hengmin temo blibo dotlanang genita tlibiobe.

Dowan Weng Olo Yone Dolanebuotabe. 9:24

Felisiei naka ele imin nganabaib tesea baabaniba Ni tekein kebuobe Yesus ele hengmin gam kesoa kobo e niniino mo dobtouleb bianebta baanebta Yesus eta klautnenebo genemebe! Kobo Gode niniin ota dobtouleb bianeba baaneba God eta klautnenebo genale gesiba

Abosel 4:14

I ina bianiba temibta gilok alo binobio nakae ayam anebua Fitawala Yonwalai tena blib kesoa ateniba weng blim kesiobe.