Matyu 23:34 - Mian

³⁴ Ibo inamomabib kesoa kla wentine! Ne Gode weng omkeimalin naka isa eka tekein kemin naka isa eka Gode wengo aleyemin naka isa dlaia moniba ibsu natliba ibo maki yenaiba kulilaiba eka mak ile atdimo dlasaniba silo bikiniba yebianiba eka mak ile Gode amo tem tam yafuniba tek tebeloniba yemdeiba uniba kambliba moniba bib mak bib mak ye haabliba kan haanomabiobe.

Matyu 23:34 ပူးပေါင်းရင်းမြစ်များ

Matyu 10:23

Ibo bib mako bliba enin sumo omkayemib mole bib olo deiboniba moniba bib afet unine! Ne bain baabenamabibe, ibo Isleli bibamo ne wengo omkayemibo atosino mo alukum blimaim blim biota Abilim Da Tlemin Naka ne imin tlamabibe.

Matyu 13:52

e baabenea Am sake make e kukubo inaminobe. E inamin namin afobeingo sin osa mema osa e am tamo okabebe. Hekmel weng aleyemin nakae make Gode kimanin kukubo wafune mole e makob am olo gosakobe. E bobol temo Gode hekmel wengo sin osa eka mema weng osa tekein kebianea wafu biebo ge baabesebe.

Matyu 23:31

Ibo baaniba Nakai Gode weng omkeimalin nakai yebinibbio yei ni faninwalobo gabib kesoa i molobsel ibo makob i bobol temsabe.

Dowan Weng Olo Luke Dolanebuotabe. 24:47

eka naka maki e niniino mikiktemo Yelusalem bib seli sino omyenibta mitdata bib mak bib mak sel isa Gode Dofakamin Nakae Klaiste niniino omkeimaniba omkaye bianiba baabeniba Ib hengmino deiboniba ib bobol temo deskinaniba Gode omaliba e ib hengmino omtlabeneko ge baabenomabiobo genobiobe.

Dowan Weng Olo Yone Dolanebuotabe. 16:2

Kukub olo inaminobe. Yuda naka maki ibo baabeniba Ibo Gode am temo mo lotu kemibe ge baaniba fotebe nabianiba eka mak ile funaniba Yesuse okok aleyemin nakai yemin kukub olo Gode okokobo geniba i ibo yebiam nomabiobe.

Dowan Weng Olo Yone Dolanebuotabe. 20:21

Yesuse imin baabenea Ibo mo tosianimibe! Bobol ayam blibte! Ne Aye nemanea tenia e okoko okok kebi inania ibsa dlaia moniba e okoko okok kemine ge baabenea

Abosel 1:8

Ina otane Ne Gode Hobe dabai tenea ibo bekebe bianea e titilo omkayebea ibo moniba Yelusalem bib sel isa Yudia betano bib mak bib mak sel isa eka Samelia bib sel isa eka bib mak betan mako blib isa alukum ne wengo omkayemomabiobo ge baabenea

Abosel 11:27

Am olo dim ota Gode weng omkeimalin nakai maki Yelusalem bib ye blibi bib olo deiboniba moniba Antiok bib ye teniba

Abosel 12:2

awa genalin nakai baabenea Ibo bainate tebeb moniba Yone heke Yemse anaiba kaaneko ge baabesea i inaniba moniba Yemse ananiba kaanea

Abosel 13:1

Nakai niniino Banabas esa Simione e niniin mako Milil esa eka Lusias Sailini naka esa Isleli komoke Helote ninge Maneyen esa Sol esa itabe. Naka eli maki Gode weng omkeimalin nakabe. Eka mak ile e wengo aleyemin naka nabe. I Yesuse bainobo galin nakaia unangai Antiok bibo blibi bekebe bliba

Abosel 14:19

eka Yuda nakaia unangai mo bainobo gabibbai Antiok bib osa Aikoniam bib osa blibi teniba Listla bib olo seli dim baabeniba Folwala Banabaswalai misiam nabiobo gesiba Listla bib seli wenteniba bainobo geniba tom obo binaniba Fole anaiba kaanea debetniba bib olo daam temo deibo tam bib tam unaniba kaanebo ge funaib otane

Abosel 15:32

Yudase Sailase i dabo am homono dimo ye baka bianiba Gode weng omkeimalin naka kesoa Yesuse dowan wengo bainobo galin nakaia unanga eli aleyebiba i bainobo galino sbalma wafueib ole

Abosel 5:40

i Yesuse okok dlasanin nakai imin nganabeiba taniba am tam temiba komokwali awa genalin nakai baabeniba Ibo sayo tebeloniba naka eli yemde dlaine ge baabeiba inaniba yemde dlasiba komokwali Yesuse okok dlasanin nakai baabeniba Ibo Yesuse wengo imino mo omkeimanimibe ge baabeniba tileiseniba

1 Kolin 2:6

Ne tekein kemin nakai wengo ulabo ibo mo omkayemin blimobe. Otane ne Gode wengo naka mak unang maki e wengo kla wentebib ita e tekein kemin weng olo omkayebibe. Ne Gode wengo i omkayebi kesoa i Gode wengo kla tekein kenomabiobe. Ne weng olo tekein kemin nakai dabalim olo blib isa eka dabalim olo komokwal isa i wengo ulabbabe. Naka eli sinanomo kaaiba nakaia unangai i wengo amito mo wentemomabibbabe.

1 Kolin 3:10

Ne makob naka maki amo genom gaibo maki sin teniba amuno hakena olabba onsiba eka maki teniba biino omfa onsiba eka maki teniba molongo tebelaniba waao baniba genabib inania ne sin tlia Gode daatnenea ibo Gode wengo omkayebi onsia eka naka make ne abuk tle ele tenea Gode wengo imin meseinea omkayebebe. Nakaia unangai amo genom gaibo kla funaniba Inabonomobobe geniba klanabib inaniba ibsa Gode okoko kla okok kemine!

Kolosi 1:28

Ni Klaiste wengo nakaia unangai bib mak bib mako blibi omkayebob kesoa Gode bobol tem funin ayamo ni omkayebea ni e wengo nakaia unangai omkaye bianoba i kukub misiamo nabibo aleye bianoba baabenoba Ibo Klaiste wengo bainobo genimibo e ib kukub misiamo omtlabenamabebo ge oyebuobe. Ni funanoba Ni i dleb monoba God esu danoba e yatenea funanea I Klaiste wengo tekein keniba i bainobo galino sbal maniba ite Klaist ete naniba makob aibobo ge funaneko genobta Yesus Klaiste wengo i omkayebuobe.

1 Tesalonaika 2:16

Niminbabe, ni Gode wengo bib mak bib mak seli omkaye bianoba baabenoba Ibo Yesuse wengo wentib mole Gode ibo hengmino temo blibo dotlanamabebo gabob wengo watanomo gabib otane i mo inaim blimobe. Ina otane i amitie hengmino hengabiba i hengmino sum anoa memalo Gode atlihamino i dimo tam tebiobe.

Hiblu 11:37

eka mak ile tom dum bainobo galin nakaia unangai yebiba kulila binibbiobe. I ina bianiba mak isa inaniba soo dloniba bainobo galin naka mak unang maki waiba akeb dao on eka gabam dao onaniba kulila binibbiobe. Eka mak ile seku inamino tebeloniba bainobo galin naka mak unang maki yebiam bliba kulila binibbiobe. I Gode bainobo galin nakaia unangai enin sumo omkayebiba misiam bianiba i monio youmo walonamino blim kesoa i youm misiamo eil sibsibi aal osa eka til gouti aal osa ota gemeloniba kibinibbiobe.

Lebelesen 11:10

Eka nakaia unangai asu dabi kanketa kaaibobo geniba seinye bianiba i nekwali inamin namino doyomabiobe. Niminbabe, Gode weng omkeimalin naka eli nakaia unangai dabalim ele blibi bobol tem abilo omkaye binib kesoa i inanomabiobe.