Matyu 21:42 - Mian

⁴² Yesuse baabenea Gode buk temo damibo gosake miine anaibbuo wengo baanoa Am genalin nakai sbal as ele Misiamobo, temdeibanomo geibbu otane komoke baanea Yeye ibo sbal as ele isak amun ayamobo bikieine gesea i inaniba sbal as ele isak amun bikieiba nakaia unangai Sume okok olo naneo watemniba Klayamobo gabiobo genobuo ibo kibinabib otane o mitmakamo mo tekein kebibbabo ge baabesebe. Yesuse saa weng olo oyebeo e bobol temo funanea Damib kimanin naka eli makob Yudai komokwal itabo ge fumbianeta baabesebe.

Matyu 21:42 ပူးပေါင်းရင်းမြစ်များ

Matyu 21:43

Inamin kesoa ne weng mako baabenamabi olo bainobe. Sinanggwano Gode Yuda ibo dlakanea Ibo ne damibo kimaine genebu otane ibo klao mo kimain blim keib kesoa e omeisenea naka afeti kukub ayam wafu blib ita omia ita e damibo kimanomabiobo ge baabesebe.

Abosel 4:11

Ibole makob am genalin nakai ulabobe. Eka Yesus ele makob sbal ase ulabobe. Gode buk temo baanoa Am genalin nakai sbal as ele misiamobo temdeibanomo geibbu otane komoke baanea Yeye ibo sbal as ele isak amun ayamobo bikieine gesea i inaniba sbal as ele isak amune bikieibbiobo genobu olo Yesuse weng sangobe. Kukub olo makob ibo Yesuse baabaniba Ni kobo deibkenoba kananoba kaanamabeobo geniba anaiba kaane otane Gode imin dofaanea hananea bainobo galin nakaia unangai kima biebe.

Fole Lom teni bainobo galini futano dola omfubesebe. 9:33

Ibo tekein kebiobe, Gode buk temo saa weng mako Yesuse makob tomobo genoa enangge baanoa Wentine! Ne tome Isleli bib sumo niniino Yelusalem bib ye ofaibua nakaia unangai tom ele dimo bangbanganiba dlo blela yenanamabobe. Eka nakaia unangai e bainobo gabib mole i bobol ilumo mo omfubenamabobabo genobiobe.

Efesas 2:20

Gode meletan nibo makob Gode amo genebio inaminobe. Yesuse okok dlasanin naka nisa eka e weng omkeimalin naka isa ni makob ilam amuno ulabobe. Eka Yesus Klaist ele makob isak amunobe. Eka ibole makob taliba tlakala o ulabobe.